¹ Laka dakoh, samaan sok dakoh agut'n ge' minsakng Yesus ka hadapan Pilatus. Ge', ayo'a mule nuduh Yesus nige nyansana, "Kai' kaat'n Sok diah panyasat bangsa kai' ² ge' mingat kai' yak bayar pajak ka Kaisar, gae muji' kalo Ini' diu'ta Kristus, sok Raja." ³ Pilatus mansikat'n ka Yesus, "Diu'ta Akup'm Raja sok Yahudi?" Yesus naham, "Dakoh da imu' muji'." ⁴ Laka dakoh, Pilatus nyansana ka imam-imam kapala ge' sok karah, 'Iko' kati amput sara ka Sok diah." ⁵ Tapi aok'a, ayo'a nuntut gae baseru nige karas, "Ini' ngasut ayo-sok nige ajaran-A wak saluruh wilayah Yudea mule umpat'n Galilea sampe wak diah!" Yesus Gat'n minsakng ka Herodes ⁶ Jangkah Pilatus dangah hal dakoh, ini' mansikat'n diu'ta Yesus sok Galilea. ⁷ Ge', ngalaka ini' pane kalo Yesus brasal umpat'n rapo kakuasaan Herodes, Pilatus pun ngirim Yesus ka Herodes da saat dakoh sadakng madi wak kota Yerusalem. ⁸ Jangkah Herodes mile Yesus, ini' aru awhat'n . Ini' laka tuhi ngate badaput nige'-Ini' barang ini' laka dangah karah tentang Yesus sabab ini' baharap bisa mile suatu mukjizat da gat'n bulah uleh Yesus. ⁹ Lalu, Herodes mangaju karah partanyaan ka Yesus, tapi Yesus kati mangkat'n jawaban jai pun ka ini'. ¹⁰ Imam-imam kapala ge' ahli-ahli Taurat da agut'n wak teet'n nuduh Yesus nige aru sengit. ¹¹ Bahkan, Herodes ge ayo tentara'a uga ngarendah'a ge marihit Yesus. laka dakoh,ayo'a nakat jubah da lamus lalu ngirim'a malik k Pilatus. ¹² Idu Pilatus ge Herodes saling badangki,tapi k ano dakoh ayo'a bakawan.Pilatus Gagal ngabebas Yesus ¹³ Laka dakoh, Pilatus ngubu imam-imam kepala, aya pamimpin Yahudi,ge sok karah, ¹⁴ lalu nyansana ka ayo'a "Imu minsakng sok diah ka iko sebagai sok da nyasat sok karah. tapi,Ao jangkah iko ngadil'A ka hadapanmu, iko kati amput sara samu da mu nuduh ka ini. ¹⁵ Herodes uga kati amput sara'A sehinga ini malik ka ite. mile,ini kati bulah da sara da pantas gatn ngukum kabis. ¹⁶ Barang dakoh, ngalaka iko manghajar'A, iko ao ngarapas'A." ¹⁷ [ka satiap hari raya Paskah,Pilatus arus ngabebas sok tahanan yak sok karah.] ¹⁸ tapi,Ao sok karah dakoh kaekng-kaekng samahu-mahu," da nguser sok diah! Ngalapas Barabas yak kai!" ¹⁹ [Barabas anita sok da gatn manjara barabg talibat ge sok pebangkang ka kota ge uga ngalaku ngamis.] ²⁰ barang Pilatus ngate ngalapas Yesus, maka nyakai ni nyansana ka sok karah. ²¹ tapi,Ao ayo'a tetap kaekng-kaekng,"Nyalib ta Ini! Nyalib ta Ini!" ²² Yak katiga kali,a Pilatus mansikatn'a ka ayo'a, "Nyai? jahe jai da nga gatn'a umas sok diah? Ini kati basara. Iko kati amput sara jai pun ka Ini da pantas gat'n ngukum kabis. barang dakoh, iko ao menghajar'A lalu ngalapas'A." ²³ Sa ayo'a terus bakaras ge nuntut nige sarat'n nyarekng supaya Yesus gat'n nyalib.ge, sarat'n ayo'a pun manang. ²⁴ Akhir'a, Pilatus mutus yak ngampahnu tuntutan ayo'a. ²⁵ Ini' ngabebas sok da gat'n mahi uleh sok karah, da gat'n manjara barang ngalaku pambarontakan ge' pangamis. Tapi aok'a, ka kainginan ayo'a. Panyaliban Yesus ²⁶ Jangkah ayo tantara minsakng Yesus anu, ayo'a uga nahan sook, diu'ta Simon umpat'n Kirene da bahu utukng umpat'n desa. Ayo tantara mana' salib Yesus wak kae'a ge' ngadu'a maha salib dakoh wak blakang Yesus. ²⁷ Karah sok da nganang Yesus, ge' wak antara ayo'a ani ayo-mahu da munse ge' manse'et'n Ini'. ²⁸ Tapi aok'a, Yesus nuleh ka ayo'a ge' nyansana, "Hei putri-putri Yerusalem, iya' imu' manse'et'n Iko. Ngawanglah adupmu' sadi ge' anak-anakmu'. ²⁹ Aok tiba waktu'a jangkah ayo-sok aok nyansana, 'Babahagialah ayo-mahu da mandul, ge' da rahim'a kati parnah baranak anak, ge' da susu'a kati parnah manyusui.' 