¹ Kale uchala akayugha na bapapi mubukubwimukayughile akinginumwa kulekana lekana. ² Lole ukushila ukwa mashiku agha akuygha nutwe numwana we akamubika uwa kwingila munyumba shoshi mumwake sona akapela ifyisu ifya kumwanya. ³ Uyo pakuti umwene kumwekuka ukwa bushisha bwake ni chimanyisho ichenecho icha kabele kake. Akapimba fyoshi na mashu agha maka ghake po akelufyanga imbibi akikala kunyobe ya ubukulu ku mwanya. ⁴ Mwo wakuputa abandumi ngati mwo akingila mwilyita ilya kupota abene. ⁵ Pakuti muwandumi yuki ati akabalilo koshi uwe we mwana wangu umusughu une naku papa uwe, sona une tingabene gwise wake. Po umwene takabe mwana kukwangu. ⁶ Po mwo egha ukatote ukwingila nawe mu chisu ndati po, bamufughamilile yuyo abandu mwi boshi aba Chala. ⁷ Po ishabandumi bakuti we akuti abandumi bake imbepo na bakubombela babe maghalashibwe. ⁸ Lole ishakuyugha isha mwana bati ichitengo icha bufumu chinyu uchala tibube bwila bwila. Po ingomo lya bufumu ingolofu yo ngumo ya bufumu bwinyu. ⁹ Mwighana ubwanaloli nukububenga ububibi mu ichi uchala we wi Chala winyu abasaya na mafuta agha lusekelo ulwenecho ukulusha abanyinyu. ¹⁰ Po uwe Chala pabwandilo mukabika imishu ya chisu po amaghamba mbombo yatukono twitu. ¹¹ Ifyo tifikashile lole uwe tiwikale bwila bwila fyoshi tifika shile ngati myenda. ¹² Ngati chakwifwinga timukapeteke ngati myenda po tifika henje, lole uwe we yula yula sona imyaka yako tayikashile. ¹³ Lole isha wandumi yuki akati kabalilo koshi, ikala pa nyobe yangu lya ndyelo mpaka mbabike abalughu bako kutulundi twako. ¹⁴ Kukuti imbepo shoshi shitakubomba sho bakushituma ukuti shibombele bho tibakingile kubupokwa.