¹ Ge', bakaraje basamu nige' Ini', kai uga mandurong akupm supaya kati' narima anugerah Jabata nige' sia-sia. ² Sabab, Ini' bafirman: " Ka waktu Iko' barkenan, Iko ngadangahmu', ge' ka ano kasalamatan, Iko nganulongmu'. " Mamparatia ta mati' anilah waktu da bakenan dakoh. Mamparatia ta, mati' anilah ano kasalamatan dakoh. ³ Kai kati mangkat'n sabab ya' sok tasingkak sapaya palayanan kai kati' gat'n cela, ⁴ sabalik'a' kasadat'n sagala cara kai nujo' umpu' kai sebage palayan-palayan Jabata, nige' panhu katabahan sadat'n samaan pandaritaan, kasasakan, kasukaran, ⁵ pangkongan, pamanjaraan, karusuhan, susah payah, kati' buus, saburuk, ⁶ nige' panhu kamurnian, pangatahuan, kasabaran, kamurahan, Roh Kudus, kasih da tulus, ⁷ sarat'n da taman, kuasa Jabata, sanjata kabenaran ka barek'ng sentao' ge sengkiri. kamuliaan ge' kahinaan, gat'n nulak ge' gat'n muji, gat'n nganggap sabage panipu-panipu padahal kai taman. ⁹ Kai ulah kati' gat'n ngenal, tatapi tarkenal; samu' da hampir kabis, tatapi milek mih, kai idup; ulah samu sok da gat' n nyiksa, tatapi kati' tangamis; ¹⁰ ulah da badukacita, tatapi salalu basukacita, kai papa, tatapi umas sok lait'n kaya, kati' ani jai-jai, tatapi kai umpu' sagala jaipun. ¹¹ Kai laka muka baba' kai ka imu', he sok Korintus , ate kai tabuka lebar. ¹² Imu' kati' gat'n batasi oleh kai, tatapi imu' gat'n batasi oleh ate adupmu'. ¹³ Mati', ya' balasan da samu iko' nyansana ulah ka anak-anakko, buka mih atemu lebar-lebar. Pasangan da Kati' Saimbang ¹⁴ Usah jadi pasangan da kati' saimbang nige' ayo sok da kati' pacaya. Sabab, jai bah da aba' gant'n nyamu ka antara dataman ge' dajahe'? Ato, jailah da kaat'n gat'n nyamu antara tarak'ng nige' galap? ¹⁵ Kasapakatan jailah da gat'n Kristus umpu nige' Belial? Ato, bagian dumelah da ani antara sok da pacaya ge' da kati' pacaya? ¹⁶ Ge' kasapakatan jailah da ani antara Bait Jabata nige' barhala-barhala? Sabab ite' anilah Bait Jabata da idup, samu firman Jabata, "Iko ao' madi' kasadat'n ayo'a' ge' bajalat'n ka antara ayo'a', ge Iko ao' jadiJabata ayo'a', de' ayo'a' ao' jadi umat-Ko," ¹⁷ " Karna dakoh, mungkaslah imu' umpat'n tuda'-tuda' ayo'a', ge bapisahlah," wat Tuhan. "Ge' usahlah nyinte da najis, maka IKo ao' narima imu'." ¹⁸ "Ge', Iko ao' jadi Sama' bagi imu', ge imu' ao' jadi anak-anak-Ko da are ge' anak-Ko da mahu," Ladiah ta firman Tuhan da Mahakuasa.