Bala kaban juru menyadik senik ¹ te aku kasih ngau aku gauk, te nyuruh ati ku gag te de ujung mulut ku manak, diri ngau teguh tamah Tuhan. ² Aku minta amat ngau Euodia udah yak ngau Sintikhe gak, Idup telas tamai Tuhan. ³ Saja amat meh, aku minta ngau kitak, menyadik senik ku, sak bala inuk-inuk tuk sedua udah ngering manting tamai aku kerja madah ke berita injil, Klemens ngau kaban jeran ku tebukai, te bisik nama-nama pedak entang buku kehidupan. ⁴ Ngau ati gaga antik tamai Tuhan, sekalik agik aku madah ngau ati gaga idup tamai Tuhan ! ⁵ Isak pemaik ati kitak diketauk bala mensia bukai Tuhan udah damping. ⁶ Anang takut ngau semua utai. amat bekiyak semua utai te penekak ati padah ngau Tuhan Allah kitak berdua kaping madah ke syukur ⁷ Pengaga Allah te tingik re pemenauk mensia ngidup ke ati ngau pemikir kitai tamai Yesus Kristus. ⁸ Pengabis pemadah aku ngau kitak bala menyadik, semua te amat, semua te mulia, semua te adil, semua te sempurna, semua te patut dipuji, pikir ke utai yak semua ⁹ Nama te udah kitak pelajar, kitak amik, kita dinga,udah yak kita pedak ari aku, bekiyak gak, Allah pemerik ati gaga matang tamai kitak manak. Paulus Berterimakasih Ngau Urang Pecayak Di Filipi ¹⁰ Aku amat gaga ati tamai Tuhan kemaya tuk, medak kitak tamai ngintu aku. Amat me panda sampai yak kita tamai ngintu aku, tapi kitak mpai sik penyempat. ¹¹ Aku madah te bekiyak bukai aku nadai bisik, aku udah belajar nyukup kedirik ngau utai te bisik ¹² Aku ketauk reti te nadai cukup, aku ketauk ugak reti belimpah. Masa nadai cukup ngau belimpah, aku udah belajar nyukup kedirik, kenyang ngau lapar, idup banyak duit ngau idup nadai sik duit. ¹³ Aku tauk mulah keba utai mansak ia te merik penguat ngau aku. ¹⁴ Amat bekiyak kitak udah mulah utai te baik bebagi tugas ngau aku. ¹⁵ Kitak kedirik ketauk, Jemaat Filipi, meciak pas Berita Injil baruk di padah, udah aku nudi ke Makedonia, nadai sik Jemaat te kak ngesah aku. baka merik baka nerimak, Bukai re kitak. ¹⁶ Meliyak, pas di kota Tesalonika, kitak merik keba kebutai lebih ari sekalik ngau aku. ¹⁷ Amat bekiyak, bukai pemerik te bekiyak te aku gegak, aku ngegak ke buah te merik untung ngau kitak. ¹⁸ Aku udah nerimak pemagi aku, lebih keba antik adai. Aku bisik semua te aku gegak, medak pemerik te kitak berik nguai aku die baik Epafroditus. Pemerik kitak yak nyadi persembah. Te bau nyamai, bau bangi, persembah/pemerik te kedekak Tuhan nyuruh ati Tuhan Allah gaga ¹⁹ Tuhan Allah ku kak merik keba kebutai te kitak gagak baka pengaya ia te mulia entang dirik Yesus Kristus. ²⁰ Pemaik keba utai mpu Tuhan Allah apai kita nyumur idup....Amin. ²¹ Pedah ke salam kami nguai bala mensia kudus te idup tamai Yesus Kristus, Salam ngau kitak ari menyadik senik te sama pecayak ngau TUhan Yesus te tamai aku dituk. ²² Semua mensia merik salam nguai kitak, lebih agik sidak te kerja ntang Istana Kaisar. ²³ Pemerik tebaik (anugrah) ari Tuhan Yesus Kristus tamai semengat kitak Amin.