¹ Êwa’im tatara i Yesus Kristus, ê mbehomba’i Ningumêlêd be-Sia, asna’aho ituru’-Na a manga-sosui-Na asia musti tilaho ihamoali. Bo kiong-Nga ê mbesiu-Na, Bawawatara-Nam besi Yohanes Sosiu-Na. ² Si Yohanes isumairim sakum kukua I Ningumêlêd bo sakum sasairian ê mehe I Yesus Kristus, ê wa’aho asiamange ê pinêlilahnam. ³ Maênowêm sia ê niwamacam bo silatuhula ê nimaga’am I manga-kodait tatara wa’i, bo ê malu’it asia ê mbehawatih a suanga, apa-apa’an tepona susutêm. ⁴ Be si Yohanes sa moai tanu pitu jema’at a Asia Kecil : Bêlês kohomba’ bo sonouoi ênow malalas be homo-tahula, be siasa moai, ê mbana bo ê mbanam bo ê mainjo mahi, bo a pitu tutuh ê na undior I undoratuhan-Na, ⁵ bo be si Yesus, Sairi mo’eman, ê katare maleng I tumow a tutud I towimate bo maha-imbahut a manga-daja I mbaoitoba. Tanu si Sia, ê mahalês I hita bo ê nimawa-walusêm I norow I hita I ndaha-ndaha-Na. ⁶ Bo ê ni tumulidêm I hita mamoali êsa kaholano’an, mamoali mangabalian tanu Nigumêlêd, Amang-Nya. Tanu siSiam konunga’an bo imbahut ahad koloko-lokona. Ulit. ⁷ Pilahên, sia boai karêngan I manga-kambur ba pahasa bêlên mainjo mêlialah I Sia, bohahi silatuhula ê nisumahul I sia. Bo pahasa bangsa a mbaoitoba mainjo tumabi I Sia Ei, Ulit. ⁸ “Si Ahu awahêm To’tolan bo sepêtan, kukua I Ngêlêdtow Ningumêlêd, ê mbana bo bayam bo ê mainjo mahi, Ê Mpimbahut niit.” ⁹ Siahu, si Yohanes, pog bo karuanu a kaipitan, a kaholano’an bo a kahunduan manondo-nondo’ si Yesus, mututun a libuton ê mahangalan Patmos tatawoi I kukua I Ningumêlêd bo sasouirian ê mbetaro I Yesus. ¹⁰ A nêndo I Ngêlêdtow ahu kinaimbahutan I Tutuh bo ahu imahatanga’ a talihudonku êsa ênu’ mo’arid, keêpo ênu’ I têrumpet, ¹¹ kuana: “Asia ê pilahênu, iwatih a nêsa kitap bo ihirim a kawitu jama’at wa’i a Epasus, a Smirna, a Pergamus, a Tiatira, a sardis, a piladelpia bo a Laodikia.” ¹² osa ahu sumeleng. Tanu milah I nênu’ ê nimohodait beahu. Bo sumelengoho ahu, bewawa-wilah be ahu pitu a’e isosoloan mas. ¹³ Bo a tutud I oho na’e I sosoloan bana nêsatow mêkele bo bata’ I totumu’, malatang juba katangan ahad a na’e, bo da’da’nga kêkêkêdan bokol mas. ¹⁴ Kohongo bo utah-Nya budo’ kêpo mbul budo’io’, bo bêlênNa kêpom nêlab I mbaha. ¹⁵ Bo a’e – Na mhêndaw kêpom besitambaga I mawaham a papêbaha’an, ênu-Na kêpom nggonggor I nahe I mêluba’ai. ¹⁶ Bo akamakanoal-Na tumaka-taka’ Sia pitu bintang a mbawa-Na lumua-luai êsa simala têbêl dua wêlêna, bo tokia’-Na sumulo-sulom kêpom korangad I nêndo. ¹⁷ A mahawilahoho ahu I Sia, bahasuma’amio’ ahu a ndior I na’e-Na mêkele wo totumu I mate; sumata’Sia Imao I kama kanoal-Na be abu, osa kumua : “Na’ matalo! Si Ahu awahêm Ê To’tolan bo Ê sapêtan, ¹⁸ bo Ê mênonow. Si ahu imatem, sata’ pilahên, si Ahu mênow, ahadkolokolokona bo Si Ahu tumaka-taka’ I pahasa kusi’ I pawate bo kaholano’an I pawate. ¹⁹ Kawalian I aho iwamatih asia ê pinêlilahnum, maulêng ê nimamoali ia’italawe’ suma ê mainjo I hamoali I haleot nai’i. ²⁰ Bo rahasia I kawitu bintang ê mbelilah-Num a kama kanoal-Ku bo kawitu a’e I sosoloan ma wa’aho : kawitu bintang wa’aho awahêm kiong a kawitu jama’at bo kawitu a’e I sosoloan wa’aho êwa’aho kawitu jemaa’at.