¹ Karna dakoh, kaeh ite ngagan't pangajaran dasar tantang Kristus ge' ngalangkah ka kadewasaan, kati agi ngulang-ngulang ajaran dasar tantang partobatan umpan't parbuatan da kabis ge iman ka Jabata; ² ajaran tantang pambasuhan ge' panumpangan barekng; ajaran tantang kabangkitan sok kabis ge hukuman kekal. ³ Ge', dakohlah da aok ite bulah kalo sa' Jabata mangizinkan'a. ⁴ Sabab, kati mungkin mampartobatkan kambali ayo-sok da sabelum'a ngalaka kaan't pancerahan, ngalaka misa' karunia sarugawi, ngalaka naap bagian basamu Roh Kudus, ⁵ Nyacap kabaitan firman Jabata, ge' misa' kuasa umpan't dunia da aok utukng. ⁶ Sa' ayo'a ngagan't pagala Kristus, maka mustahil ya' ngangkabahu'a malik patobatan ayo'a karna ayo'a sadangk manyalibkan Anak Jabata ya' da kadua kali'a ge' manyangun-A sacara tabuka. ⁷ Sabab, tana' da nyarap karah pain't ujan't ka samo'a, sarta manghasilkan panenan da bamanfaat bagi ayo'a da ngarap'a aok narima barakat umpan't Jabata. ⁸ Sa', kalo tana' dakoh hanya manumbuh unak ge' samak-samak, maka tana' dakoh kati bagune ge' riket nige kutuk, ge' akhir'a gan't nyahu. ⁹ Aok tatapi, ayo-ageko' da ko'nganyayang, sakalipun kai bagurah-gurah demikian, kai manyakin hal-hal da labih bait tantang imu' diu'ta hal-hal da bahubungan nige kasalamatan. ¹⁰ Sabab, Jabata inya kati adil. Ini' kati karimut samaan karaje ge' masemu' da imu' nujo demi gaan't-A nige malayan ayo-sok kudus samu da masih imu' bulah. ¹¹ Kai' bungu masing-masing imu' nujokatekunan da samu' ya' umpu jaminan pangharapan da sampurna sampe pangkuhnyi, ¹² Supaya imu' iya' jadi malas, tatapi nganang taladan ayo-sok da ngalaka mawarisi janji-janji Jabata malalu iman ge' ge' katekunan. Janji Jabata Kati Parnah Barubah ¹³ Waktu Jabata bajanji ka Abraham, Ini' bajanji samo adup-A sandiri karna kati ani da lebih aihyo dari pada adup-A. ¹⁴ Jabata muji', "Iko' pasti aok mambarakatmu'," ge' Iko' pasti aok ngalipatganda katurunanmu'." ¹⁵ Ge', ngalaka nganti nige sabar, Abraham narima janji dakoh. ¹⁶ Talino basumpah demi sook da lebih aihyo dari pada adup'a sandiri, ge' sumpah gan'tmangkan't sabage panegasan ya' ngangkabas samaan parbantahan. ¹⁷ Jadi, waktu Jabata ngate nujo nige lebih ngayakin'a ka ahli waris janji-A kalo tujuan-A kati aok barubah, Ini manjamin nige umas sumpah ¹⁸ Sahingga nige dua hal da ti' kaan't barubah dakoh, da mangenai'a Jabata mustahil laceh, ite da utukng najo palindungan aok kaan't durongan da aihyo ya' bajinte tagap ka pangharapan da gan'tmangkan't ka ite. ¹⁹ Pangharapan da ite umpu diah diu'ta jangkar bagi jiwa ite, kuat ge' pasti, da manabos maruh sampe ka balik bide, ²⁰ ka tampat da ngalaka gan'tmaruh Yesus sabage pambuka pagala angkan't ite ya' jadi Imam Aihyo ya' salama'-lama'a, sasuai nige paratoran Melkisedek.