¹ ۱. خداوند دا فرشتہ جلجال توں یوکیم وَل گیا تے آکھن لگا : میں تہانوں مِصر توں کڈ کے اوس دیس وچ لے آیا جینو ں میں تہاڈے پیو دادا توں دین دی سوَں کھادی سی۔میں آکھیا سی پئی اوہ قول جیہڑا دتہاڈے نال بنیا سی ،میں اوہنوں کدی وی نئیں توڑا ں گا ۔ ² ۲. تے تسی اوس دیس دے باسیاں دے نال کوئی قول تے وعدے نہ کرو گے سگوں تسی اوہناں دے مذبحیاں نوں ڈھا دیو گے ۔فیر وی تسی میری ناں منی۔تسی اینج کیو ں کیتا؟ ³ ۳. ایس لئی ہن میں تہانوں ایہہ آکھنا واں پئی میں اوہناں نوں تہاڈے اَگوں نئیں ہٹاواں گا سگوں اوہ تہاڈے پہلوواں وچ کنڈھےتے اوہناں دے دیوتا تہاڈے لئی پھندے ہون گے۔ ⁴ ۴. جدوں خداوند دا فرشتہ سارےبنی اسرائیل نوں ایہہ آکھ چکیا تے اوہ ہاواں بھر کے رون لگ پئے ۔ ⁵ ۵. تے اوہناں نیں اوس تھاں دا نام بو کیم رکھیا تے اوتھے اوہناں نیں خداوند دے لئی قربانیاں چڑھائیاں ۔ ⁶ ۶. یشُوع دے بنی اسرائیل نوں گھلن دے بعد اوہ اپنی اپنی میراث وچ دیس داقبضہ لین لئی ٹر گئے۔ ⁷ ۷. یشوُع دے جیندے جی اوہناں بزرگاں دے جیندیاں جی جیہڑے یشوُع دے بعد جیوندے رہے تے اوہ جیہڑے سارے وَڈے وَڈے کماں نؤں جاندے سن جیہڑے خداوند نیں بنی اسرائیل دے سببوں کیتے سن۔لوکی خداوند دی بندگی کر دے رہے۔ ⁸ ۸. خداوند دا خادم ،نُون دا پُتر یشوُع اِک سو دس ورھے دا ہو کے وفات پا گیا۔ ⁹ ۹. تے اوہناں نیں اوہنوں اوہدی میراث وچ تمنت حر س وچ دفنایاجیہڑا افرائیم دے پہاڑی دیس وچ جعس دے پہاڑ دے شمال وَل اے۔ ¹⁰ ۱۰. جدوں اوہ ساری نسل اپنے پیو دا دےتوں جا ملی تے اک ہور نسل پیدا ہوئی ۔جیہڑی ناں خداوند نوں جاندی سی ناں اوہدے کم نوں ،جیہڑا اوہنے اسرائیل لئی کیتا سی۔ ¹¹ ۱۱. تے بنی اسرائیل نیں خدا دی نگاہ وچ بدی کیتی تے اوہ بعل دیوتا واں دی پوجا کرن لگ پئے۔ ¹² ۱۲. اوہناں نیں خداوند اپنے پیو دادے دے خدا نوں رَد کیتا جیہڑا اوہناں نوں مِصر توں کڈ لیایا سی۔اوہ اپنے آلے دوالے دے لوکاں دے وکھو وکھ دیوتا واں دے پیچھے لڑے تے پوجا کرن لگ پئے تے اوہناں نیں خداوند نوں غصہ دوایا۔ ¹³ ۱۳. کیوں جو اوہناں نیں خُدا نوں چھڈدِتا تے بعل تے عستارات دی سیوہ کرن لگ پئے۔ ¹⁴ ۱۴. خداودند دا قہر اسرایل اُتے بھڑکیا تے اوہناں نیں ایہناں نوں لُٹن والیاں دے ہتھ کر دِتا جنہاں نیں ایہناں نؤں لُٹنا شروع کر دِتا تے اوہنے اوہناں نوں اوہناں دے ویریاں دے ہتھ ویچیا جیہڑے اوہناں دے آلے دوالے سن تے جیناں دا اوہ سامنا وہ نئیں کر سکدے سن۔ ¹⁵ ۱۵. جدوں وہ اسرائی لڑائی لئی جاندے تے خداوند دا ہپتھ ایناں نوں ہراون لئی ایناں دے خلاف اُٹھدا سی جیویں پئی اوہنے ایناں ناں سوَں کھا کے آکھیا سی۔تد وہ اوہ وَڈی مصیبت وچ پھس گئے سن۔ ¹⁶ ۱۶. فیر خداوند نیں قاضی گھلے جیناں نیں اوہناں نوں تباہ کرن والیاں دے ہتھوں چھڈا یا ۔ ¹⁷ ۱۷. پر اوہ اپنے قاضیاں دی وی نئیں مندے سن۔سگوں ہور معبوداں نال ناجائیز تعلق ودھا کے اوہناں دی بندگی کر دے رہےتے اپ پیو دادے دے خلاف اوہ بڑی چھیتی خداوند دی گل بات منن دی راہ توں ہٹ گئے۔جیناں تے اوہناں دے پیو دادے چلدے سن۔ ¹⁸ ۱۸. جدوں کدی خداوند اوہناں دے لئی کوئی قاضی گھلدا تے اوہ اوس قاضی دے نال رہ کے اوہدے جیوندیاں جی اوہناں نوں اوہناں دے ویریاں ہتھوں چھڈا ندا رہندا سی ۔کیوں جو اوہ ظالماں تے دُکھ دین والیاں دیاں سختیاں نوں تنگ آکے ہاواں بھر دے تے خداوند نوں اوہناں تے ترس آؤندا سی۔ ¹⁹ ۱۹. پر جدوں اوہ قاضی مر جاندا تے لوکی فیرتوں دوسرے معبوداں وَل ٹُر کے اوہنا ں دی سیوہ تے بندگی وچ رُجھ کے ایہو جیاں راہواں توں پرت جاندے جیہڑیاں اوہناں دےپیو دادیاں دیاں رہواں توں وی بھیڑیاں سن۔اوہ اپنیاں بُریاں چالاں تے باغی راہواں دے چھڈن تے راضی نئیں ہوئے۔ ²⁰ ۲۰. ایس لئی خداوند بنی اسرائیل توں بوہت ای ناراض ہویا تے آکھیا:کیوں جو ایس قوم نیں اوس قول نوں توڑیا اے جیہڑا میں اوہناں دے پیو دادے دے نال بنیا سی تے میری گل نئیں منی۔ ²¹ ۲۱. ایس لئی جیناں قوماں نوں یشُوع مر دے ویلے چھڈ گیا ،اوہناں چوں کسے وی قوم نوں میں بنی اسرائیل چوں دور نئیں کراں گا۔ ²² ۲۲. میں اوہناں نوں اسرائیل دی پرکھ لئی ورتاں گا تے ایہہ عیکھاں گا پئی اوہ خداوند نال پکے رہ کے اپنے پیو دادے وانگ اوہدے تے چلدے نیں یاں نئیں؟ ²³ ۲۳. خداوند نیں اوہناں قوماں نوں اوتھے ای رہن دِتا تے اوہناں نوں کڈھن لئی چھیتی ناں کیتی تے اوہناں نوں یشوُع دے ہتھ ناں جان دِتا۔