3
1
Тевирия кесарьлэн дас витетӥ арзэ кузёяськыкуз, Иудеяын Понтий Пилат кивалтыку, Галилеяын Ирод ньылетӥкивалтыку, солэн братэз Филипп Интурияын но Трахония шаерын ньылетӥкивалтыку, нош Авилинеяын Лисаний ньылетӥкивалтыку,
2
Анна но Каиф нырысетӥсвященник вакыт, Захариялэн пиезлы Иоаннлы, пустыняын Инмарлэсь кыл вал.
3
Со ветлэ вал Иордан шур котырысь вань шаеръёстӥ, вераса: калыкъёс сьӧлык лэсьтэмзы понна простить мед каремын луозы шуыса, покаяться кариськыса пе крестится кариськыны кулэ.
4
Кызьы гожтэмын Исаия пророклэн книгаяз, кудӥз вера: " Пустыняын ӧтисьлэн куараез: Кузё-Инмарлы сюрэс дасялэ, шонер лэсьтэ Со понна ветлонниосты.
5
Котькыӵе гоп мед тырмоз, котькыӵе гурезь но ӝужыт инты мед лапегомозы, кырыжъёс но куасалтэмъёс мед шонералозы, выро-гопо сюрэсъёс мед волялозы,
6
но ваньмыз лулоос адӟёзы Инмарлэсь утиськонзэ".
7
Иоанн доры крестится кариськыны лыктӥсьёслы со шуылӥз: " Змеялэсь потэмъёс! Кин валэктӥз тӥледды пегӟыны азьланяз вожпотонлэсь?
8
Но возьматэ покаятся кариськемдылэсь ярамон емышсэ но эн но малпалэ вераны асьтэлы " Авраам милям атаймы". Уго верасько тӥледлы, та изъёслэсь Инмар аслыз кылдытыны быгатоз пиоссэ.
9
Тани писпулэн выжыаз тӥр но кылле ини: котькыӵе писпуез, кудӥз емышсэ уг сёт, ӵого но тылэ кушто".
10
Но калык солэсь юалляз: " Мар милемлы лэсьтоно?"
11
Со соослы вералляз: " Кинлэн кык дӥсез, сёт солы, кинлэн дӥсез ӧвӧл, озьы ик кинлэн сиён-юонэз вань озьы ик лэсьты".
12
Выт бичасьёс но лыктӥзы крестится кариськыны но шуизы солы: " Дышетӥсь! Мар ми лэсьтыны кулэ?"
13
Со вералляз соослы: " Эн курэ калыкъёслэсь сётыны кулэзылэсь тросгес".
14
Ожгарчиос но солэсь юаллязы: " Нош милемлы мар лэсьтоно?" Но шуиз соослы: " Нокинэ но вӧсь эн каре, юнме янгыше эн уськытэ, но жалованиедылы шум потэ".
15
Куке калык вите вал Христосэз, ваньмыз малпало вал, со Иоанн шуыса,
16
Нош Иоанн ваньмызлы вералляз: " Мон тӥледды вуын крестить карисько, нош лыктэ Со, Кин кужмогес мынысьтым, Кудӥзлэсь пыдкукысьтыз езэ мон ярамон ӧвӧл пертчылыны. Со крестить кароз тӥледды Святой Духэн но тылын.
17
Солэн лопатаез Солэн кияз, но Со сюзялоз Аслысьтыз ю-тысьсэ но чабейзэ люкалоз Аслаз кеносаз, нош курозэ но макнязэ сутоз кысонтэм тылын".
18
Трос мукетъёссэ ӟеч ивор ивортылӥз со калыкъёслы, дышэтыса соосты.
19
Нош ньылетӥкивалтӥсь Ирод, кудзэ Иоанн шарае поттылӥз аслаз братэзлэн Иродиана кышноез сэрен, но ваньзэ мар Ирод уродзэ лэсьтӥз,
20
аслаз урод ужъёсыз вылэ ватсаз на, Иоаннэз тюрьмае пытсаз.
21
Нош ку вань калык крестится карӥськылӥз, Иисус но крестится кариськиз. Куке вӧсяське вал, инбам усьтӥськиз
22
но Святой Дух со вылэ васькиз мугор кариськыса, дыдык кадь, но инмысь куара ккылӥськиз: " Тон Мынам Яратоно Пие, Тон пушкын Мынам благоволение!"
23
Иисуслы, Аслысьтыз служениезэ кутскыку вал куамыно арес, но кызьы малпаллязы вал, Иосифлэн Пиез, Илиялэн,
24
Матфаталэн, Левийлэн, Мелхиялэн, Ианнлэн, Иосифлэн,
25
Маттафиялэн, Амослэн, Наумлэн, Еслимлэн, Наггейлэн,
26
Маафлэн, Маттафиялэн, Семеилэн, Иосифлэн, Иудалэн,
27
Иоаннанлэн, Рисайлэн, Зоровавельлэн, Салафиильлэн, Нирийлэн,
28
Мелхийлэн, Аддийлэн, Косамлэн, Елмодамлэн, Ирлэн,
29
Иосийлэн, Елиезерлэн, Иоримлэн, Матфатлэн, Левийлэн,
30
Симеонлэн, Иудалэн, Иосифлэн, Ионанлэн, Елиакимлэн,
31
Мелеайлэн, Маинанлэн, Маттафайлэн, Нафанлэн, Давидлэн,
32
Иессейлэн, Овидлэн, Воозлэн, Салмонлэн, Наассонлэн,
33
Аминадавлэн, Арамлэн, Есромлэн, Фареслэн, Иудалэн,
34
Иаковлэн, Исааклэн, Авраамлэн, Фарралэн, Нахорлэн,
35
Серухлэн, Рагавлэн, Фалеклэн, Еверлэн, Саллэн,
36
Серухлэн, Рагавлэн, Фалеклэн, Еверлэн, Саллалэн,
37
Мафусаллэн, Енохлэн, Иаредлэн, Малелеиллэн, Каинанлэн,
38
Енослэн, Сифлэн, Адамлэн, Инмарлэн.