¹ 1 Long ol dei ya Jon Baptaes i kam stap prij long drae ples blong Judea, mo i stap talem se, ² ''Ripen, from fasin blong God bae i kam king i stap kam klosap.'' ³ Hemia hemi wanem we profet Aesaia i bin stap tokbaot we i talem se, ''I gat wan man i stap singaot long drae ples, 'mekem redy rod blong Masta, mekem ol rod blong hem i stret. ⁴ Jon i werem ol klos we oli wokem long skin blong Camel mo wan strap we oli wokem long skin blong animol. Mo hemi stap kakae gras hopa mo hani we i kamaot long suga bee. ⁵ Ale olgeta blong jerusalem, olgeta long judea mo olgeta long ol rijen raon long Jordan riva oli stap kam long hem. ⁶ Hemi i baptaesem olgeta long Jordan riva, mo oli stap taltalemaot ol sin blong olgeta. ⁷ Be taem hemi luk fulap long ol farasi mo ol sadusis tu oli stap kam blong baptaes, hemi talem long olgeta se, '''Yufala i olsem snek, Huia i talem long yufala blong ronwe long kros blong God we i stap kam,? ⁸ Sapos i tru se yufala i tanem tingting blong yufala from ol sin blong yufala, yufala i mas soemaot samting ya long laef blong yufala. ⁹ Yufala i no tingbaot blong stap tok flas se, '''Yufala ya yumi oraet nomo from yumi laen blong Ebraham ya; Mi talem stret long yufala se God i save resemap ol pikinini blong Ebraham aot long ol ston ya. ¹⁰ Akis i oli putum finis istap akensem ol rus blong olgeta tri. Evri tri we i no save karem gudfala kakae bae oli katem daon mo sakem i go long faea. ¹¹ Mi mi baptaesem yufala wetem wota from yufala i tanem tingting blong yufala. Be man we i stap kam afta long mi, hemi hae moa long mi mo mi mi no naf blong karemaot sandel blong hem. Hem bambae i baptaesem yufala wetem Holy Spirit mo long Faea. ¹² Hemi stap redy blong Jajem olgeta man, blong seraotem ol gudfala man long ol man nogud olsem man we i stap holem wan fok blong klinim aot ol toti blong wit blong tekem kakae blong wit, hem bambae i tekem i go long haos blong hem. Be olgeta we oli olsem toti blong wit, bambae hemi karemaot olgeta, i go bonem olgeta long faea we i no save ded samtaem. ¹³ Ale Jisas i aot long Galilee i kam long Jordan riva blong Jon i baptaesem hem. ¹⁴ Be Jon i traem blong stopem hem, talem se, ''Yu nao yu sud baptaesem mi be yu yu kam long mi blong mi baptaesem yu? ¹⁵ Be Jisas i talem lo hem se, ''No, naia yu mas baptaesem mi. Long fasin ya, bambae yumi stap mekem ol samting we God i wantem oli kamtru''. Nao Jon i agri long hem. ¹⁶ Mo taem Jon i baptaesem Jisas finis, Jisas i kamaot long wota mo wantaem nomo skae i open long hem; mo hemi luk spirit blong God i kamdaon olsem wan sotleg pijin, i kam sidaon long hem. ¹⁷ Wantaem nomo, wan voes i kamaot long heven i stap talem se, ''Hemia pikinini blong mi we mi lavem Hem. Mi glad tumas lo Hem."