¹ Ngalaka gat'n mutus kalo kai' aok balayar ka Italia, ayo'a nyarah Paulus ge' mani ungan tahanan lait'n ka sook tahanan lait'n ka sook perwira pasukan Agustan, da bagaat'n Yulius. ² Kai' maka' ka nyabuah kapal umpat'n Adramitium da aok sagara balayar ka barbage palabuhan wak sapanjang pantai Asia. Kai' balayar gat'n ngawan uleh Aristarkhus, sok Makedonia umpat'n Tesalonika. ³ Pas ano barikut'a, kai' tiba wak Sidon. Yulius mamparlaku Paulus nige pahnu parhatian ge' ngabuleh Paulus bakunjung kawan-kawan'a ya' ngurus kaperluan Paulus. ⁴ Umpat'n teet'n, kai' barangkat ge' balayar manalusuri Siprus barang nyaru batiup balawanan arah. ⁵ Ngalaka kai' anga balayar malewat pantai wak sapanjang pantai Kilikia ge' Pamfilia, kai' tiba wak Mira wak Likia. ⁶ Wak teet'n, perwira dakoh amput'n nyabuah kapal umpat'n Aleksandria da sadakng balayar ka Italia, maka ini' nginsit kai' ka kapal dakoh. Kai' balayar nige sawe salama mani ano, ge' nige susah payah kai' tiba wak Knidus. Barang nyaru kati mamungkinkan kai' ya' anu labih jauh, kai' balayar manalusuri pantai Kreta ka arah tanjung Salmone. ⁸ Kai' balayar malewat tanjung dakoh nige susah payah ge' sampe wak nyabuah tampat ba gaat'n palabuhan Indah, da barada wak riket kota Lasea. ⁹ Barang kai' manyadari laka kahilangan karah waktu, ge' saat mati', pajalat'n laut dakoh bahaya barang masa puasa sok Yahudi laka lewat, Paulus nasehat ayo'a, ¹⁰ ge' nyansana ka ayo'a, "Ayo-age, iko mile kalo palayaran diah aok gat'n nyertai nige karusakan ge' karugian aihyo, inya hanya muatan ge' kapal'a tapi uga nyawa ite." ¹¹ Sa', perwira dakoh labih pacaya ka nahkoda ge' umpu kapal daripada sarat'n Paulus. ¹² Barang kati bait madi wak palabuhan dakoh salama musim panut, sabagian aihyo sok satuju ya' anu balayar umpat'n teet'n ge' kalo-kalo ayo'a kaat'n mancapai Feniks, nyabuah palabuhan wak Kreta, da manghadap ka arah barat daya ge' barat laut, ge' madi wak teet'n salama musim panut. Nyaru da paling kuat Manarpa kapal Paulus ¹³ Pas nyaru sepoi-sepoi batiup umpat'n salatan, ayo'a bapikir kalo ayo'a laka mancapai tujuan ayo'a, barang dakoh, ayo'a narik jangkar ge' balayar wak sapanjang pantai Kreta. ¹⁴ Tapi aok'a, kati tuhi laka dakoh, nyaru ulah topan, da gat'n nyebut Euroklidon, batiup umpat'n pulau dakoh. ¹⁵ Pas kapal kai' gat'n landa uleh nyaru dakoh ge' kati sanggup agi manghadapi halauan'a, kai' nyarah ge' mambiar kapal kai' tarombang-ambing. ¹⁶ Samantara kai' bagerak manalusuri pulau inek da bagaat'n Kauda, nige susah payah kai' brasil mangandalikan sekoci kapal kai'. ¹⁷ Ngalaka awak kapal mangirek sakoci ka samo kapal, ayo'a manggune tari-tari' panulokng ya' mamparkuat kapal dakoh. Barang ayo'a buut tardampar wak Sirtis, ayo'a ngadisah alat-alat kapal sahingga mambiar kapal ayo'a tarombang-ambing. ¹⁸ Pas ano barikut'a, barang kai' gat'n ngombang-ambing nige tarjangan badei da bagitu hebat, ayo-sok mule matat'n muatan kapal. ¹⁹ Ge', pas ano taru, ayo'a matat'n alat-alat kapal nige barekng ayo'a sandiri. ²⁰ Barang bait matuano maupun bintankng-bintakng kati muncul salama mani ano ge' badai da kati inek manarjang kai', lanyaplah samaan harapan kai' ya' gat'n nyalamat. ²¹ Barang karah sok laka anu sakian tuhi tanpa pangkuman, Paulus agut'n wak tuda-uda ayo'a ge' muji', "Ayo-age, saharus'a imu' nurut nasehatko' ge' kati