¹ sohen mue na tahunjuna ka le rongoa, ka le soaria ana matana, ka le ndawahia moiso ka le hisia ana limanda-nia Suri na sorae matai mauru . ² Le sohena, Mauru nia mo randa asena, moiso ka soaria, moiso ka noha soari vuotovuoto matana. Ka le vitiviti na mauru losu telei kamim, muende telei tamana, nia mo randa asena moiso teleina. ³ Sohen mue ka le soaria moiso, ka le rongoa ro ka le viti kamim hinia, Matan kamim no mbo noha harovatavuhi telei kamam le sohena. Nonda harovatavuhia nia tolu mai tamanda mai natuna Iesu kristo ⁴ .Moiso, le sohena kale hahari na hinahinau le manatu Matan nomam magnesia ambo vuaehese. ⁵ Nian nia sorae muende kamam ka rongoa teleia moiso kale vitivitia telei kamim: God nia rani, moiso teleia motete mbong dondo aente bongo. ⁶ Ale ka re ka noha haro vatavuhia teleia moiso kale vanovano ana mbong dondo, Hinda ka le korekore moiso ka te Sundu na retinduhua. ⁷ Ne ale ka vanovano ana rani asohen nia le ovi ana rani, Hinda ka le tolu harovatavuhi, moiso ndaen natuna Iesu kristo nia mo losovi takai na nonda vevesai hina sati. ⁸ Ale ka vitia Ka re Ka te noha hina sati, ro ka le hase launda manihi, moiso retinduhua mo tete telei nda. ⁹ Ne ale ka hase vahamareohinda, nia le embe manjinga matan a teritiunda Matan na nonda hina sati moiso a losovi takai na noda hinawarwari. ¹⁰ Ale ka vitia Kare ka te loli te hina sati ro ka lolia sohen nia tamalohi korekore, moiso nona sorae mo te ovi teleinda.