¹ Ni nton kima Yohana u tie Batisma a ye tren njo Rji ni miji u Yahudiya; ² Nda ni wa, ka meme cuwo; mulki shulu a tiewiere. ³ Ahi wawuyi ba tre ni nyu anabi Ishaya nda hla. Ilan uyo rji ni miji mla nkon Baci tie mla zren mbi tie. ⁴ Yohana ata sru kpie u nfu laklumi nda lo ntan u birli me ana hi lagblan mba ton u miji. ⁵ Indi bi Urushalima ni bi wa ba he kagon igbu bi urdu ba rju wawuu ye. ⁶ A tie batisma ni bawu ni nne urdu u bata hla' la' tre mba. ⁷ A to gbugbu Farisawa ni Saddukiyawa ba ye ndu tie batisma bawu a hla ni bawu biyi mrli grace, ahi nha hla yiwu ndu yi klu ifu wa asi ye'a? ⁸ Nji mrli wa ba tsar u mla latre mbatie'a ye: ⁹ Na tamre ndi bi hla ni kpa mbi ndi kie he ni tie mbu Ibrahim; to misi hla yiwu ni mi tita biyi Irji he gbengblen u ka mba tie imrli Ibrahim. ¹⁰ Zizanyime bayo gla ni nci kukron ba: kukron wa ana tie klo didi mana ba tsenwu nda kasru ni lu: ¹¹ “Ime mi tie batisma yiwu ni maa u ka latre mbi cuwo amma uwa aniye kogon mua a' nna' me ni gbengblen mina mla u si rjirji lagban ma na: wawuyi ni tie batisma yiwu ni Brji tsatsar mba lu' ngame: ¹² Mwu mwu ma he ni wo ma ani tsen alkama nda vu bi didi ba sru wruon, u nfon ma ani gonwu ni kpatren lu' wa ana y'bi na.'

¹³ Rliko Yesu a wlu ni Galili hi ni urdu ni Yohana ni ndu tie batisma niwu. ¹⁴ U Yohana ka tie' san nda tre mi si son ndu tie batisma ni mu, i wu la' ye' ni me? ¹⁵ Yesu a kasa niwu nda tre uka y'me zizanyi: towa ahe tie nkon ni tawu ndu ta kle indu tsatsar wawuu Rliko Yohana ka y'me niwu. ¹⁶ U Yesu, wa ba tie batisma niwu'a ani rju ni maa me u shulu ba ka bwu niwu a to Ibriji Rji grji na ngwu ye ku son niwu ni tu. ¹⁷ U lan ka rji na shulu nda tre, Iwayi ahi kponji vrenmu idrimu ni ngri ni wu.