30 Pas saat dakoh ayo'a aok nyansana ka gunung-gunung, 'ruruhlah ka samo kai'!' ge' ka bukit-bukit, 'Timbunlah kai'!' ³¹ Sabab, apabila ayo' bulah hal-hal diah jangkah puut'n masih idup, jai da aok tarjadi jangkah puut'n dakoh badu?" ³² Ani uga dua ungan panjahat da gat'n minsakng yak gat'n ngukum kabis samahu-mahu nige Yesus. ³³ Jangkah ayo'a sampe wak nyabuah tampat da bagaat'n "Tangkorak," ayo tantara nyalib Yesus samahu kadua panjahat dakoh, sok wak suut'n santao'-A ge' sok agi wak suut'n sangkiri-A. ³⁴ Laka dakoh Yesus nyansana, "Ai Bapa, ampunilah ayo'a, barang ayo'a kati pane jai da ayo'a barang ayo'a kati pane jai da ayo'a bulah." Lalu ayo tantara munu' undi yak ngabagi-bagi pangiak-A wak antara ayo'a. ³⁵ Sok karah da agut'n wak teet'n manyaksikan samaan'a, tapi ayo pamimpin Yahudi marihit Yesus gae guluk marihit. Ayo'a nyansana, "Ini' nyalamat sok lait'n, jadi kate'a lah Ini' nyalamat adup-A sadi sa' Ini' diu'ta Kristus, da Gat'n milih uleh Jabata!" ³⁶ Ayo tantara uga marihit Ini', lalu ayo'a utukng ge' nawar anggur masum ka-Ini', ³⁷ ge' nyansana, "Sa', salamat ta lah adup-Mu' sadi!" ³⁸ Ge', ani uga tarut'n tulisan wak samo-A: "DIAHLAH RAJA SOK YAHUDI." ³⁹ Salah satu umpat'n panjahat da bagantukng wak teet'n manghina Yesus, wat'n'a, "Inya ta Akup'm Kristus? Salamat ta lah adup-Mu' ge' kai!" ⁴⁰ Tapi aok'a, panjahat da lait'n'a nagor ini' ge' nyansana, "Kati ta imu' buut ka Jabata barang imu' uga narima hukuman da samu? ⁴¹ Ite memang laka saharus'a narima satimpal nige jai da laka ite perbuat, tapi Sok diah kati bulah kasalahan jai pun." ⁴² Lalu, ini' nyansana ka Yesus, "Ai Yesus, ingat ta iko' jangkah Akup'm maruh ka sadat'n kerajaan-Mu'." ⁴³ Laka dakoh, Yesus nyansana ka ini', "Iko' muji' da "Iko' nyansana da sasungguh'a ka imu', ano diah uga imu' aok samahu Iko' ka sadat'n Firdaus." Yesus Kabis ⁴⁴ Waktu dakoh sakitar pukul 12 tano, patakng nutup samaan rapo dakoh sampe pukul 3 ngarami ⁴⁵ barang matuano jadi patakng ge' tirai ka sadat'n Bait Jabata rujet jadi 2 bagian. ⁴⁶ Lalu Yesus baseru nige sarat'n karas, "Ai bapa, ka sadat'n barekng-Mu' Ko' nyarah nyawa-Ko'." Ngalaka muji' dakoh, Yesus ngembus singat-A da pangkabas. ⁴⁷ Jangkah kapala pasukan mile jai da laka terjadi, ini' memuliakan Jabata ge' nyansana, "Sungguh, Sok diah kati basara'!" ⁴⁸ Jangkah sok karah da utukng samahu-mahu yak mile peristiwa dakoh manyaksikan jai da terjadi, ayo'a ure gae mukol-mukol dada ayo'a. ⁴⁹ Samaan da nganal Yesus ge' mani ungan mahu da laka nganang-A umpat'n Galilea agut'n jauh-jauh ge' nyaksi hal-hal diah. Yesus Gat'n nyibur ⁵⁰ Ani sok ayo-are bagaat'n Yusuf, anggota Dewan Penasihat, sok da bait ge' taman. ⁵¹ (Ini' sadi kati nyatujui kaputusan ge' tindakan ayo'a). Yusuf berasal umpat'n Kota sok Yahudi. Ini' uga sok da nganti-nganti Kerajaan Jabata. ⁵² Ini' anu ka Pilatus ge' mahi mayat Yesus. ⁵³ Lalu, ini' pun ngadisah mayat Yesus umpat'n kayu salib ge' ngabungkus'a nige kain linen. Ngalaka dakoh, ini' magurikng-A ka sadat'n nyabuah sibur da gat'n mahat ka bukit batu. Wak teet'n, ti'nga pernah ani nyungan pun sok da gat'n magurikng. ⁵⁴ Ano dakoh diu'ta Ano persiapan, ge' ano Sabat aok lajakng gat'n mule. ⁵⁵ Ayo-mahu da utukng samahu Yesus umpat'n Galilea nganang Yusuf. Ayo'a mile sibur dakoh ge' langkina mayat Yesus gat'n magurikng ka sadat'n'a. ⁵⁶ Ngalaka, dakoh, ayo'a ure ge' mempersiapkan rampah-rampah serta nige hukum Taurat Musa.