7

¹ Кузё-Инмар шуиз Нойлы: " Тон но тынад семьяед мед пырозы ковчеге, уго Мон адӟи таяз выжыын тон гинэ шонерлыко Мон азьын.

² Котькуд дун животъёсты айызэ но мессэ быдэн сизьым пара басьты, нош чылкыттэмъёссэ айызэ но мессэ быдэн кык пара.

³ Инмысь тылобурдоосты айызэ но мессэ быдэн сизьым пара басьты, соослэсь выжызэс музъем вылын кельтон понна.

⁴ Сизьым нунал ортчем бере Мон музъем вылэ зор келяло, зороз ньыльдон нунал но ньыльдон уй, но Мон лулозэ мае музъем вылэ кылдытӥ вал, ваньзэ быдто"

⁵ Кызьы Кузё-Инмар косиз, Ной ваньзэ озьы лэсьтӥз.

⁶ Музъем ву улэ выйыку Нойлы куатьсю арес вал.

⁷ Ной но солэн кышноез но нылпиосыз но соослэн кышнооссы, ву улэ выёно медаз луы шуыса ковчег пушкы пыризы.

⁸ Вань чылкыт но чылкыттэм животъёс пӧлысь но вань няш музъем вылтӥ кыстӥськыса ветлӥсьёс пӧлысь,

⁹ мес но айы параен пыризы Ной доры ковчеге, кызьы Инмар косӥз вал Нойлы.

¹⁰ Нош сизьым нунал ортчем бере музъем ву улэ кошкыны кутскиз.

¹¹ Нойлы куать сю аресаз мыныкуз, кыкэтӥ толызе, толызьлэн дас сизьыметӥ нуналаз, учкизы пыдэстэмлэн ошмесъёсыз, но инлэн укноосыз усьтӥськизы.

¹² Ньыльдон нунал но ньыльдон уй дугдылытэк кузь зориз.

¹³ Та нуналэ кавчеге пыризы Ной солэн кышноез, пиосыз Сим, Хам, Иафет но соослэн кышнооссы.

¹⁴ Озьы ик вань пӧйшуръёс выжызыя, гурт пудоживотъёс выжызыя, но музъем вылтӥ вань няш кыстӥськыса ветлӥсьёс выжызыя, ваньмыз лобасьёс выжызыя, ваньмыз бурдоос но лобась тылобурдоос.

¹⁵ Вань выжыос кудъёсаз вань улонлэн лулыз, параен пыризы Ной доры ковчеге.

¹⁶ Кузё-Инмарлэн косэмезъя, ваньмыз пыремъёс мес на айы вал. Со бере Инмар пытсаз ковчеге пыронниез.

¹⁷ Ныльдон нунал ву ватсаськиз, но ковчегез ӝутӥз вылӥе музъем вылысен.

¹⁸ Ву золгес ватсаськылӥз но туж ӝог йылӥз музъем вылын, нош ковчег ву вылын уяса ветлӥз.

¹⁹ Ву сокем ӝужыт ӝутскиз, уката но ӝужытэсь ин улысь гурезьёс ик ву улэ шедӥзы.

²⁰ Ву ӝутскиз гурезьёслэсь дас вить гырпумлэсь вылӥегес но шобыртӥз соосты.

²¹ Музъем вылын улӥсь вань лулоослэн выжыоссы бырӥзы: тылобурдоос, гурт пудоживотъёс, кыр пӧйшуръёс, музъем вылтӥ няш кыстаськыса ветлӥсьёс, но вань калык, ковчеге пыремъёсыз сяна.

²² Ваньмыз, кудъёсызлэн(кинъёслэн) вал музъем вылын улонлэн шоканэз(шоканзы), кулӥзы.

²³ Музъем вылысь быризы ваньмыз кылдытэмъёс, адямиысен пудоживотозь, музъем вылтӥ няш кыстаськыса ветлӥсьёс но инмысь тылобурдоос - ваньмыз быдтэмын вал. Ной гинэ но ваньмыз, кин ковчегын вал соин ӵошен( улэп) луло кылиз.

²⁴ Музъем ву улын вал сю витьтон нунал.