4
1
Соиник, братъёс, Иисус Христосэн сюлворыса куриськом тӥледды,тӥ милесьтым басьтыса, кызьы кулэ лэсьтыны но Инмарлы яраса улыны, тӥ азьласянь но тазьы эшшо но юнгес тырше,
2
уго тӥ тодӥськоды, Иисус Христос Кузёмылэсь кыӵе заповедьёсэ ми сётӥмы тӥледлы.
3
Уго тӥляд освятится кариськемды луэ Инмарлэн воляез,
4
тӥ мед возиськоды азон-калгон сьӧлыклэсь, но тӥ пӧлысь котькудды мед быгатоз асьсэлэсь сосудзэ возьыны святостьын но сиё-данын,
5
нош Инмарез тодӥсьтэм язычникъёс музэн мугорлэн мылпотэменыз эн улэ,
6
тӥ асьтэлэн братэныды номыр но эн лэсьтэ законлы пумит но аслыд гинэ пайда поттыса, уго Кузё-Инмар - ваньмыз понна пунэмзэ берыктӥсь, кызьы ми азьло но вераллямы но ивортылӥмы тӥледлы.
7
Уго милемды Инмар сьӧлык лэсьтыны ӧз ӧтьы, но святой улонлы.
8
Озьыен, кин кулэтэм каре та ивортэмез, милемды кулэтэм уг кары, нош Аслысьтыз Святой Духсэ милемлы сётӥсь Инмарлы пумитъяське.
9
Ӧвӧл ни мугез гожтыны тӥлед братъёстэс яратон сярысь, уго тӥ асьтэос но дышетэмын Инмарен яратыны ог огдэс,
10
тӥ озьы ик лэсьтӥськоды Македонияысь вань братъёсын. Сюлворыса курисько на тӥледды братъёс, эшшо но юнгес яратэ
11
но мылысь-кыдысь тырше каньыл но востэм улыны, лэсьтэ асьтэлэсь уждэс но кӧттэс тырэ ас киыныды ужаса, кызьы ми валэктӥмы тӥледлы,
12
соку оскисьтэм калыкъёс тӥлесьтыд адӟёзы шонер улэмдэс но тӥ номырлэсь но уд ёрме.
13
Кельтэме уг поты тӥледды, братъёс, тодытэк кулэмъёс сярысь. Тӥледлы кулэ ӧвӧл курекъяськыны, кызьы лэсьто оскиськонзы луымтэ калыкъёс,
14
нош ми оскиськомы ке, Иисус кулӥз но улӟыса султӥз шуыса, соку Иисус пушкын кулӥсьёсты но Инмар Соин ӵош вайёз.
15
Тае вераськом тӥлед Кузё-Инмарлэсь Кылзэ. Иисус Христослэн лыктыкуз улэп улӥсьёс уз азьпалтэ кулэмъёсты,
16
уго ачиз Кузё - Инмар ивортон дыръя но Архангеллэн куараез но Инмарлэн труба куараез кылӥськон дыръя, васькоз инмысь, но Христос пушкысь кулэмъёс улӟыса султозы азьлогес,
17
собере ми, луло кылемъёсыз, соосын ӵошен басьтэмын луомы пилем вылэ омырын пумиськон понна Кузё-Инмарен, но пыраклы Инмарен ӵошен луомы.
18
Буйгатэ ог огдэс та кылъёсын.