Udah yak, bala kaban ¹ menyadik, gagalah tamai Tuhan. Aku nadai pedah nulis agik nguai kitak, atile uti tuk tauk nyaga kitak. ² Jaga-jaga kitak atik medak akui-ukui, Jaga-jaga ngau sidak te kak mulah penyengai ke orang, awas kitak ngau sidak te nyumat derik. ³ Kitai tuk mensia te besumat amat-amat, kitai te nyembah ngau Roh Allah, nyembah utai te di pedah mata. ⁴ Atik agik bisik orang bukai te bepikir sidak tauk nyumbang kai dirik ngau utai pemusik sidak, aku lebih ari yak. ⁵ Aku udah di sunat umur Dari bangsa (suku) Yahudi tulen, suku Benyamin, Orang Ibrani te tauk Ibrani, atik di pedak menurut Hukum Taurat, aku tuk orang Farisi. ⁶ Aku tengah semangat, aku pisit nginsah orang pecayak atik di pedak ari penguat Hukum Taurat, nadai sik tekurang agik. ⁷ Semua utai meliak merik untung ke aku, pituk nadai sik lemau agik, di Lauling Kristus. ⁸ Semua utai yak, matang amat-amat rugi, di banding ngau kitai nerima Yesus Kristus nyadi Tuhan dalam idup aku, jauh lebeh benilai ari semua te lain Kristus, semua te lain aku buai semua aku tamai, asak kai aku boleh Kristus ⁹ Aku boleh sak ari Kristus, bukai ari te bisik ri aku te aku uleh ari Hukum Taurat tuk dari oleh Iman ngusung Kristus, tuk te amat-amat ari Tuhan Allah uatai tuk datai oleh Iman kitai. ¹⁰ Aku berarap tauk ngelala Ia, ngau Kuasa ia te udah idup agik (bangkit) siap menderita(pedeh) asak te tauk nemak teladan ia sampai mati. ¹¹ Asak kai aku tauk idup gak pagi, atik aku udah mati. Beguai Ngusung Pemadah Tedatai Ari Surga ¹² Amat piyak, bukai gak aku udah buleh a, udah sempurna, aku tuk tengah berusaha asak ke aku tauk buleha baka Kristus Yesus udah bukai aku. ¹³ Betungal menyadik dalam Tuhan, aku nadai madah kedirik udah buleh a, te kak aku padah ke kitak, aku dudi kai semua te udah lalu, Aku nyadap ke mua yak ¹⁴ Aku terus mausang ngusung te di tuju asak tauk buleh upah, suara Tuhan Allah ari Surga ngumai, ngelalu Yesus Kristus. ¹⁵ Aboh kitai te bepikir baik baka tuk, atik nadai piak (pituk) Tuhan Allah kale madak ke kitak amat-amat. ¹⁶ Amat piak abuh kitai idup baka pengajar (kebenaran) te udah kitai dinga. ¹⁷ Kitak kaban Juru, tunak kitak idup aku, pedak amat-amat orang te idup a nenak aku. ¹⁸ Banyak orang te benci ngusung orang te siap pedah tamai Kristus te menderita di Salib. tentang hal yak udah pisit aku madaha kai kitak, tuk aku medak ke kitak agik, sampai nitik kai aik mata. ¹⁹ Pengudah (pengabis) hidup sidak, tama neraka, oleh idup sidak tamak ke harta, ngau barang te tauk ngegak ke perut, mulah malu minta puji Orang, Sidak ngegak pakan dunia te sementara (tetauk abis) ²⁰ Kitai tauk penduduk Sorga diak kitai anes semangat nunggu pmabai JuruSelamat, Tuhan Yesus Kristus. ²¹ Ia kak ngubah tubuh kitai te jaik tuk, asak ke sama ngau tubuh Kemuliaan Yesus. ngau kuasa Yesus yak, Kristus sanggup (tauk) ngemaik semua mensia nyembah ngudi Ia.