¹ Ngalaka dakoh, Malaikat dakoh nyua' wa iko sungi paitn' kahidupan, da bening ulah Kristal, mangalir umpatn takhta Jabata ge' Anak Domba ² ka tauda-uda pagala kota dakoh. Ka dua tabikng sungi, idup puutn kahidupan da mangasil dua balas jenis buah ge' ngasil buaha' satiap buratn. Dauntn-dauntn puutn dakoh gatn'mangune yak makahwatn bangsa-bangsa. ³ Kati' ao' ani agi kutuk, tapi takhta Jabata ge' Anak Domba ao' ani ka sadatn kota dakoh. Hamba-hamba-A' ao' nyambah Ini'. ⁴ Ayoa' ao' mile wajah-A ge' gaatn-A' ao' tatulis wa kaning ayoa'. ⁵ Ngarum kati' ao' ani agi singga ayoa' kati' perlu balo lampu ato matuano karna Tuhan Jabata ao' nugo ayoa', ge' ayoa' ao' marintah salama-lamaa'. pangkutukng Yesus Kristus ⁶ Malaikat dakoh nyasana wa iko,"Smaan saratn diah bisa gatn parcaya ge' benar. Tuhan, Jabata umpatn roh ayo nabi, ngadu malaikat-A' yak nyua' wa hamba-hamba-A' jai da arus segera tajadi. ⁷ Dangahlah, Iko' segera utukng! Gatn berkati lah sok da mantaati saratn-saratn nubuat Kitab diah." ⁸ Iko', Yohanes, da laka dangah ge' mile smaana' dakoh. sa iko' dangah ge' mile smaana', iko' basujud yak menyambah ka kaja malaikat da laka nyua' samaan dakoh wa iko. ⁹ Namun, ini' nyasana wa iko, "iya umas dakoh! Iko' diu' ta hamba samu ulah imu' ge' age-agemu', ayo nabi, gae ulah ayoa' da mantaati saratn-saratn ka sadatn Kitab diah. Sembahlah Jabata!" ¹⁰ Ngalaka dakoh, Malaikat dakoh nyasana wa iko', "Iya nyigel saratn-saratn nubuat kasadatn Kitab diah karna anoa' agi jiket." ¹¹ Katea ayo sok da umas da jahe' tetap umas da jahe', sok da kati' suci, sok da umas banar tetap umas kebenaran, ge' sok da kudus tetap mengudus umpu' adup a'." ¹² "Dangah, Iko' segera utukng! Ge', Iko' yak minsakng upah-Ko', yak membalas satiap sok manurut parabuatana'. ¹³ Iko' diu' ta Dauru' ge' da unyhi', Da Pamule ge' Pangkabas. ¹⁴ Gatn' berkatilah ayoa' meetn jubah ayoa' singga ayoa' umpu' puutn kehidupan dakoh ge' maruh ka kota dakoh nabo pintu-pintu gerbanga'. ¹⁵ Da ka sato kota dakoh diu' ta kasu-kasu, sok da umas sihir, ayo-sok cabul, ayo pangamis, ayo penyembah, bahala, ge' ayo-sok da nyuka da laceh. ¹⁶ Iko' Yesus, laka ngadu malaikat-Ko' yak basaksi wa imu' tentang samaana' diah bagi jemaat-jemaat. Iko' ta taratat ge' keturunan Daud, Sang Bintakng' Timur da benderang." ¹⁷ Roh ge' panganten da mahu dakoh nyasana, "Kaeh!" Katea ayo sok da dangah diah nyasana, "Kaehlah!" Katealah sok da aus utukng; katealah sok da basadia naap paitn kehidupan sacara cuma-cuma." Panutup ¹⁸ Iko' bersaksi wa samaan sok da dangah saratn nubuat Kitab diah: "sa ani da nambah tarutn' wa saratn-saratn diah, Jabata ao' nambah wa ini' samaan bancana da tatulis kasadatn Kitab diah. ¹⁹ Ge', sa ani da mangurangi tarutn' umpatn saratn-saratn ka sadatn' Kitab nubuat diah, Jabata ao' naap bagiana' umpatn' puutn' kehidupan, umpatn kota Kudus, ge' umpatn' hal-hal da tatulis ka sadatn' Kitab diah." ²⁰ Ini' da basaksi tentang hal-hal diah nyasana, "Ai. Iko' segera utukng." Amin*! Utukng mih, Tuhan Yesus! ²¹ Anugerah Tuhan Yesus menyertai imu' samaan. Amin.