¹ Иисус иудеин Вифлеемд төрв, Ирод тер цагт Вифлеемд хан билə, дорд үзгəс цецн əмтн Иерусалимд ирəд сурцхав: ² «Төрсн Иудеин хан альд? Мадн Терүнə одынь дорд үзгт үзлəвидн, тегəд Терүнд сөгдҗ мөргхəр ирүвидн.» ³ Тиим зəңг соңсчкад, хан Ирод болн цуг Иерусалим үүмлдцхəв. ⁴ Цуг Бурхна əрүн ах улсиг болн бурхна дегтр бичдг улсиг цуглулад, эн теднəс сурв: «Альд Христос төрхмб?» ⁵ Эдн терүнд келцхəв: «Иудеин Вифлеемд, əəлдəчəр иигҗ бичəтə: ⁶ «Чи, Вифлием, Иудеин һазр, залачнрар баһ бишич, яһад гихлə чини Израилин улсас Залач төрх, Тер Израилиг-мини улсиг үклəс аврах.» ⁷ Тиигхлə Ирод нууцар цецн əмт цуглулад, теднəс одн һархин цагинь сурад медчкв. ⁸ Эн Вифлиемүр тедниг йовулад келв: «Йовтн, Нилх Көвүнə тускар сурҗ медтн, олҗ авсна хөөн нанд зəңглтн, би одад сөгдҗ мендлхəр бəəнəв». ⁹ Цецн улс хаана үг соңсчкад йовцхав. Нарн һарх үзгəс одн теднə өмн йовла. Сүүлднь одн Нилх Көвүн һарсн һазрин деер зогсв. ¹⁰ Од үзчкəд, тедн икəр байрлцхав. ¹¹ Эдн герт орад, Нилх Көвүг Мария эктəһинь үзцхəв. Нилхд сөгдҗ мөргəд, авч ирсн белгəн: алт, саңгин идə, каңкнсн үнртə тос Терүнд өгв. ¹² Иродур орлго, эдн эврəннь нутгур талдан хаалһар йовцхав. Юңгад гихлə теднə зүүднднь Ирод тал бичə одтн гиҗ саглснь медҗ. ¹³ Тедн йовҗ одхла, Иосифин зүүднд Бурхна элч ирəд келв: «Бос, Нилх Көвүһəн эктəһинь авад, Египтүр гү. Нанас зəңг иртл, тенд бəəтн. Юңгад гихлə Ирод Нилх Көвүг олҗ авад алхар бəəнə.» ¹⁴ Иосиф сө босад, Нилх Көвүг эктəһинь авад Египтүр йовв. ¹⁵ Иродин үкл иртл, эдн тенд үлдв. Тиигҗ Бурхна келсəр болв: «Египтəс Эврəннь Көвүһəн дуудув.» ¹⁶ Ирод цецн улс энүг меклчксинь медəд йир икəр уурлв. Вифлеемд болн өөрнь бəəсн селəдəр хойр җилтə болн нилх көвүдиг – алх заквр һарһв. ¹⁷ Тиигхд əəлдəч Иеремия келсəр чик болҗ һарв: «Тиигхд Раамд оркрсн уульллһн соңсгдла. ¹⁸ Күүкд уга үлдсн Рахиль бийəн əəтрүлҗəхш.» ¹⁹ Ирод хаана үклин хөөн Бурхна элч Египтд бəəсн Иосифин зүүднднь орҗ келв: ²⁰ « Бос! Нилхəн эктəһинь авад Израилин һазрур йов. Юңгад гихлə Нилх Көвүнə əминь хəəсн əмтн өңгрҗ оч.» ²¹ Эн босад, Көвүг эктəһинь авад Израилин һазрт одв. ²² Иродин көвүн Архелай Иудейд хан болҗасинь Иосиф соңгсад, тер зəнгəс əəһəд, болв зүүдндəн Бурхнас зөвшəл авад, Галилеин һазрур эн йовв. ²³ Ирхлəрн, Назарет һазрт бəəв. Юңгад гихлə əəлдəч келсн үг күцхин төлə, Иисус Назаретянина нер зүүх зөвтə бəəсмн.