¹ No diail nun i ahol duuin hi ni olap hoo du amongtani dang. ² Mong wedee ni maala ma hip mi tedi you didi ba i Ahol noo nami niring bihi noo hi nami woi ni noo yaha-yaha Filipi mi. noo du ni uilni e anoo ara Lahatala ommi puin Lahatala o Injil duru we ni puin yaha towong eni hama-hama ni lami. ³ Naba we na wui aramaating hedu yaha mi hoodang, na abulu dang nani e noang mana, ⁴ De naba Lahatala u ene a noo ubang Injil ommi duru e ni umating puin i om o snang dang de puin Lahatala om anoo snang duru we puin ni om noo kuawaa. ⁵ Mating paa ba puin ibiing du ni itihoo dang. Ba i a hol du nani e i dim iboro du, ni panene dang wedee Lahatala yanoo nisaka. ⁶ Ni nami ahowo niring tatarain du nilap dang iring mi hoo, iring we mi ma nami beng mi hoo. Niring du masih Rasul-rasul Kristus ni puin awutu noo. ⁷ Dehe duuin hi ni noo hama we puin ma i enihammimong wedee nami obohini nu eikanewe edunu ukarang duuin. ⁸ Duru ei lewe ukarang eyaha empiri ma i ohadana du. Ni a Injil yolo i ene dang dee Lahatala woi med ni weseng. Wedee iring du ni ei yaha empiri. ⁹ Wedee i uma he manani no di ail nun, naba ni ukareyeng hedu mi tarooin eile dilele diluwu nipuin kareyeng yanoo nataroowinu anoo, i arahama o om mi Lahatala o Injil ni puin i aramating. ¹⁰ Iring duru we mno suru weseng woi med Lahatala Madulung abulu yaha den arahama om mi dang nai ring ba opong ahol ang du i enihamaa mi weseng. ¹¹ Mong wedee i ahol he duuin iti ayom ni om anoo mi noo i howo i aring ana wedee omo nu yooy kanewe edunu duuin. ¹² Duuin e i Lahatala om mi weseng e i lowi hoho obang om madulung mi, ma olele ommadala mi. ¹³ Niring didi ni Lahatala om noo ubang manoo naoin du arahama wedee iLahatala ampaa mehe ba i nalong mehe du i med aring du nami noo omating paa dang oin do du, Lahatalaa o mating paa ma i enihama mi iring ba o atinoo ahol du. ¹⁴ No di ail nun aring du i noo nami opong turung anooang ma Lahatala o sereng bala Yesus Kristus om mi moin Yudea mi wedee iring di susumaala mi tede, wed i elnami noo ei panene mong wedee Yahudi hini panene ma yuulung nun ohodana duuin. ¹⁵ Nami Tuhan Yesus e Nabi di nami amini noohi nami nilolo nami Lahatala om anoo yaha med nami noo towong ara yaha. ¹⁶ Yuulungnun nirtahang ni ehapa no howo nami ba Yahudi hini dang du aramating ei, duuin e selamat du yuulung med ei doporou e yuulung araleleng trus. Puin ahala towong moin uta duru eiwe murka yuulungnun tamuyu barapi. Paulus Omm Uil Yaboro Moin Jemaat Tesalonika Lawa Om Uma ¹⁷ No di ailnun med oin hoo wa he do pi dei tataain ma bo waha hiri mi Aa Homi Madulung mi dang, ni om iring uma empiri duru. ei lewe ni om ho i edunu ni omoma. ¹⁸ Duru ei lewe. ni iolap hoo nou Paulus i lp hoo weling hi Seteng no yetele. ¹⁹ Ana you tei udumi noohama walawang Hidi ba Tuhaan Yesus opongadang midu duru iring? ²⁰ Iring duru we nolele nomadala noohama ara om mi.