¹ Afta we Jisas i bon long Betlehem long taon blong Judea long taem blong king Herod, igat ol waes man long is oli kamtru long Jerusalem oli talem se, ² " Wem Pikinini ya we i bon we hemi king blong ol man Jiu? Mifala i luk sta blong hem long is, hemia nao mifala ikam blong wosipim hem." ³ Taem king Herod i harem, hemi harem nogud tumas, mo evriwan long Jerusalem tu. ⁴ Herod i singaotem ol jif pris mo ol tija blong Loa mo askem olgeta se,'' Wea nao bambae Kraes I bon?" ⁵ Nao oli talem long hem se long Judia, long taon blong Betlehem bae hemi bon from bifo profet i bin raetemaot. ⁶ 'Be long graon blong Judah, long taon ya Betlehem, we I no laswan olgeta insaed long ol rulas blong Judah, long yu bae ikat wan we bae hemi rul, hem nao bae I olsem man blo lukaot ol man blong mi Israel.'" ⁷ Taem Herod i harem i singaot ol waes man haed nomo blong askem olgeta taem we sta ia i bin kamaot long hem. ⁸ Nao hemi sentem olgeta igo long Betlehem, hemi se, yufla iko lukaotem yangfala bebe ia. Taem we yufala I finem hem, yufala i kambak talem long mi blong bae mi tu mi save go wosipim hem." ⁹ Afta we oli bin harem ol toktok blong king, oli go long rod blong olgeta, mo sta ia we oli bin luk lo is I go fas taem long olgeta kasem taem I kam stanap stret mo nomo muv long plesia we yangfala bebe ia i silip long hem. ¹⁰ Taem oli luk sta ia oli glad bigwan tumas . ¹¹ Nao oli go insaet long aos mo luk yangfala bebe ia wetem mami blong hem Mary. Nao oli nildaon mo oli wosip long hem. Oli karemaot ol presin blong givim long hem. Oli givim gol,mo Frangkinsens,semak senta ia we ol pris .Oli stap bonem long wosip mo mir, we hemi wan pomad we praes blong hem i antap tumas. ¹² Nao long naet God i toktok long olgeta long wan drim, i blokem olgeta blong oli no gobak long King Herod. Nao oli kirap, oli folem wan nara rod oli go hom. ¹³ Afta we oli gobak wan engel blong Hae God i kamtru long Josef long wan drim nao i talem long hem.'' Yu kirap yu tekem pikinini ia mo mama blong hem yufala i go long Ijip. Yufala i stap ia kasem taem we mi bae mi talem long yufala i gobak. From Herod i stap lukaotem Pikinini ia blong kilim hem i ded. ¹⁴ Long naet ia Josef i kirap mo karem Pikinini ia wetem mama blong hem, mo oli go long Ijip. ¹⁵ Oli stap long ples ia kasem taem we Herod i ded. Hemia hemi wanem we Hae God i bin talem long Profet blong hem se pikinini blong mi i stap long Ijip, nao mi singaotem hem blong kam. ¹⁶ Taem Herod i luk ol waes man ia oli nomo kambak hem i kros tumas nao i sendem ol man blong hem blong oli kilim evri Pikinini boe we oli stap long Betlehem stat long tu yia i go daon.Hemi makem stret long taem ia we oli talem se sta ia i bin kamaot long hem. ¹⁷ Ol samting ia i mekem tok ia i kamtru we profet Jeremaih i bin talemaot bifo i talem se ¹⁸ Olgeta long Rama oli harem wan woman we i krae we i krae from ol Pikinini blong hem woman ia hemi Rejel ! Hemi stap krae from ol Pikinini blong hem. Mo hem i no wantem man i kam toktok long hem from ol Pikinini blong hem oli nomo gat. ¹⁹ Taem Herod i ded, engel blong Hae God i kamaot long Josef bakeken, long wan drim i talem. ²⁰ '' Yu kirap yu tekem Pikinini blong yu wetem mama blong hem yufala i gobak long Israel, ol man ia we oli wantem kilim ded Pikinini ia oli ded finis.'' ²¹ Josef i kirap i karem Pikinini ia wetem mama blong hem oli gobak long Israel. ²² Be taem Josef i harem se Akeleas i tekem ples blong Papa blong hem Herod. I stap rul ova long Judia, hem i fraet blong go long ples ia. Nao Hae God i kamaot long hem bakeken long wan drim blong aot long Galili. ²³ Mo go stap long citi ia Nasareth. Hemia hemi wanem we Hae God i bin talem long ol Profet blong hem, mo singaotem se Nasaret.