¹ Nafet paluk,nafsan mlap,ko semsem yofa. Ipe tu kerkerai nigneu nang kamer ler mtir nafsan pitkaskei mai pak mus mau me nen kefo tae pakor mus. ² Ko loperkat kori, ko lo perkat nagmer folfolsa, ko loperkat namger teftef. ³ Nlaken kin akit kin ru tef akit- akit te nag tu suman Atua skot naten nega, tu mro kasu ki Yesu kristo, go tu tu seralesok namol kit mau. ⁴ Me ifwel kineu af murin a tae fafat namolik me ifuel te nat potae imro kin nag nega itae fafat namolien, kinew kafo tae prengi ke toli. ⁵ Ru tfei kineu naliati kalaltol, api mafis ne israel, nametrau ne Benjmen, natamol ne Hibru go amer pi farisi. ⁶ Nakasuan nagneu iprengi apolsaki nagmer nig esum tap, go nanre nig natafnauen kineu alen usrek. ⁷ Me sernalo ne api soklep wes emrom Yesu ru pi tekpal usrek. ⁸ Te wan kin, malfanen a fea sernalo lap nag rupi tepal nlaken naftaluen ne ntaen nig Naot nigneu Yesu Kristo. Te wan a nega tau sernalo lap nlaken a leka nag rupi nasoksok- Te wan kin kafo tae pi atlak Kristo ⁹ Go kofo tok emrom wes, Kafo tu pi atlak nalenan masok nigneu nen itok natafnauen mai mau, Me tenag api atlaken totur naseralesokon nig Kristo- nalenan nig Atua nag imai totur naseralesokon. ¹⁰ Te wan kin malfanen amur ko tae nakerkraian nig natulenan nega go nasaiseiuen nig nanrongtesan nega, taos numaten nega, mai taosi numaten nega ¹¹ Te wan kin kafo lakor tae npet natulenan nig natamol mat. ¹² Itu pi tenag kaipe piatlak sernalo nen su mau , ko kaipe masok mau, me apol kerkerai nen ka kraksok nafte nag kaipe uesi ki Naot Yesu Kristo. ¹³ Nafet paluk, kineu a tu mro kin nen kaipe puetsokin mau me, te wan iskei aprengi, ametaphor nafte kin itok tkakuk me a siwer kerkrai nen ka freg nafte kin itu napkei. ¹⁴ A siwer kerkrai pak napkei nen ka tkal mot plak nalolouen nag tuk ues nafusuen nig nafioson nig Atua totur Naot Yesu Kristo. ¹⁵ Akit te lao nen tu motu iwi nag tuk mro teflan; me ifuel kin ko mro ponpotae toklos sernalo, Atua me kefo fekfek kin mai pak akit. ¹⁶ Toklos tete namroan potae nag tukoi pe pregi iwi nen tuk siwer napu pi tkaskei. ¹⁷ Nafet paluk, akam ko folfol taos kineu, iwi nag tuk siwer ko lesoksok te nag rutok siwer skot natapekien nig namolien negakit. ¹⁸ Me telap rutok siwer, tenakon nag atok nrig sei mus kin sermal go malfanen atok nrig sei mus kin plak narmet, tenakon nen rutu nrom nkas peltakor nig Yesur Kristo. ¹⁹ Nametpangon ipi numaten. Nlaken Atua negar ipi emaloput napler go namermeran negar itok emrom namalieruen negar. Nigar rumro ki emeromen itop. ²⁰ Ngo akit tupi natamol perkati nig elangsau go akit tu tok lo reki temumu nig akit Naot Yesu Kristo. ²¹ Kefo nre namol kit nen kin ke mai taos namolin nen i nrenrer top, pregi ki nakerkeraian nega nen kin sernalo rukfo nomser mai pi te nega.