¹ Taem Jisas i finis toktok, hemi talem long ol disaepol blong hem se, ² ''Yufala i save afta long tu dei, taem blong mekem lafet blong pasova, ol man we oli stap agensem mi, bae oli putum mi, mi pikinini blong man, bae oli nilim mi long kros.'' ³ Nao ol jif pris mo elda oli kam tugeta blong gat wan miting long aos blong ol hae pris, we nem blong hem Kaeafas. ⁴ Oli kam togeta long sikret mo oli mekem wan plan blong arrestem Jisas mo kilem hem. ⁵ From oli stap talem, ''bae yumi no save holem hem long taem blong bigfala lafet blong pasova, from ino gud bae yumi statem wan bigfala faet. ⁶ Nao Jisas iko long Bethany long haos blong Saemon, man we i gat rabis sik long skin, ⁷ taem hemi stap kakai long tebol, wan woman ikam long hem we i karem wan botel blong alabasta, long botel ya i gat wan senta we praes blong hem i sas tumas, hemi kafsaedem long hed blong Jisas. ⁸ Taem ol disaepol oli luk, oli kros nao oli talem se, ''From wanem woman ya i westem senta ya olsem? ⁹ Hemi sud salem mo karem mani mo kivim long ol pua man.'' ¹⁰ Be Jisas hemi save tingting blong olgeta nao hemi se, ''From wanem yufala i spolem woman ya? Hemi mekem wan gudfala samting long mi ya. ¹¹ Bae evri taem yufala i stap wetem ol pua man, be bambae mi no save stap oltaem wetem yufala. ¹² Taem hemi kafsaedem senta ya long bodi blong mi, hemi mekem redi blong oli berem mi. ¹³ Tru mi talem long yufala, taem gud nius ya oli prijim long ful wol, bae oli tingbaot woman ya bakegen. ¹⁴ Nao wan long ol twelve disaepol we nem blong hem Judas Iskariot hemi ko long ol jif pris. ¹⁵ Nao hemi talem se, ''Wanem samting bae yufala kivim long mi sapos mi putum Jisas long han blong yufala?'' Nao oli kivim toti pis blong silva long hem. ¹⁶ Long taem ya hemi stap faenem rod nao blong putum Jisas long han blong olgeta. ¹⁷ Nao long fes dei blong kakai bred we ino gat is, ol disaepol oli kam long Jisas nao oli talem se, ''Wea ples nao yu wantem mifala i preperem ples blong kakai pasova long hem?'' ¹⁸ Jisas i talem se, ''Yufala iko long taon ya bae yufala i luk wan man, bae yufala talem long hem se, ''Tija i talem se, taem blong i stap kam klosap nao bae mi kaikai pasova long haos blong yu.'' ¹⁹ Ol disaepol oli mekem wanem we Jisas i talem long olgeta, nao oli preperem kakai blong pasova. ²⁰ Taem naet i kam, hemi sidaon wetem ol disaepol blong hem. ²¹ Taem oli stap kakai, hemi talem se, ''Tru mi talem long yufala se wan bae letem mi i ko long han blong ol enemi.'' ²² Ol man blong hem oli sore tumas, nao wan wan long olgeta oli stap askem hem, ''Masta? Hu ia? Mi?'' ²³ Hemi ansa i se, ''Man we mi tufala i pusum han tugeta long wan dish, hemia nao bae i letem mi long han blong ol enemi. ²⁴ Bae pikinini blong man bae iko, olsem we oli laetem. Be sori tumas blong man ya we i letem mi long han blong ol enemi! I moa gud man ya ino bon nomo.'' ²⁵ Nao Judas, man we i letem Jisas long han blong emeni i askem se, "Tija huia, mi?'' Jisas i talem long hem se, "Yu nomo yu talem olsem." ²⁶ Taem oli stap kakai, Jisas i karem bred, i blesem nao hemi brokem, nao i kivim long ol disaepol mo i talem se, ''Tekem, mo kakai hemia bodi blong mi.'' ²⁷ Hemi tekem wan cup mo hemi talem tankyu, nao i kivim long olgeta mo i talem se, ''Yufala evri wan i drink long cup ya ²⁸ from hemia blad blong mi, we i blong promes from bae i ron aot blong tekem aot sin blong fulap man. ²⁹ Be mi talem long yufala, bae mi nomo drink waen ya bakegen kasem dei we bae mi drink long new fala ples wetem yufala long kingdom blong papa blong mi.'' ³⁰ Oli singsing long wan hymn, nao oli aot oli ko antap long wan hil nem blong hem, hil blong tri ya olives. ³¹ Nao Jisas i talem long olgeta, ''Bae yufala evri wan long naet ya, bae bilif blong yufala bae i foldaon, from mi. From oli talem long baebol se, ''Bae mi kilim man blong sipsip nao bae ol sipsip oli ko wanwan.'' ³² Afta we mi laef bakegen long ded, bambae mi ko fastaem long Kalili.'' ³³ Be Pita i talem long hem se, ''Sapos evri wan bilif blong olgeta i foldaon from yu, bae mi no save foldaon.'' ³⁴ Jisas i talem long hem, ''Tru mi talem long yu, long naet ya bifo man faol i singaot bae yu talem se, yu no save mi tri taem.'' ³⁵ Pita i talem long hem, ''Nating sapos mi ded wetem yu, bae mi no save, mi no save talem se mi no save yu.'' Evri narafala disaepol oli talem semak