¹ Nikiyi Ibrji ka nji Yesu hi ni kpatren miyi ni ndu shetan tsrawu. ² U wa Yesu a vu nyu ivi ni cu ise zia u yon katiewu. ³ U wa ani tsar-a aye nda tre, uti ivren Rji uka hla tita biya ndu mba katie bredi. ⁴ U akasa niwu din Ba nha ana ni birli megyen mba ani ndu ndi son sisren na. ⁵ U shetan nji wu hi ni mi Urushalima igbu u tsartsar-nda njiwu hon hi ni ngbondo tu tra u Baci. ⁶ A hla ni wu uta hi vren Rji uka grji joko kime: e ba nha di ani ton malaikuma ye wu ndu ba kon wu kpa ni wo mba ni ndu na k'bu za ni tita na. ⁷ Yesu a saa' wu ba nha una tsra Baci Eji me to na. ⁸ Garli shetan a jinwu hon hi ni tu ngbondo ngblu ri nda tsro wu ikpi bi ngbugblu ba wawuu ni bii mba. ⁹ A hla wu ikpi biyi wawu mbawu mi nno mba ka uti kukru ndi gbyre me san. ¹⁰ Niki Yesu saa' wu dinkon wa iwu shetan ba nha u gbyre Baci Rji me san wawu yi ni nklen ma u gbyre u san.

¹¹ Nikiyi shetan ka hi kpama; malaiku baka ye zou.

¹² Ba heme u Yesu awo din ba tro Yohana ni Galili, ¹³ A wlu ni Nazarat nda hini mi Kafanahum, u nyu kiekle nne'a ni mi koton Zabulu mba Naftalim: ¹⁴ Din ndu tre anabi Ishaya ku toar, towa. ¹⁷ Rji ni nton kima Yesu a wlu zi wa tre Baci di ka me'me' cuwo: mulki shulu a tiewiere. ¹⁸ Yesu si zren ni nyu kiekle nne Galili, a to ndi harli bari ba mrli vayi siman wa bata you ndi Bitru, u Andoro vayima bana bi vu lambe nda si sru rjiji u vu lambe ba. ¹⁹ A tre ni ba hume yi ume mi kayi tie bi vu ndi. ²⁰ Nikime ba kaa rjirji u vu lambe ba don nda huu. ²¹ A wlu niki sihi nda ka to indi harli wa ba mrli vayi, Yakubu ivren Zabadi mba Yohana vayi ma; nimi jirgi bi nha ni tie mba Zabadi ba ki mla rjirji u vu lambe mba tie nda yo ba. ²² Ba ka jirgi'a don ni tie mba nda tie gbla hu.

²³ Yesu a zren kagon Galili wawuu nda zi tsro ni tra Rji nda bla tre zizi u mulki nda den bi lilo wawuu ni san lilo wa ndi ba ba' lo'a. ²⁴ Iddu ma ka shanshu ni suriya wawuui baka rji bi lilo wawuu ye wu ndi bi wa ba lo'a ko bi lilo rimie, ni bi wa ba ku gbingbi ni bi wa ba he ni meme brji'a ni bi sran ni bi wa ba qu kpa-a waka den ba wawuu. ²⁵ Gbugbu ndi ba huu rji ni Galili ni Dakapolis ni Urushalima ni Yahudiya ni kogmn urdu.