20
1
Хорлэн кивалтӥсезлы. Давидлэн псаломез.
2
Кузё-Инмаре! Тынад кужыменыд шулдыръяське царь но Тынад утёнэдлы туж шум потэ.
3
Тон сётӥд солы сюлэмезлэсь мылпотэмзэ но палэнэ ӧд кушты солэсь куронзэ.
4
Тон пумитад сое витем ӟечкыланъёсын, чылкыт зарнилэсь венец йыр вылаз дӥсяд.
5
Со куриз Тынысьтыд улон, но Тон сётӥд солы быронтэм кема улон.
6
Быдӟым солэн данэз Тынад утёнад. Тон сётӥд солы сиё-дан но вылӥлык.
7
Тон сётӥд солы быронтэм благословение но Тон соин ӵошен луэмен, шумпотон солы сётӥд.
8
Уго царь Кузё-Инмарлы оскиське, уз шонскы со, уго Вылӥлыколэн ӟечлыкез тырмыт.
9
Тынад киыд шедьтоз Тынэсьтыд ваньзэ тушмонъёстэ. Тынад бур киыд уёз соосты, Тонэ адӟемпотостэм лэсьтӥсьёсты.
10
Тон озьы лэсьтод, Тынад вожпотонэд дыръя соос ӝуась гур кадь луозы. Аслаз вожпотоназ Кузё-Инмар быдтоз соосты, но тыл ньылоз соосты.
11
Тон быдтод соослэсь музъем вылын будэтэм емышсэс, соослэсь улӥсьсэс но быдтод калык выжыос пӧлысь,
12
уго соос урод лэсьтӥзы Тон пумитэ. Соос малпанъёс кылдытӥзы, нош малпанъёссэс ӧз быгатэ быдэстыны.
13
Тон пуктод соосты мишень кадь но ыбылод Аслад пукыӵысьтыд шонерак соослэн ымныразы.
14
Кузё-Инмаре, Аслад кужыменыд ӝутскы! Ми данъялом но кырӟалом Тынад батырлыкед сярысь.