¹ پولُس دی طرفوں جیہڑا خدا دی مرضی نال مسیح یسوع دا رسول ہِےاَتے ساڈے بھرا تیمتھیس دی طرفوں۔ ² مسیح اِچ سارے ایمانداراں تے وفادار بھراواں کوُ جیہڑے کُلسے وَچ ہِن اُنہاں تے ساڈے خدا باپ دی طرفوں فضل تے اطمینان تھیندا راہوے۔ ³ اساں خدا باپ تے خداوند یسوع مسیح دا شکر کریندے ہئیں اَتے ہمیشہ تہاڈے کیتے دعا کریندے ہئیں۔ ⁴ اساں تُہا ڈے بارے وِچ سُنیا ہِے جو تُہاڈا یسوع مسیح تےایمان ہِے اَتے پاک لوگاں نال محبت رکھیندے ہیوے۔ ⁵ کیونکہ جو اُمید تہاڈے کیتے آسمان تے ہِے جئیں دا ذکر تُساں کلام مُقّدس دی خوشخبری تھوں سُن چُکے ہیوے۔، ⁶ جو تُہاڈے کول آئی تےجیہڑی ساری دُنیاِ اِچ ترقی کریندی پئی ہِے۔ تُساں خدا دے فضل کُو سچے طور تے سُنجانے تے جیہڑی تہاڈے وِچ اوُں ڈیں تھوں کم کریندی پئی ہِے جیہڑے ویلے تھوں تُساں اوُں کوُ سُنیا ہِے۔ ⁷ ایہہ ایویں ہِے جیویں تُساں ساڈے ہم خدمت اپفراس تھوں سکھیا جو کہ ساڈے کیتے مسیح یسوع دا وفادار خادم ہِے۔ ⁸ اوُں نےتہاڈے پیار کوُ جو روح وِچ ہِے ساڈے تے ظاہر کیتے۔ ⁹ اِیں پیار دی وجہ تھوں جو اساں پہلے ڈِیں تھوں تہاڈے بارے وِچ سُنے، اساں تہاڈے کیتے دعا کرنا بند نہ کیتا تاں جو تُساں علم، حکمت تے روحانی سمجھ اِچ ودھدے جاؤ۔ ¹⁰ اساں دعا کریندے ہئیں کہ تہاڈا چال چلن خداوند کوُ ہر طرح پسند آئے اَتے ہر طرح دا نیک عمل تہاڈے وِچ ہووے تے خدا دے علم اِچ ودھدے ونجو۔ ¹¹ اساں دعا کریندے ہئیں کہ تساں قابلیت اِچ مضبوط تھیندے ونجو تے اوُندے جلال دی قوت تہاڈی راہنمائی کرے تاں جو ہر طرح دا صبر تے تحمل کر سگو۔ ¹² تُساں خوشی دے نال باپ دی شکرگزاری کرو جئیں تہاکوُ اِیں قابل بنائے جو تُساں نور اِچ مقدساں دے نال میراث دے حصہ دار بن ونجو۔ ¹³ اوُں نے ساکوں اندھارے دے غلبے تھوں بچا گِدے تاں جو اوُں دے لے پالک بیٹے دی بادشاہی اِچ ہوؤں۔ ¹⁴ اوُں دے بیٹے وِچ اساں آزاد تھئے اَتے اساں گناہاں دی معافی حاصل کیتی۔ ¹⁵ پُتر اَن ڈِٹھے خدا دا عکس ہِے اوہ ساری مخلوقات تھوں پہلے ہا۔ ¹⁶ کیوں جو اوندے وسیلے نال ساریاں شئیاں خلق تھئیاں خواہ آسمانیاں دیاں خواہ زمینیاں دیاں، ڈیکھیاں ہوون یا اَن ڈیکھیاں، تخت ہوون یا ریاستاں، حکومت ہوئے یا اختیارات ساریاں شئیاں اوُں دے تے اوُندے کیتے پیدا تھئیِن ¹⁷ اوہ ساریاں شئیاں تھوں پہلے ہے اَ تے ساریاں شئیاں اوُں دے کیتے پیدا تھئین۔ ¹⁸ اوہ کلیسیا دا سر ہِے تے اوُں دا بدن اوُہو ای اصل اختیار دا مالک ہِے، اوہ مُردیاں وِچوں زندہ تھیون اِچ پلیٹھی دا اَتے ساریاں شئیاں وِچوں اوُں دا اوّل درجہ ہِے۔ ¹⁹ کیوں جو باپ کوُ ایہہ چنگا لگے کہ ساری معموری اوُندے وِچ سکونت کرے۔ ²⁰ اَتے بیٹے دے وسیلے تھوں ساریاں شئیاں دی اپنے نال صلح کر گھنے صلیب تے امن قائم کیتے تاں جو ساریاں شئیاں دا مسیح دے وسیلے تھوں اوُں دے نال میل ملاپ ہووے خواہ اوہ آسمان دیاںہوون یا زمین دیاں۔ ²¹ اَتے اوُں نے اوُں دے جسمانی بدن اِچ ہُن موت دے وسیلے نال تُہاکوُ وی اپنے نال مِلا گِدے۔ ²² جیہڑے پہلے خارج تے بُرے کماں دے پاروں دِل تھوں دُشمن ہَن تاں جو تُہاکوں پاک،بےعیب تے بےالزام بنا کے اوُں دے سامنے حاضر کیتے ونجو۔ ²³ ایہہ ایں کیتے ہِے جو تُساں ایمان اِچ مظبوط تے قائم راہو، تے خوشخبری دی اُمید تھوں دوُر نہ ونجو جو تُساں سُنی ہِے جئیں دی مُنادی آسمان دے تلے تمام مخلوقات وِچ کیتی گئی،جئیں خوشخبری دا میں پولُس خادم ہاں۔ ²⁴ ہُن میں اپنے ڈُکھاں اِچ خوش ہاں جیہڑے تُہاڈے کیتے چاتِن تے مسیح دی مصیبتاں دی کمی اُوندےبدن جیہڑی کلیسیا ہِے پوری کریندا ہاں۔ ²⁵ میں کلیسیا دی خدمت کریندا ہاِں، اوُں خدا دے انتظام دے مطابق جو تہاڈی خاطر میکوُ بخشیا گیا ہِے تاں جو خدا دے کلام کوُں پورے طور تےپھیلاواں۔ ²⁶ یعنی اُوں بھید کوُجیہڑا ساریاں زمانیاں تے نسلاں تھوں لُکیا ہویا ہا پر ہُن اُنہاں پاک لوگاں تے ظاہر تھیا۔ ²⁷ خدا چاہندا ہا کہ اوہ جانن کہ خدا دے جلا دی دولت غیر قوماں وِچ کیہوں جئی ہِے اَتے اوہ ایہہ ہِے کہ مسیح جو جلال دی اُمید ہِے تہاڈے وِچ راہندے۔ ²⁸ جئیں دی مُنادی کر کے اساں ہر بندے کوُں ہدایت کریندے تے اساں ہر بندے کوُ کمال حکمت دے نال تعلیم ڈیندے ہئیں تاں جو ہر بندے کوُ مسیح اِچ کامل کر کے پیش کروں۔ ²⁹ ایں واسطے میں سخت محنت مشقت کریندا ہاں اوُں دی قوت دے مطابق جو میڈے وِچ زور نال اثر کریندی ہِے۔