¹ Pae, opetchi pua pavalelea ochundeu? Ya octhiwa patchi otcho kuhita movimbo? ² Otchinene, kovive viatco avihe. Poupeape, koyochundeu Huku wapa oyondaka zhae eñphi zhino onkhano yae. ³ Pae vamu ovo kochundeu nkhu ngahavangi ekolelo, okutia okuhafuifhapo kuawo nge matchikailifha okufuifhapo kua Huku okuhavalela? ⁴ Pó aye. putcho, Huku ngaile otchatchili, ya ovanthu vatcho avehe oyonkhembi. Ngatchi tchahonikua: Avehe veno olhokuzhimbuka okutia eñphi apopia otchatchili, ya ove apehe mukaninga omapitilo pua umu mekukoyefha. ⁵ Ya okutia okuhafuifhapo kuetu kuvilikifha okufuifhapo kua Huku, otchitchi tchi nge matupopi? okutia tupondola okutia Huku omuhafuifhapo okutuetela oluyuma Luae?( tcho mitchipopie okunhembefha kovanthu). ⁶ Pó aye! Pae, pó ongapi Huku nge makakoyefha ouye? ⁷ Pae, otchatchili otcha Huku, mokonda yetutu lhange, lhieta vali okumuyimbila, mokonda napahe ndjikoyefhua ngomuningi vanavi? ⁸ Ya palatchi hatupopi, ngatchi vamu vazhaneako okutia: tuninge otchivi, opo kuye otchiwa? Ombo okunguka kuawo kuafuapo. ⁹ Ya pae? Tuavelua otue muni? Pó aye. Mokonda tulivilikifha kaya okutia ngaile Chundeu, ngaile ngeleko avehe vemopekalo, ¹⁰ ngatchi tchahonikua okutia: Kakuna ingu afuapo, kutupo neumu. ¹¹ Kutupu ingu nge maifhapo. Kutupu ingu nge makaeta Huku.' ¹² Avehe velivomba, avehe owokufuapo velipaka okuhachiliviya. Kutupu ingu nge maningi otchiwa, kutupu neumu. ¹³ Emangongo lhawo endo limu lhaikuka. Omalaka awo akelenga. Kuno ombenene viovifhitu komilungu viawo. ¹⁴ Ovinhu viawo vieyula novivi ya nomalaka omavi. ¹⁵ Oyomphazhi zhawo zhililumbanifha opo zhinengule omulai. ¹⁶ Okutungululua, noyohali zhi moyondjila zhawo. ¹⁷ Owo kawanongonuke ondjila yombembua. ¹⁸ Owo kavahumbe Huku kotchipala tchawo. ¹⁹ Pahe, tutchi okutia avihe tchi otchitumino tchipopia kuombenha vemovitumino, opo ovinhu viatcho avihe vikae vianhima ya ouye watcho auhe ahamauhupu kokukoyefha kua Huku. ²⁰ Mokonda kutupu ingu makahupea kovininga viotumino komiho AHuku. Mokonda otchitumino otcho tchaeta okuiwa opekalo. ²¹ Ya pahe tchihapena otchitumino, okufuapo kua Huku kuelimunikifha kulilifha oumbangi kotchitumino nokovatuminua, ²² tcho otchi, okufuapo kua Huku, kekolelo ku Yesu Clistu, kuombenha avehe vatavela. Mokonda kakuna okapungulula. ²³ Mokonda avehe vaninga otchivi ya vekokula noumbala wa Huku, ²⁴ Huku weveyiukifha Nae muni ngounongo votchali, mokonda yaYesu Clistu weveninga nawa. ²⁵ Mokonda Huku wandja Yesu Clistu ngotchilikutila komulai wae, motchikonda tchekolelo. Huku wandja Clistu ngoheteko lhokufuapu Kue ya, nombili Yae, ayekako kokuvemunifha onkhumbi koyopekalo iñphi zhanigilue poupe. ²⁶ Tcho tchaniguá ngotchivilikifha otchokufuapo Kue kouye wapahe, opo afuepo ya omufuifhapo kuanguinha eno ekolelo ku Yesu. ²⁷ Opipua penemuna? Lhazhimifhuapo. Okonamutuko patchi? Okovininga? Aye, okukuatelea kekolelo. ²⁸ Otue tuazhimifha, pae, omunthu umu ufuifhifhapo kekolelo halina ovininga lhovitumino. ²⁹ Ine Huku o Huku pé oyoyochundeu? É nae aha Huku yovipunde? inga, owovipunde nae. ³⁰ Okutia putcho Huku iyumu pé, É makafuifhapo okuhita moviyumbo kekolelo, ya nokuhahita moviyumbo kekolelo. ³¹ Okutia otue, pae, tuazhimapo otchitumino mokonda yekolelo? Pó aye! ,Putcho otue tuatavela kotchitumino.