1

¹ Давидлэн псаломез. Шудо со адями, кудӥз уг ветлы безбожникъёслэн кенешазы, уг но сылы сьӧлыкоослэн сюрэс вылазы уг но пыриськы азэмъёслэн эшласьконниазы, ² нош солэн эрикез Кузё-Инмарлэн законаз, уй но нунал Кузё-Инмарлэн законэз солэн малпаназ!

³ Со ву дурын мерттэм, писпулы тупась луэ, емышсэ дыраз сётэ, куарёсыз котьку вожесь. Котькыӵе ужын удалтон вите сое.

⁴ Нош ӧвӧл сыӵеесь законэз тӥясьёс, пичильтак но тӧллэсь кыдёке пазьгисько.

⁵ Соин ик, законэз тӥясьёс, уз быгатэ суд азьын кышкатэк сылыны, уз чидалэ улыны, сьӧлык лэсьтӥсьёс шонер улӥсьёслэн кенешазы.

⁶ Уго, шонер улӥсьёслэсь Кузё-Инмар тодэ улон сюрэссэс, нош законэз тӥясьёслэн сюрессы быронэ вуттоз.