¹ Matan sohena, worai tambu, muende no lai na tovtovianai tugailangi, no domdom Iesu nia tasorasora, moiso tamalohi tambu tawera matan nonda vahamareohia. ² Nia mo embe manjinga telei God muende mo andihia le sohen Moses mo embe manjinga ana vevesana vanuan God. ³ Matan Iesu nia mo duhu asena, mo lai na kalakalaia tawera mo liu Moses, matan muende mo sau na vanua mo lai na maloloa mo liu na vanua. ⁴ Matan vevesai vanua tamalohi hatehateahi na saua, ne muende mo sau na vevesai hinao nia God. ⁵ Matan Moses mo embe manjinga ana vanuan God, abo vitivotovoto na sorai muende, nabo sorahia matai bong abole mai. ⁶ Ne Kristo mo embe manjinga asohen Natu, muende nia mo sumbe ana vanuan God hinda vanuana, ale ka taurina nonda lolomatua mana domtutunu ava a hisi na evuinana. ⁷ Le sohena, a sohen Tanumue Tambu mo re, " barindi ale o rongo na leona ⁸ no te lol na lolomim na dira, asohen ana Bongi tatavalua, asohen ana Bongi jinaijinaie ana jaravono. ⁹ Nian tovon na tamamim na tavaluau, na jinajinau, ne na soari na noku sahasahae matai tauni ngalai vati. ¹⁰ Matan sohena ku lolovungahi na tauli rindi, ku re, nira lolora mo vano atihai asena, na te rongovosai na salami. ¹¹ Le sohena, ku sasarihi hina Noku lolovungae, mue rina nate matai vosai na suvuruhu ana Noku mabua. ¹² Worai no tinerani, ava atete wonamim a noha lolosasati moiso ate domtau, ana lolo rindi mue avano tiu God mauru. ¹³ Ne no Sora vasovaso kamim hatehateahi, ana vevesai Bongi le sohen na tovia barindi, ale vano, ava atete wonamim a lolo dira hinahina sasati. ¹⁴ Matan ka mai tavalunda hini Kristo, ava ka tauri lalati na londa domtauhia teleia ana hunjuna avahisi na evuinana. ¹⁵ Asohen nia more barindi, ale no rongo na leona, no te loli na lolomim na dira asohen ana bongi tatavalua. ¹⁶ Hisei mo rongo God moiso mo tavalua? mo te muende nira Moses mo laitakaihira Egypt? ¹⁷ moiso nia mo lolovungahi hisei matai tauni ngalai vati? mo te muende na loli hina sasati, moiso na mate tarabera na jojovi ana jaravono? ¹⁸ tele hisei mo sasarihi more na te matavosai na bo suvuruhu ana Nona mambua, ne telei muende na te ololohinia? ¹⁹ ka soaria, matan muende nate matavosai na sovruhu ana Nona mambua, matan na te Domtau.