¹ ۱۔ یوناہ نبی نے مچھی دے پیٹ دے اندر خداوند آودے خدا توں دعا کیتی۔ ² ۲۔ اونے آکھیا آودی مصیبت دے میں خدا نوں پکاریا تے اونے مینوں جواب دِتا میں پاتال دی تہہ توں مدد لئی پکارایا تے تُو میری منے سُنی ³ ۳۔ تُو مینوں سمندر دی تہہ دے وِچ سُٹ دِتا تے لہراں نے مینوں گھیر لیا تیری ساریان موجاں تے لہراں میرے اُتوں دی لنگ گیاں ⁴ ۴۔ میں آکھیا کہ میں تیری اِکھاں توں دور ہو گیا آں پر میں فیرتیری پاک ہیکل وِل ویکھا گا ⁵ ۵۔ ہبتناک پانی نے مینوں ڈرا دِتا گہرائی میرے چاراں وِل سی سمندر دِیاں ساریاں شےواں میرے سر دے چاراں پاسے لپٹ گئی۔ ⁶ ۶۔ میں پہاڑاں دی تہہ تیک ڈوب گیاں ساں میرے تھلے دی زمین دے بندھناں نے مینوں گھیر لیا سی پر تُو اے میرے خداوند خدا میری جان نوں پاتال وِچوں باہر کڈیا ⁷ ۷۔ جدوں میری زندگی بے قرار سی تُو اے خدا میں تینوں یاد کیتا تے میری دعاتیری پاک ہیکل وِچ تیرے حضور وِچ پہنچی ⁸ ۸۔ جہڑے لوکی جھوٹے معبوداں نال لپٹے رہندے نے او اوھدی مہربانی توں بغیر رہ جاندے نے جہڑی اوناں اُتے ہوندی ⁹ ۹۔ پر میں تیری شکرگزارای دا گیت گاندے ہوئے تیرے حضور وِچ قربانی کراں گا میں جہڑی منت منگی اے اونوں پورا کراں گا نجات خدا وِلوں آندی اے ¹⁰ ۱۰۔ تے خدا نے مچھی نوں حکم کِیتاتے اوہنے یوناہ نوں خشک زمین اُتے اگل دِتا۔