¹ Ngalaka dakoh, nyungan umpatn ijo malaikat da nyinte ijo cawan dakoh kariket ge' nyasana wa iko, watna, "kaeh lah, iko' ao' nyua' wa imu' hukuman yak palacur ahyo palacur gatn magaatn yak kota Babel dakoh, da unyung ka samo' karah paitn, ² da nigea' raja-raja ka bumi berzina ge' ayoa' da madi' ka bumi laka mabuk oleh anggur perzinaana'." ³ Malaikat dakoh minsakng ko' kasadatn Roh ka tayak udu, ge' iko' mile' nyungan sok mahu munyung ka samo' nyungan banatang gawarna taransak da pahnu' nige' gaatn-gaatn hujat. ⁴ mahu' dakoh ngiak pangiak barawana ungu ge' taransak da barias barawatn', batu-batu permata, ge' mutiara. Ini' nyinte nyabuah cawan barawatn' da pahnu nige' kekejian ge' kenajisan petzinaana'. ⁵ Wa kaninga', tatulis rahasia gaatn' tarutn': ⁶ Iko' mile' mahu dakoh mabuk oleh daya' ayo sok kudus ge' oleh daya' saksi-saksi Yesus. Ano' iko' milea' iko' marasa sangat heran. ⁷ Lalu, malaikat nyasana wa iko'," nyai imu' heran? Iko' ao' muji' wa imu' rahasia mahu' dakoh ge' rahasia binatang da gatn' makaa', da baabak ijo ge' batanuk sapuluh dakoh. ⁸ Binatang da imu' mile' dakoh suah ani, tapi mati' nga kati' ani, ge' ao' segera mungkas umpatn' jurang maut ntos kebinasaan. Ge', ayoa' da madi' ka bumi, da gaatna' kati' tarcatat kasadatn Kitab Kehidupan sajak dunia gatn' mancipta, ao' heran sa' mile' binatang dakoh, da suah ani, tapi mati' nga kati' ani' ge' ao' muncol agi. ⁹ Hal diah memerlu akal ge' hikmat. Ijo abak dakoh diu'ta ijo gunung da ka samoa' mahu dakohmunyung. ¹⁰ Ijo' abak dakoh uga diu ta ijo' raja, rima ka antaraa' nga jantu', nyungan raja agi katinga utukng, tapi sa' ini' utukng, ini' arus madi' sabantar ta. ¹¹ Binatang da idu' suah ani, tapi mati' kati' ani agi dakoh, diu'ta raja kadamahi tapi ini' termasuk kasadatn ijo' raja da ijah, ge' ini' ntos kebinasaan. ¹² Kasapuluh tanuk da imu' mile' diu' ta sapuluh raja da tinga narima pamarintahan, tapi ayoa' narima kuasa sabage raja salama nyajam samahu' binatang dakoh. ¹³ Ayoa' umpu' tujuan da samu', ge' ayoa' mangkatn kuasa ge' wewenang ayoa' wa binatang dakoh. ¹⁴ Ayoa' ao' baparang malawan Anak Domba, tapi Anak Domba ao' ngalah ayoa' karna Ini' diu' ta Tuhan kasamo' sagala tuhan ge' Raja samo' sagala raja ge' ayoa' da samahu-A' diu' ta da gatn' maba, gatn' milih, ge' da satia." ¹⁵ Laka dakoh, malaikat dakoh nyasana wa iko'mile', "Paitn da imu' mile', da ka samoa' palacur dakoh munyung, diu' ta masyarakat, sok karah, bangsa, ge' bahasa. ¹⁶ Kasapuluh tanuk da imu' mile' ge' binatang dakoh ao' rusi mile' sa palacur. Ayoa' ao' umasa' terlantar ge' ugakng, gae' malahap dagina' ge' nyahu ini' nige' api. ¹⁷ Sabab, Jabata laka napo' hal dakoh ka sadatn' ate ayoa' yak mancape tujuan-A' nige' satuju yak mangkatn' kekuasaan ayoa' wa binatang dakoh singga firman Jabata gatn' manganap ¹⁸ Mahung' da imu' mile' dakoh diu' ta kota da ahyo'da memerintah ka samo' raja-raja ka bumi."