^{3 1} Ami mipula pae: Huku waniona ombunga Yae? pó aye. Mokonda naami ndjimuchailita, umu ondeya Ambalayau, owo komuhoko wa Mbechami. Huku kanione ombunga Yae, ombenha nkhu eiva poupe. Kamutchi tcheinha ovihonikua vipopia ku Eliya, ngatchi akumba ku Tate Kulu kowo KoIchalaeli? ² Tate Kulu, owo valeka ovatuminua Woe, vateya oyomecha Zhoe, ya ami pé mbayekuako, ya owo vahanda okundjifha omunhu wange. ⁴ Ya otchitchi tchi Huku emutavhela? Ami mbelipakelako lumu ovhazhiu oyomili epanduvhali omba havhaongale koyongolo ku Mbaal. ⁵ Nangatchi, potchizho tchi otchipe, kuna ovhanthu omba Huku apangula vhatambule otchali. ⁶ Ya okutia okotchali, pó hakovhininga vhali. putcho otchali nge katchile otchali. ⁷ Ya pae? Ovhipuka embio oislaele iyowola, tcho katchivhivhafhele, ya pae ovhahopua vhetchivhafha, ya ovhengi vhaomba noyombungo zhakola. ⁸ Ngatchi nawanawa tchahonikua: Huku wevhepa omphepo yokukola oyombungo, ngavhaningi omiho ahamavhamunuko, ngavhaningi omakutui ahamavhate té potchinha tchapahe. ⁹ Pae Djiavhiti atia: otchipito tchae ngatchile omo wowanda, ewelimu kofhingo ya novhitchitu kuwo. ¹⁰ Nokomiho avho ngakuninge etuiki opo havhamuneko, okumbea vhakolelua komatambowo té kulukulu. ¹¹ Pae mipula: ovho vheliputala vhawe? pó aye. Putcho, kokupoyola kuavho, kueya eyowo kovhipunde, okuvhetea efhipa. ¹² Pahe, okutia okupoyola kuawo oulombe womouye, ya okutota kuavho oulombe wovhipunde, otchingapi otchinene matchikaela okufuifhapo kuawo? ¹³ Ya pahe mipopi konue ovhipunde ovhpunde, mokonda ndjimbangi yovhipunde, ndjihumba oumbange vholukalo luange. ¹⁴ Pamu ami mikankhindula efhipa komea weli owokonhama yange muni, ya pamu vhamu mavhayoka. ¹⁵ Pae okutia okuhatavhela kuavho ombembua yomouye, okutavhela kuavho makukaila ngapi, ahaile omunhu pokakati kuomba vhatchua? ¹⁶ Okutia omaunhango vhopoupe afuapo, nondahi yatcho yafuapo, okutia omuzhi wafuapo, noyonthai nazho zhafuapo. ¹⁷ Ya okutia oyonthai zhimu ngazhitetuako, ya ovhe okuila onthai imu oyovhivhela oyomokuti, Huku wekupaka komuti koyonthai eñphi zhahupako ya waila amuwalulua pamu nawo komuzhi woulombe owovhivhela, ¹⁸ hotia owe wavhalela vhali koyochundeu omba Huku hevhetalele. Ya okutia ngolipakako, tchivha okutia omuzhi kaukuatefhele kuovhe, ovhe wakuatefhelea komuzhi. ¹⁹ Pae ovhe mukatia: Oyonthai zhatetuako opo ami ndjipakueko. ²⁰ Otchatchili! Mokonda yokuhatavhela kuawo, owo avhatetuako, ya ovhe wakakako kekolelo lhoe. Hotutu unene poluoe lumu, humba. ²¹ Mokonda, okutia Huku katengelé oyonthai eñphil zhamñiniako, naowe nge kekekutengela. ²² Tala tchi Huku eli omuwa natchi akola. Kotchivhei tchimu, okukola kuezhilia kovhachundeu omba vhawa; pae kotchivhei otchikuawo, ouwa wa Huku wezhilia kowe, okukakako kouwawae. Ngohutchipakako, naowe mukatetua. ²³ Ya owo nawo, ngahavhatuatuako nokuhatavhela kuawo, mamukatavhelua nkhe vhali. Mokonda Huku hinde oépe ngememutavhale nkhe vhali. ²⁴ Mokonda Huku ngatete tchi eli otchokokuti nouye nomuti wouvha owomukuti, tchi tchapenga nouye ya eutavhele ngomuti owouvha; ya pae vhali É makatavhela ovhachundeu omba, weli oyonthai oyomuni, komuti wazho owouvha? ²⁵ Mokonda, vhangu, ami hihandele mukae hamutchi oluambo ondo oluatchatchili, okuningea okutia opóhamuele avhanongo mokututa kuemñi. Oluambo ondo oluatchatchili ondo luapitile luakola nombunga oyochilaele, té pua makukezhila ovhipunde vhiatcho avhihe. ²⁶ Pae, avhehe ovhachilale mavhakayowolua, ngatchi tchahonikua okutia: omuyowoli makalua nokochiau. É makahondolola ovhineya vhia Chako. ²⁷ Ya tcho matchikaela oupanga wange nawo, tchi Ami mifhako oyopekalo zhawo. ²⁸ Ya pae kondaka, owo watondualumu mokonda ya onue; apehe, kokuhopa kua Huku, owo vhahadua mokonda yovhakulu. ²⁹ Mokonda Huku otchonkheali keyavhilula tcheinha apanga okuvhepa, ya nkhenge kavhilula ngapua evheifhanina vhaile ombunga Yae. ³⁰ Mokonda, kolukulu, muaninge okatombo na Huku; ya pahe muatambula onkhenda mokonda yokatombo kawo. ³¹ Nango tchikuawo, ovhachundeu ombo pahe vhaka nokatombo. Ofheto atchile okutia, mokonda yonkhenda endji yavhilikifhua konue, owo nawo vhapondola okutambula onkhenda pahe. ³² Mokonda Huku avhehe wevheikea mokati kokatombo, okuningea okutia É evhetcho onkhenda avhele. ³³ Atate ovhihakukifha vhila ovhiwa vhiomaunongo a Huku! Otue tuafhuapolumu kokuhaifhapo kovhipukaimia Huku avhanga ya nokuhanongonoka oyondjila eñphi É etututila. ³⁴ Mokonda kutupu ingu eyetchivha tchi Tate Kulu atuta. É kachuka okutia nge kuninga ingu Memupakemu. ³⁵ Poupe oiwa Emundjela otchipukatchimu Huku, tchi Huku nge memutchunifhile? ³⁶ Mokonda Otchae, Kue okuningea Kue ovhipuka vhiatcho avhihe.Pae Ovhanthu vhatcho avhehe Ngavhemuhumbe té kolukulu.