¹ ۱. یشوع دے مرن توں بعد چ بنی اسرائیل نے خداوند نوں پچھیا پئی کنعانیاں نال جنگ ساڈے ولوں کون چڑھائی کرے گا ؟ ² ۲. خداوند نے جواب دتا پئی بنی یہوداہ چڑھائی کرن گے کیوں جو میں اوہناں دے ہتھاں وچ دے دتا اے ۔ ³ ۳. تدھ یہوداہ دے قبیلے والیاں نے اپنے شمعونی بھرا نواں نوں آکھیا پئی ساڈے نال ساڈی میراث دے علاقے ول چلو تاں جو اسیں کنعانیاں نال لر ئیے تے ایس طرحاں اسیں وی تہاڈے نال چلاں گے ۔ ایس لئی بنی شمعون اوہناں دے نال گئے ۔ ⁴ ۴. جد بنی یہوداہ نے چڑھائی کیتی تے خداوند نے کنعانیاں تے فرزیاں نوں اوہناں دے ہتھ وچ کر دتا اے ۔ اوہناں نے برق چہ اوہناں وچوں دس ہزار بندے مار مکائے ۔ ⁵ ۵. اوتھے اوہناں دا سامنا ادونی برق نال ہویا ، نوں برق وچ ویکھ کے اوہناں اوہناں نے اوہدے نال جنگ کیتی تے کنعانیاں تے فرزیاں نوں ہرا دتا ۔ ⁶ ۶. ادونی برق ول بھج گیا پر اوہناں نیں اوہدا پچھا کرکے اوہنون پھڑ لیا تے اوہدے ہتھاں پیراں دے انگوٹھے وَڈدِتے۔ ⁷ ۷. تد ادونی برق نے آکھیا ۔ میں جہڑے ستر بادشاہواں دے ہتھ پیر تے انگوٹھے کٹے سن ، میری میز ہیٹھاں ٹکڑے کٹھے کردے ہندے سن ۔ جیہا سلوک میں اوہناں کیتا ۔ تیہا بدلہ ہن رب نے مینوں دتا اے ۔ اوہ اوہنوں یروشلیم لے آئے جتھے اوہ مریا ۔ ⁸ ۸. بنی یہوداہ نے بنی اسرائیل اتے حملہ کیتا تے اوہنوں اپنے قبضے وچ لے کے شہر دے وسنیکاں نوں تلوار نال قتل کیتا تے شہر نوں اگ لا دتی ۔ ⁹ ۹. اوس دے بعدوں بنی یہودا ہ اوہناں کنعانیاں نال لڑن نوں گئے جہڑے پہاڑی دیس ، دکھنی علاقے دے ڈھلویں دھرتی دے وسنییک سن ۔ ¹⁰ ۱۰. اوہناں نوں ( جس عدا پہلا ناں قریت اربع سی ) دے کنعانی وسنیکاں اتے چڑھائی کیتی تے سیسی ، اخیمان تے تلمی نوں ہرا دتا ۔ ¹¹ ۱۱. اوس تھوں اگے جا کے اوہناں نے دبیر دے وسنیکاں اتے چڑھائی کیتی ( جس دا پہلا ناں قریت سنعر ) سی ۔ ¹² ۱۲. تد کالِبؔ نے آکھیا جیہڑا وی قریت سِفرؔ نوں مار کے اوہنے لے لوئے، میں اوہنوں اپنی دھی عکؔسہ دے نال ویاہ دیاں گا۔ ¹³ ۱۳. کالب دے چھوٹے بھرا قنز دے پتر عتنی ایل نے اوہنوں جت لیا ایس لئی کالب نے اپنی دھی عکسہ اوہدے نال ویاہ دتی ۔ ¹⁴ ۱۴. اک دیہاڑے جد اوہ عتنی ایل کول آئی تے اوس نے اوہدے نال ضد کیتی پئی اوہ اپنے پیو کولوں اک پیلی منگے ۔ جد اوہ کھوہ اتوں اتری تے کالب نے اوہنوں پچھیا ۔ توں کیہ چاہنی ایں ؟ ¹⁵ ۱۵. اوہنے آکھیا ۔ میرے اتے خاص مہربانی کر ۔ کیوں جو توں مینوں دکھن دے دیس وچ کجھ زمین دتی اے ایس لئی مینوں پانی دے چشمے وی دے ، ایس لئی کالب نے اوہنوں اتلے تے ہیٹھلے چشمے دے دتے ۔ ¹⁶ ۱۶. تے موسیٰ دے سوہرے دی نسل دے قینی لوک کھجورا دے شہر نوں بنی یہوداہ دے نال یہوداہ دے اجاڑ نوں گئے جہڑا دکھن وچ عراد دے نیڑے اے تے اوتھے اوہناں نال وس گئے۔ ¹⁷ ۱۷. قرینی یہوداہ نے اپنے شمعونی بھراواں دے نال جا کے صفت دے وسنیکاں اتے حملہ کیتا تے اوس شہر نوں اکا ای مکا دتا ( تباہ کر دتا )۔ ¹⁸ ۱۸. یہودیاں نے غزہ ، اسقلون تے عقرون شہراں اتے اوہناں دے آلے دوالے دے علاقیاں سنے قبضہ کر لیا ۔ ¹⁹ ۱۹. خداوند بنی یہوداہ دے نال سی ۔ اوہناں نے پہاڑی دیس نوں تے اپنے قبضے چہ لے لیا پر پدرے علاقیاں چوں تے لوکاں نوں ناں کڈ سکے کیوں جو اوہناں لوکاں کول لوہے دے رتھ سن ۔ ²⁰ ۲۰. فیر اوہناں نے مُوسیٰؔ دے کہن دے مُطابق حُبرونؔ کالبؔ نوں دِتا تے اوہنے اوتھوں عناقؔ دے تِناں پُتراں نوں کڈھ دِتا۔ ²¹ ۲۱. تے بنی بنیمینؔ نے اوہناں یبوُسیاں نوں جیہڑے یرُوشلیمؔ دے وسنیک سَن نہ کڈھیا۔ ایس کرکے یبوسی بنی بنیمِین دے نال اَج تیکر یرُوشلیمؔ وِچ وسدے نیں۔ ²² ۲۲. ہن یوسف دے گھرانے نے بیت ایل اتے چڑھائی کیتی تے خداوند اوہناں نال سی ۔ ²³ ۲۳. جد اوہناں نے بیت ایل ( جہدا پہلا ناں لوز سی ) دی سوہ لین لئی لوکاں نوں گھلیا ۔ ²⁴ ۲۴. تد جاسوسان نے اک بندے نوں شہر تون باہر آندیاں ویکھیا تے اوہنون آکھیا : ساہنوں شہر وچ ورن دی راہ دس تد اسیں تیرے نال چنگا سلوک کراں گے ۔ ²⁵ ۲۵. تد اوہنے اوہناں نوں راہ دس دتی ۔ تد اوہنان نے شہر والیاں نوں تلوار نال مار مکایا پر اوس بندے تے اوہدے سارے ٹبر نوں چھڈ دتا ۔ ²⁶ ۲۶. تد اوہ حتیان دے دیس وچ وڑیا تے اوتھے اوہنے اک شہر وسایا تے اوہدا ناں لوز رکھیا ۔ ایس لئی اج تیک اوہدا یہو ناں اے ۔ ²⁷ ۲۷. پرسنی نے بیت شان تعناک ، دور، ابلیعام تے مجدد تے اوہناں دے آلے دوالے دے قصبیاں چوں لوکاں نوں ناں کڈیا کیوں جو کنعانیاں تے اوسے ای دیس وچ رہن لئی ضد کیتی۔ ²⁸ ۲۸. جد بنی اسرائیہل دا راج آیا تد اوہناں نے کنعانیاں نوں آجرت دتیاں بغیر کم کرن تے مجبور کیتا ۔ پر اوہناں نوں اکا نئیں کڈیا ۔ ²⁹ ۲۹. ناں ای افرائیم نے جزر وچ رہن والیاں کنعانیاں نوں کڈیا ۔ سگوں کنعانی اوہناں دے وچکار ای وسدے رہے۔ ³⁰ ۳۰. ناں ای زبولون نے قطرون تے نہلال دے کنعانی وسنیاکں نوں کڈیا جیہڑے اوہناں وچ وسدے رئے جد کہ اوہناں نے ایہناں نوں اجرت دتیاں بغیر کم کرن تے مجبور کیتا ۔ ³¹ ۳۱. تاں آشر تے عکو ، صیدا ، احلاب، اکزیب ، حلبی ، افیق یا رحوب دے وسنیکاں نوں کڈیا۔ ³² ۳۲. تے ایس سببوں بنی آشر دیس دے کنعانی وسنیکاں دے نال وس گئے ۔ ³³ ۳۳. ناں ای نفتالی نے بیت شمس یاں بیت عنات دے وسنیکاں نوں کڈیا سگوں بنی نفتالی وی کنعانی وسنیکاں نال جا وسے تے بیت شمس تے بیت عنات دے وسنیک اوہناں لئی بغیر اجرت تے کم کرن لگ پئے ۔ ³⁴ ۳۴. اموریاں نے بنی دان نوں پہاڑی دیس دیا ں حداں وچ ای رکھیا تے اوہناں نوں وادی وچ ہیٹھاں ناں آن دتا ۔ ³⁵ ۳۵. تے اموری وی کوہِ حرس، ایالون تے سعبلیم وچ ای وسے رہن دی ضد کیتی پر جدوں یوسف دے گھرانے دا راج آیا تے اوہ وی بغیر اجرت توں کم کرن تے مجبور ہو گئے ۔ ³⁶ ۳۶. اموریاں دی سرحد درہ عقرب توں سیلا دے پرے تیک سی ۔