¹ U Naomi, ukamwanave va mwene akhambula akhata sayeinonghile ukhuta une nghulondelele apakhukekha, ukhuta i nchackho pwu mbombo pwu nchilitanghe vuononu? ² Pwu na Boasi uveiuvile paninie noumwene navaleincha va mbombo va mwene? Lola eilelo lyakheimihe iva pakhupula enganu paluvanja lwa khupukila. ³ Pwu leino vwonghe weibakha imoni, ufwale emienda ngyakho vononu. Pwuvwikhe ulute paluvanja lwa nyumba ya khupuleila. Pwuleino ulekhe ukhukhumanya umunu uyu impakha pala yakheiva alile nukhunywa. ⁴ Pwuleino uveimiho ukhuta yakhivaiva pakhunghona pwu wilola pala upwinghona pwu weingeile udeindule amalunde ngha mwene pwu nayuve uonghonagha bahapo, pwu umwene ikhukhuvula eikhyakhuvomba." ⁵ U Naomi akhata, "Pwu nivomba nchooni nduvumbulile." ⁶ Pwuleino akhikha akhaluta pakhipaleilo, akhakonga nghooni nduvaavalivwe nukamwanave. ⁷ Pwakhaluta pakhunghona pakheilundu khyanganu upwuviveikha; pwu eino u Luti akhaluta molamola akhadadalula amalunde ngha Boasi, pwakhanghona nave. ⁸ Pwu yavile yeivile keilo panghati na nghati uBoasi akhakenyenukha, akhapendukha, houmbe! Pwale udala uvianghonile pamalunde ngha mwene! ⁹ Akhata hee! "Veve veeni uve? Akhamwamula, akhata, "Nene Luti, neimbanda vaakho, pwu ufweikhe numwenda nghwakho une neimbombi vakho pakhuva uve uleiilukololwango uvambadeisyanie." ¹⁰ U Boazi akhata, Mananga Untwa akhusaye. Uvonisye uvunonu khuvamaleilo ukhuluteila khuvutenguleilo, pakhuva nsoullutile khuva nghosi avadeimi avadebe ave nyakhyuma ave nghanchu. ¹¹ Pwu leino manango, Ulekhe ukhudwaadai pwunikhukhuvombelangha nchooni inchuvwinchova, ulwakhuva avanu vooni avambunchenge vwango valumanyile ukhuta uve unonghelanile. ¹² Nchayeilweli ukhuta une neileilukololwo va baeisanie pope pwale ulukololwo ulwa mbadeisa ni fincho nuve ukhuluteila une. ¹³ Uve bahapa eikeilo eiye, pwupavusikhu aneideikhe ukhukhuvombela nduvuyilondivwa ulukololwo, pwu une nikhukhuvombelangha nduvuyinonghivwa ulukololwo, ndumwitamila Untwa unghonelele impakha pavusikhu." ¹⁴ Pwu leino u Luti anghonile mumalude ngha Boasi impkha pavusikhu, pwuakhasisimukha vukeilo avange vubado ukhuta valekhe ukhumanya. Pakhuva uBoasi amalile ukhumbula ukhuta avanu valekhe ukhulumanya ukhuta avanu valekhe ukhulumanya ukhuta udala uyu akhinchile pakhunghona pakheipoleilo." ¹⁵ Hange u Boasi akhata lela umwenda nghwakho akhapinyeila ingosa inchingha ifinghelelo sita ifya ngongilwe akhantweikha pwu leino uBoasi aleikhuluula khuvunchenge. ¹⁶ Pwu uLuti avile avayile khuka mwanave akhambuncha, "Pwunchinghahile ndakheikhi manango?" Pwu uLuti akhambula nchooni umwuavombelivwe nou munu ula. ¹⁷ Akhata nanchingosa ifinghelelo ifi sita ifya ngongilwe veiamile, pakhuva avile ambulile ukhuta ulekhe ukhuluta khukamwanavo amavokho ngheene."' ¹⁸ Pwu ukamwanave akhata, "Singhala bahapa manago, impakha pala upwuyakheiva vukhulumanya umuyakheiva nchiveela. Pakhuva uBoasi sakha kakha impakha yakhiva aleimalile eileeilelo."