1 Hisei a domtau more Iesu nia Christo mo wora hin Moli God moiso hisei mo boi na tamana mo boi natuna lesohena. 2 Matan sohena hinda ka matavosai ka re hinda ka boi na vevesai vahuranji non Moli God, towon hinda ka boi moli God moiso ka utuh na nona leo-matua. 3 Matan hinau nira boiboia non Moli God: Matan ka mbo utuh na nona Leo-matua. Mo turmatana nona leo-matua na te buhoni. 4 Telei vevesai tamalohi, hisei mo sora hin Moli God mo liu na verma. Moiso toandorondoro rindi muende le liu na verama nia nonda domtauhia. 5 Hisei nia hasena mo liu na verama? Hatea muende mo domtau mue Iesu nia natun Moli God. 6 Muende nia mo mai hina Reu mana Dai: Iesu Christo Nia mo te mai hina reu manihi, hina reu mana dai. 7 Mo noha hinau atolu muende nale vitvitvotovoto Iesu. 8 Tanumue Tambu, Reu, mana Dai. Nira atolu na sahasaha ateas. 9 Ale ka lai na vitivotovotoa na nona tamalohi tari, vitivotovotoa noni Moli God mo tawera no liu: Matan vitivotovotoa nia nian mue nia mo sorahi Natuna. 10 Hisei mo domtauhi natun Moli God mo lai na vitivotovotoa rindi ana lolona. Muende mo te domtauhi Moli God,mo lolia nia hina dandani, Matan nia mo te domtauhi na vitivotovotoa rindi muende God mo sorahi Natuna. 12 Moiso vitivotovotoa rindi muende God mo silenda mauru losu, ne Mauru losu rindi Nia natun. 11 Muende mo lai Natuna mo lai na mauru rindi,muende nia mo te lai Natuni Moli God, mo te lai na mauru rindi. 13 Iau kule hahari telei ho matan hinau nian, hisei a domtau hina hisan Natuni God a mbo noha mauru losu. 14 Lesohena, nian nia lolomatua hinia, ale ka dam te hinau hina nona manjingae, mo rongonda. 15 Lesohena,ale ka matawosai le rongonda ate hinau ka damia hinia hinda ka matawosai ka mbo lai na idaramina. 16 Ale ate tamalohi mo suari nona worai mo loli hina sasati muende mo te Matai matea, nia a tere a te damdam a damdam, moiso God ambo silea mauru, matan muende na te loli na hinau sasati matea. Moiso hina sasati matai matea le ovi: Iau ku te viti mue nia a damdam matana. 17 Vevesai hinawarwari nia hina sasat: Moiso hina sasati a tea muende mo te matai matea nia le ovi. 18 Ka matawosai mue are hisei mo wora hin God, mo te loli te hina sasati. Ne muende Mo wora hin God, God mo utuhia moiso subuei tanumue sasati tari na te hisia. 19 Ka matawosaia mue hinda non God, moiso hinda ka matawosaia ka re verama tawera le eno telei na sumbuei tanumue sasati tari. 20 Ne ka matawosai mue natun God nia mo mai mo silenda rongrongwosaia mue ka matawosaia mue ka matavosai muende nia retiduhu moiso hinda hini muende retiducu, I, hin Natuna Iesu Kristo. Nia God retiduhu mana mauru losu. 21 Vahuranji no hase,mbamba horo kamim telei na tamas. .......... AMBOSOHENA............