¹ Mori yematipotnin mampum mpe ra natipotnin--Mori komlorgi,mori kamlokhi gi nimind,mori kolitopotnemi,im ovnorund yelkavi--iyi ogi nam nomurep. ² Im hogku nomurep ndwompi ndukili,im koklokhi,im nompufsok ogi.Kakimlanwi gi pogkum nomurep uvuruni,mori yete ndu Itment,im mori ndumunwatopne pogkos. ³ Mei iyi mori kaleplokhi im lorgi kakimlanwatopne hogku pogkum,ma kimi hogku kwontavsimogi ndal kimi.Ovon tavsimogi enogkos iyi ndal Itment im ndal Nitni,Iesu Kristu. ⁴ Im hogkusu,kakimlenetai siame imo pogkum monavos unisog kam kokompliveh. ⁵ Imo iyi narigi mori kam lorgi marogi iyi im memlanwi pogkum:Novu iyi nilar,im iran tawi hai nelvukvat wi. ⁶ Nagku kokimlanwi mlagku kokimlamte ntavsimogi haiten ndal im lenavan ra nelfukvat,kokimlenamlai im letum lenompi tanpo. ⁷ Kou nagku kokimlenavan ra nilar hogkusu iyi ra nilar,kokimlen tavsimogkoh haiteven,im nde eni Iesu Nitni kamesendomsi kos ra ovon satsu. ⁸ Nagku kokimlanwi mlagku koh tawi hai sat irant,kokimlenamlai pogkos,im tanpo kotumante irant. ⁹ Kou nagku kokimlan watopne,ovon sat enogkoh,iyi ntavniriveh im itrogkoveh worofielintogkoh ra ovon satsu im mandwogkoh ra ovon tawi armai nompi. ¹⁰ Nagku kokimlanwi mlagku koletwompi sat kokimlen nompi iyi ma iyi neteme namlai,im ovon nam eni kotumante irant.