1 Upetro mubombi wa Yesu kilisito kubasaliwa abalendo aba kwenda kwenda aba kuponto Galatiya Kapadokiya, Asiya nu Bitiniya. 2 Umwakumanyila nganila kwa Chala mukusukiwa kwa mbepo icha kupulikisha nukunyasa ibanda lya Yesu kilisito, ichisa nu ,itende fibale mumwinyu. 3 Asayiwe uchala wi baba wa chala ulitu Uyesu kilisito we ngati ukulonda kwake ukukulu akatu papa ku kulindilila kwa bumi, umwa kushuka kubafwe kwa Yesu kilisito. 4 Ukuti tupokele imbyana yo yita kubola nayo yita kunyasha, yo yitakushila amaka ichaku senguliwa ku mwanya umwe. 5 Mwe mukusungiwa na maka gha Chala mulwitiko mpaka ku bupokwa chochanoshiwa ukuvumbulwa akabalilo akabumalilo. 6 Mwo mukuhoboka, nulushe akabalilo linga kubagile mubombeliwe ichisa ningelo isha luko nu luko. 7 Ukuti ingelo isha lwitiko lwinyu sho shapamwanya sho shikusoba nalinga agheliwa nu moto bakabe bakupalisha nubushisha nu muchizi pa kwisa kwa Yesu kilisito. 8 We napo muta mubwene mumughanite we nalinga mutakumutesha ulu pakusubila mukuhoboka nawe nu lusekelo ulukulu ngani nulwa bushisha. 9 Nukupokela ubumalilo uwa lwitiko lwinyu wo bupokwa bwa moyo winyu. 10 Ukuyugha ishi bupokwa ubu akalonda londa akachenja aba kubwi ukuyughilila isha chisa cho chikubisila. 11 Nukuyugha kabalilo kaki pamu kabalilo kaliku umbepo wa kilisito we alimumwabo gukasondiwa pakushimikisha isha ndamyo sha kilisito nubushisha ubwa kukongana nabo. 12 Kubo kukabonekela ukuti ba takibombela bene lole umwe ni findu ifi sho shayugiwa kukwinyu ulu kubo bakaba lumbilila inongwa inyisa mwa mpepo mwikemo we atumiwe ukufuma kumwanya ifindu ifi abandumi bakunyonywa kunanamishamo. 13 Pa ichi pakwipinya mumusana ukuyugha isha moyo winyu mwisungaghe mulindilile koshi koshi ichisa cho cheghiwe ukwisa nacho kukwinyu, mukuyugha kwa Yesu kilisito. 14 Ngati bana abakupilikila bo batakugheleshiwa ni mbombo isha kale, pakuti, umwe mutakumanya. 15 Lole ngati we akwitisha umwe mwelu numwe mube belu mubumi bwinyu boshi. 16 Pakuti kusimbiwe mube belu umoyo ngati nene ne mwelu umoyo. 17 Po linga mwamwitisha ngati wibaba, we akulonga ukuya na ni mbombo sha mundu gweshi, atakusala mube nubwogha pa chilendo chinu. 18 Pakumanya ukuti mutapokiwe umwa kupubila, ukulekana na kabele kinu akamwalwe aka kufuma kubapapi binu. 19 Lole ni banda ilya pamwanya ngati uwa nangoshi we ata nakalema nawe ata nibala lyo libanda lya kilisito. 20 We akamanya mwo ichisu chitapeliwe lole akalangishiwa pakabalilo aka bumalilo. 21 Chifukwa chinu mwe mumwake mukusubila uchala we akamushusha, ku bafwe nukumpa ubushisha, ukuti ulwitiko lwinu nukulindilila kwinu kube kwa Chala. 22 Pakuti mwasuka umoyo winu pakupulika ubwanaloli ukuti mubakonge abakamu nu lughano chota cha bumyashi mughanane naloli ukufuma ku mwoyo. 23 Umwe mwe mupapiwe sona mutapapiwe kumbeyu yo yifwile, lole yo yitabolite mu mashu gha Chala amumi na ghakwikalisha. 24 Pakuti abandu boshi bali ngati bwisu, nubushisha bwabo ngati ingose ya bwisu ubwisu bukufota ni chibunga chake chikugwa. 25 Lole amashu gha Chala gha bwila bwila, po amashu gho ghakulumbililwa kukwinyu gho agha.