¹ Iko', Paulus, adupko' sadi bamuhon ka imu' nige lemah-lembut ge' kamurahan Kristus iko', da kati pagat'n sa' sadaput bahas nige imu', tapi pagat'n sa' jauh umpat'n mu'! ² Iko' bamuhon ka imu' supaya sa' iko' utukng, iko' kati perlu jadi pagat'n nige yakin da nige iko' ngitong ya' pagat'n malawan sok bamani da nganggap kai' idup sacara dagin. ³ Memang, kai' masih idup ka sadat'n dagin, tapi kai' kati bajuang sacara dagin. ⁴ Sa', sanjata-sanjata parang kai' inya umpat'n daging, malait'nkan umpat'n kakuatan ilahi ya' gat'n ngancur benteng-benteng. ⁵ Kai' ngaruntuh pamikiran-pamikiran ge' satiap hal da nyamo da gat'n ngalumpat uleh angkuh talino ya' nantang panganalan Jabata. Kai' manawan sagala pamikiran ge' manakluk'a ka Kristus, ⁶ ge' kai' siap ngukum samaan da kati taat sa' taatmu' gat'n nyampurna. ⁷ Ilelah ka jai da ani ka turamu'. kalo ani sok da yakin adup'a diu ta umpu Kristus, kate'a ini' mikir kambali hal diah, lakoh ta langkina ini' diu ta umpu Kristus, kai' pun ladiah ta. ⁸ Bahkan, kalopun iko' agak balabih mambangga otoritas, da Jabata mangkat'n ka kai' ya' mambangun imu' ge' inya ya' ngancur imu' iko' kati aok mangun. ⁹ Iko kati ngate tampil saulah-ulah iko ngadu imu' buut nige surat-suratko'. ¹⁰ Sabab, ayo'a nyansana "surat-surat'a memang tegas ge' karas, tapi cara utukng umpu, ini' lamah ge' nyansana'a kati barati." ¹¹ Kate'a sok da samu dakoh mikir hal diah, jai da kai muji nige surat waktu kai kati bariuh ge imu,samu dakoh perbuatan kai waktu bariuh ge imu'. ¹² sa,kai kati pagatn yak ngubu'a ato nyamu'adup kai nige maniungan sok ngarnia adup'a sadi.sa,ano ayo'a ngukur adup'a nige ayo adup'a sadi ge nyamu adup'a nige ayo adup sadi,ayo'a dakoh kati memaham'a. ¹³ sa' ao'a,kai kati aok babanga kasamo hal-hal da' malampo baat kai,malaint' manurut baat umpant' katatapan da' Jabata laka angkant' wa' kai, ai' baat yak mejangko sampe wa' kai uga'. ¹⁴ Sabab,kai kati malampo baat kai, saolah-olah kai kati mejangko sampe wak kai. Kai ta' da pamule kali sampe kai'imu' nige' Injil Kristus. ¹⁵ Kai uga kati babangga malampo baat kai nige babangga samo' jarih lalah sok laint' malaint nige pangarapan bawa' sebagedume imanMu' batumbuh, walayah karaje kai ka antara imu' aok samakin gantngaluas agi, ¹⁶ sapaya kai kaant' nga'gah Injil ka walayah-walayah ka'sato imu', ge' kati babangga samo jai da laka gant'nyalasai ka walayah karaje sok laint'. ¹⁷ "Asi da ngate babangga, biarta' ni' babangga ka sadant' Tuhan." ¹⁸ Sabab,inya' sok da ngarania' adup'a sadi da tabukti tahan uji, Malaint' sok da Tuhan ngarania'.