balayar umpat'n kareta sahingga ngalami ruysak gae karugian ulah diah. ²² Sa', mati', iko' nyurong imu' ya' tatap tabah barang wak antaramu' kati ani da aok kahilangan nyawa'a, kacuali hanya kahilangan kapal. ²³ Sa', jangarum, ani malaikat Jabata, da umpu iko' ge' da iko' nyambah, agut'n wak turako', ²⁴ Sambil muji', 'Iya buut, Paulus. Imu' arus agut'n wak tura Kaisar. Ge', ile, Jabata laka bamurah ate ka imu' ge' samaan sok da balayar samahumu'. ²⁵ Barang dakoh, ayo-age, tabah atemu' barang iko' pacaya wak sadat'n Jabata kalo samaan aok tarjadi ulah da laka gat'n mangkat'n pane ka iko'. ²⁶ sa', ite arus terdampar wak nyabuah pulau." ²⁷ Tapi aok'a, pas ngarum ka ampat balas, samentara kai' masih terombang-ambing wak sapanjang Laut Adria, kira-kira tuda ngarum, para awak kapal manduga kalo ayo'a sadakng kariket daratan. ²⁸ Ayo'a ngangkahngo batu duga ge' amput kalo wak sadat'n pait'n'a dua puluh depa. Jangkah, ayo'a maju sadikit agi, ayo'a kambali nyangkahat'n batu duga ge' pane ka sadat'n pait'n'a lima balas depa. ²⁹ Barang kai' buut aok kandas wak batu karang, ayo'a disah ampat jangkar umpat'n buritan ge' badoa agar ano sagera tano. ³⁰ Tapi aok'a, samantara mani ungan awak kapal barusaha ya' boho adup umpat'n kapal ge' laka disah sekoci ka laut nige bapura-pura disah jangkar-jangkar umpat'n haluan, ³¹ Paul muji' ka perwira dakoh ge' para prajurit'a, "Sa' ayo-sok dakoh kati madi wak sadat'n kapal, imu' kati kaat'n gat'n nyalamat." ³² Ngalaka dakoh, para prajurit nyantak tari sekoci ge' mambiar'a anyut. ³³ jangkah fajar ampir utukng, Paulus mahi ayo'a samaan ya' naap mani ungan pangkuman, nige muji', "Ano diah diu'ta ano ka ampat balas imu' malar madi wak sadat'n kategangan ge' nahan saburuk barang kati ani pangkuman jai pun. ³⁴ barang dakoh, iko' mahimu' ya' naap mani pangkuman demi keselamatanmu'. Sa', kati ani sahelai abok pun da aok ilang umpat'n antara imu'." ³⁵ Ngalaka muji' hal dakoh, Paulus naap roti ge' mangucap syukur ka Jabata wak tura ayo'a samaan, mucuh-mucuh roti dakoh, ge' mule uman. ³⁶ Maka, ayo'a samaan gat'n naguh ate'a ge' ayo'a sandiri uga uman. ³⁷ Jumlah kai' samaan da ani wak sadat'n kapal ani 276 sok. ³⁸ Ngalaka uman sampe basoh, ayo'a nyaan kapal nige matat'n gandum ka laut. Kapal Ancur ge' Samaan Panumpang Salamat ³⁹ Jangkah ano mule tano, ayo'a kati pane ani'a daratan, tapi ayo'a mampratikan nyabuah teluk da bapantai, tampat ayo'a putus ya' malabuhkan kapal wak teet'n sa' memungkinkan. ⁴⁰ Maka, ngalaka munu jangkar-jangkar, ayo'a ngagat'n'a wak sadat'n laut, ge' wak waktu da samu, ngarapas tari-tari kamudi ge' majaka layar wak bagian depan kapal agar nyaru minsakng ayo'a sampe ka pantai. ⁴¹ Tapi aok'a, kapal membantur karang wak tampat badaput'a dua laut sahingga kapal kandas. Haluan kapal nyangkut ge' kati bisa bagerak, sementara buritan kapal ancur gat'n hantaman galombang. ⁴² para prajurit umpu rencana ya' ngamis para tahanan supaya kati ani sook pun da barenang ge' boho adup'a. ⁴³ Barang, perwira dakoh, baharap kaat'n nyalamat Paulus, mancegah rancana ayo'a. Ini' marintah agar ayo-sok da bisa barenang ya' malompat labih uru umpat'n kapal ge' nuju daratan. ⁴⁴ Ge', sisa'a ani da wak samo papat'n, ani pula da manggune benda-benda lait'n'a umpat'n kapal. Nige ladakoh, samaan sok sampe ka daratan nige salamat.