¹ اِے مالکو! اپنے نوکراں دے نال عدل تے انصاف کیتا کرو ایہہ جان کے کہ آسمان تے وی تہاڈا ہک مالک ہِے۔ ² دعا اِچ لگے راہو، شکرگزاری دے نال اوُں دے وِچ جاگدے راہو۔ ³ نال نال ساڈے کیتے وی دعا کرو تاں جو ساڈے تے وی خدا کلام دا دروازہ کھولےتاں جو میں مسیح دے اوُں بھید کوُ بیان کر سگاں جیندے پاروں میں قید وِچ ہاں۔ ⁴ اَتے اوُں کوُ ایہو جیئا ظاہر کراں جیویں میکوں کرنا لازم ہِے۔ ⁵ ویلے کوُ غنیمت جان کے باہر آلیاں دے نال ہوشیاری دے نال برتاؤ کرو۔ ⁶ تہاڈا کلام ہمیشہ فضل نال پُر تے لوُنا ہوئے تاں جو تہاکوُ ہر بندے کوُ مناسب جواب ڈیونا آونجے۔ ⁷ تخکُس جو میڈا پیارا بھرا ہِے اَتے دیانتدار خادم تے خداوند اِچ میڈا ہم خدمت ہِے، میڈا سارا حال تہاکوُں ڈسیسی۔ ⁸ میں خاص طور تے اوُں کوُ تُہاڈے کول گھلیا ہِے جو تُساں ساڈے بارے وِچ جان سگو تے تہاڈے دَلاں کوُ حوصلہ ملے۔ ⁹ اُنیسمُس کوُ وی نال گھلیا ہِے جو تہاڈا وفادار تے پیارا بھرا ہِے، ڈُوحیں تہاکوُ اوہ ساریاں گالہیں ڈسیسن جو اِتھاں تھیاں ہِن۔ ¹⁰ ارِسترخُس جیہڑا قید اِچ میڈے نال ہِے تہاکوُ سلام آدھے، اَتے مرقس جیہڑا برنباس دا رشتے وِچ بھرا ہِے (جیں دی بارے تہاکوُ حکم ملے ہَن۔ اگر اوہ تہاڈے کول آوے تاں اوُں کوُ تھیک طرح مِلائے)۔ ¹¹ اَتےیسوع جیہڑا یوستس اکھویندے طہور آلیاں وِچوں صرف ایہو خدا دی بادشاہی کیتے میڈے ہم خدمت اَتے میڈی تسلّی دا باعث ہِن۔ ¹² اِپفراس تہاکوں سلام آدھے اوہ تہاڈے وِچوں ہک ہِے تے مسیح یسوع دا بندہ ہِے، اوہ ہمیشہ دعا اِچ تہاڈے کیتے بہوں محنت کریندے تاں جو تُساں کامل طور تے اعتقاد رکھ کے خدا دی مرضی تے کھڑے رہ سگو۔ ¹³ میں اوُندا گواہ ہاں کہ اوُں نے تہاڈے کیتے وڈی محنت کیتی ہِے تے لُودیکیہ تے ہِیرا پُلس کیتے وی۔ ¹⁴ بہوں پیارا ڈاکٹر لوقا تے دیماس تہاکوُ سلام آدھِِن۔ ¹⁵ لودیکیہ دے بھراواں تے نُمفاس اَتے اوُندے گھر دی کلیسیا کوُ سلام اکھوائے۔ ¹⁶ جیہڑے ویلے ایہہ پَتر تہاڈے وِچ پڑھیا ونجے تاں لودیکیہ دی کلیسیا وِچ وی پڑھیا ونجے، اِیں پَتر کوُ جیہڑے لودیکیہ تھوں آۓ ہوؤن اوہ وی پڑھن۔ ¹⁷ اَتے ارخپُس کوُ اکھوائے جو خدمت خدا نے اوُں کوُ ڈِتی ہِے اوُں کو وڈی ہوشیاری دےنال پورا کرے۔ ¹⁸ میں پولُس اپنے ہتھ نال تہاکوُ سلام لکھدا ہاں میڈی سنگلیاں کوُ یاد رکھائے، تہاڈے تے فضل تھیندا راہوے۔