¹ ۱۔ تے جدوں اوناں سارے حتی اُموری کنعانی فرزی حَوی تے یبوسی بادشاواں نے جہڑے یردن دے اوس پار کوہستانی مُلک تے نِیویں پاسے دِی زمین تے وڈے سُمندر دے اوس کنارے اُتے جہیڑا لُبنان دے سامنے رہندے سَن اے سُنیاں۔ ² ۲۔ تے او یشُوع تے اِسرایئل نال جَنگ کرن لئ کٹھے ہو گئے۔ ³ ۳۔ تاں جدوں جبُعون دے لوکاں نے سُنیاں کہ یشُوع نے یریحو تے ؑعی دے نال کی کِیتا اے۔ ⁴ ۴۔ تے اوناں نے اِک چال چلی او اِک صُلع کرن والیاں وانگُوں کٹھے ہو کے نِکل پے اوناں دے کھوتیاں اُتے پرانے بورے تے پاٹیاِں ہُویاں پُرانیاں شراب دیاں مشکاں لدیاِں ہویاں سَن۔ ⁵ ۵۔ اوناں بندیاں نے آودے پیراں وِچ پُرانیاں گنڈیاں ہویاں جُوتیاں تے تَن اُتے پرانے کپڑے پائے ہوے سَن تے اوناں دے سفر دا کھانا سُکی اوُلی لگی ہوئ روٹی اِی سِی۔ ⁶ ۶۔ تے تَد او جلجال دے لشکر وِچ یشُوع دے کول گئے تے اوناں نُوں تے سارے بنی اِسرایئلی مرداں نُوں آکھیا کہ اسیں اِک دُور دے مُلک وِچوں آئے آں ایسں لئ ساڈے نال ُمعاہدہ کرو۔ ⁷ ۷۔ اِسرایئل دے بندیاں نے اوناں حویاں نُوں آکھیا پَر تُسی شاہد ساڈے نیڑے اِی رہندے جے فیر اسیں تہُاڈے نال مُعاہدہ کیویں کر سکنیں آں۔ ⁸ ۸۔ اوناں نے یشُوع نُوں آکھیا اسیں تیرے خادم آں پَر یشُوع نے اوناں نُوں پُچھیا کہ تُسی کون او تے کِتھوآے او۔ ⁹ ۹۔ تے اوناں نے جواب دِتا کہ تیرے خادم بوھت دُور دے اِک مُلک توں تیرے خُدا دِی مشہوُری سُن کہ آے آں ۔کیوں جے جیڑا کجھ اونے مُلکِ مِصر وِچ کِیتا اوہدا اسیں سَب کجھ سُنیاں اے۔ ¹⁰ ۱۰۔ تے جیڑا کُجھ اوناں نے یردن دے چڑہدے پاسے وِچ امُوریاں دے دو بادشاواں نال کِیتا یعنی حسبُون دے بادشاہ سیحُون تے بسن دے بادشاہ عُوج دے نال جیڑا عستارات وِچ حکُومت کردا سِی۔ ¹¹ ۱۱۔ تے ساڈے سارے بزُرگاں تے ساڈےمُلک دے سارے لوکاں نے سانوں آکھیا آودے نال راہ دا سامان لوو تے جا کے اوناں نُوں مِلو تے اوناں نُوں آکھوکہ اسیں تہاڈے خادِم آں تے ایس لئ ساڈے نال عہد کر لوو۔ ¹² ۱۲۔ جیڑے دن اسیں تہانُوں مِلن لئ نِکلے اوس دن ایہ روٹی جیڑی ایسں ٓاودے گھر وِچوں لئ سِی گرم سِی پَر ھون سُک گَئ اے تے اینوں اُلی لگ گئ اے۔ ¹³ ۱۳۔ اے مشکاں جیڑیاں اسیں بھر کے نال لیاندیاں سَن نویاں سَن پَر ویکھوھُون اے پھٹیاں جا رھیاں نے تے ساڈے کپڑے تے جُوتیاں لمیں سفر دے سببوں پرانے ہو گئے نے۔ ¹⁴ ۱۴۔ اِسرایئل دے مرداں نے خُداوند توں پُچھیاں بِنا اِی اوناں دے کھانے وِچو کُجھ لے کے چکھیاں۔ ¹⁵ ۱۵۔ تد یشُوع نے اوناں نال صُلع دا تے جان بخشن دا معاہدا کِیتا تے جمات دے بُزرگاں نے قسم کھا کے اوہدی تصدِیق کِیتی۔ ¹⁶ ۱۶۔ جبُونیاں نال مُعاہدا کرن دے تِناں دِناں بعد اِسرایلیاں نے سُنیاں کہ او اوناں دے گوانڈی سَن جیڑے اوناں دے کول اِی رہندے سَن۔ ¹⁷ ۱۷۔ تے بنئ اِسرایئل ٹُُر کے تِیجے دن اوناں دے شہراں جبعون تے کفیراتے بیروت تے قریت یرِیم وِ چ آے ¹⁸ ۱۸۔ پربنی اِسرایئل نے اوناں اُتے حملہ نا کِیتا کیوں جے جمات دے بزُرگاں نے خُداوند اِسرایئل دے خُدا دِی قسم کھاہدی سِی کے اواوناں نُوں نہں مارن گے ساری جمات بزُرگاں دے خلاف کُڑن لَگ پئ۔ ¹⁹ ۱۹۔ پر بزُرگاں نے اوناں نُوں جواب دِتا کہ اسیں اوناں نال خُداوند اِسرایئل دے خُدا دِی قسم کھا کے وعدہ کِیتا اے کہ اسیں اوناں نُوں چُھو وی نا سَکاں گے۔ ²⁰ ۲۰۔ اسیں اوناں نال ایہ کہ اوناں نُوں جِین دیواں گے تاں جے اوناں نال کھاہدی ہوئ قسم توڑن دے سببوں ساڈے اُتے قہر نا آوے۔ ²¹ ۲۱۔ اوناں نے ہور آکھیا کے اسیں اِناں نُوں جان دِیاں گے پر او ساری جمات لئ لکڑھارے تے پانی بھرن والے بَن کے رہن گےایسں طراں سارے بزُرگ آودے وعدےتے پُورے رِھے ۔ ²² ۲۲۔ تد یشُوع نے جبُونیاں نُوں بلا کے آکھیا تُسیں سانُوں ایئہ کہئہ کہ کیوں دھوکہ دِتا کے اسیں تہاڈے توں بوہت دُور رہنے آں حالانکہ تُسیں ساڈے کول اِی رہندے جے۔ ²³ ۲۳۔ ایسں لئ تُسیں لعنتی ہوے تے تُسیں ہمشہ لئ میرے خدا دے گھر لئ لکڑ ھارے تے پانی بھرن والیاں وانگر خِدمت کر دے روو گے۔ ²⁴ ۲۴۔ اوناں نے یشُوع نُوں جواب دِتا تیرے خادماں نُوں صاف صاف دسِیاں گیا سِی کہ ِکسطرح خداوند تیرے خُدا نے آپنے خادم مُوسئ نُوں حُکم دِتا سِی کہ او تہانُوں سارا مُلک دے دے گا تے اوہدے لوکاں نُوں تہاڈے سامنے ختم کر دے گا ِایہ سُن کے سانُوں پریشانی آئ تے اسیں ایس طرح کرن تے مجبُور ہو گئے۔ ²⁵ ۲۵۔ ہُن اسیں تیرے ہتھاں وِچ آں ہُون جیڑا تینوں بھلا تے چنگا لگے ساڈے نال او اِی سلُوک کر۔ ²⁶ ۲۶۔ تے فیر یشُوع نے اوناں نُوں بنی اِسرایئل دے ہتھ توں بچا لیا تے ایسں طرح اوناں دِی جان بَچ گئ۔ ²⁷ ۲۷۔ اوس دن جد اونے جبُونیاں نُوں جمات دے لئ تے خُداوند دی چُنی ہوئ تھاں بنائےجان والے مذبح دے لئ لکڑ ھارے تے پانی بھرن والے مقرر کِیتے تے اَج تِیک او اے اِی کم کر دے اندے نے۔