toktok. ³⁶ Nao Jisas i ko wetem olgeta long karen ya Gretsemeni nao i talem long ol disaepol long hem, ''Yufala i sidaon long ples ya, bae mi ko long we bambai mi prea.'' ³⁷ Hemi tekem Pita mo tu narafala boe blong Sebedi, nao hemi sori mo i harem nogud. ³⁸ Nao hemi talem long olgeta se,'' Tingting blong mi i hevi tumas, klosap mi ded from. Yufala i wet ya mo yufala i stap wokap wetem mi.'' ³⁹ Hemi ko long we smol, hemi nil daon long fes blong hem, nao hemi prea. Hemi se, ''Papa, sipos yu save mekem i easy, plis yu tekem aot cup ya long mi. Be yu no mekem olsem we mi wantem, be yu nomo yu wantem.'' ⁴⁰ Hemi kam long ol disaepol hemi luk olgeta oli sta slip nao i talem long Pita, ''Olsem wanem? yufala i no save wekap wetem mi long wan haua? ⁴¹ Yufala i mas lukaot gud mo yufala mas prea, from bae wan samting bae i no traem yufala blong yufala i foldaon. From tingting blong yufala i strong be bodi blong yufala i slak.'' ⁴² Hemi ko bak sekon taem blong bae hemi prea, hemi talem se, ''Papa sapos mi mas harem nogud kasem end, plis yu mekem olsem we yu wantem.'' ⁴³ Hemi kambak i luk olgeta oli stap slip, we ae blong olgeta i hevi tumas. ⁴⁴ Nao hemi leko olgeta bakegen, nao i ko long we bakegen nao hemi prea namba tri taem, i talem sem toktok. ⁴⁵ Nao Jisas i kam long ol disaepol nao i talem long olgeta se, ''Yufala stap slip yet, yufala stap spel? Yufala i luk, taem i kam finis blong man ya i letem mi, mi pikinini blong man, mi ko long han blong ol enemi. ⁴⁶ Yufala i stanap, yumi ko, yufala i luk man we hemi glad blong letem mi long han blong ol enemi, hemi kam klosap nao.'' ⁴⁷ Taem Jisas i stap toktok yet, Judas, wan long ol twelve i kam. Wetem wan bigfala group blong ol jif pris mo ol elda blong ol man ya, oli kam wetem ol knife mo ol nalnal blong olgeta. ⁴⁸ Nao man we bae i putum Jisas long han blong ol enemi i mekam wan sign long olgeta i talem se, ''Man we mi kisim, hemia nao yufala i mas holem hem.'' ⁴⁹ Nao wantaem nomo hemi hariap i kam long Jisas i talem se, ''Halo Tija!'' nao hemi kisim hem. ⁵⁰ Nao Jisas i talem long hem, ''Fren, yu kohed blong samting we yu kam from.'' Nao oli kam holem taet Jisas. ⁵¹ Be, wan long olgeta we oli stap bihaen long Jisas i pulum aot naef i katem aot sora blong wan wokman blong ol jif pris. ⁵² Nao Jisas i talem long hem se, ''Yu putum bak naef ya i ko bak long ples blong hem, man we i faet long naef blong faet, bae i ded long naef blong faet. ⁵³ Yufala i ting se bae mi no save singaot long Papa blong mi blong sendem mao long twelve bigfala grup blong enjel blong givhan long mi? ⁵⁴ Be sipos mi mekem olsem, ol tok long baebol we i talem ol samting bae i kam tru, bae i kam tru olsem wanem?'' ⁵⁵ Long taem ya, Jisas i stap talem long evri man se, ''Yufala i ting se yufala i kam wetem naef mo nalnal blong holem mi olsem wan man blong stil? Evri dei mi sidaon long ol tempol mi stap tij, from wanem yufala i no wantem arrestem mi. ⁵⁶ Evri samting i kam tru from ol toktok blong profet oli talemaot bifo.'' Nao ol disaepol ol ronwe wanwan. ⁵⁷ Olgeta we oli holem Jisas oli tekem hem i ko long Kaefas hae pris, long ples ya ol tija blong loa mo ol elda oli stap tugeta finis. ⁵⁸ Be Pita hemi folem Jisas be i no ko klosap long hem, kasem yad we bigfala haos blong hae pris i stap long hem, hemi ko sidaon wetem ol man blong hae pris, blong luk se bae oli mekem wanem long Jisas. ⁵⁹ Nao ol jif pris mo ol memba blong kansel oli stap lukaot sam kiaman stori blong ko agensem Jisas, blong oli save kilim hemi ded. ⁶⁰ Be oli no faenem wan nating, i gat fulap kiaman witnis i kam be nogat nomo. Be afta long hemi i gat tu witnis i kam antap. ⁶¹ Nao tufala man ya i talem se, ''Man ya i talem se, bae hemi save spolem haos blong God ya mo long namba tri dei bae i save buildimap bakegen.'' ⁶² Nao hae pris i kirap i talem se long olgeta se, ''yu no gat wan ansa? olsem wanem long ol poen we oli stap talem agensem yu? ⁶³ Jisas hemi stap kwaet nomo, nao hae pris i talem long hem, ''Hae God i laef i stap we i stap, talem long mifala se yu mesaea, yu pikinini blong God?'' ⁶⁴ Jisas i ansa long hem se, ''Yu nao yu talem olsem, be mi talem long yu, se i stat naoia i ko bae yufala i luk pikinini blong man i sidaon long raet han blong God we i gat olgeta pawa, mo bae mi sidaon long claod bae mi aot long heaven mi kam daon.'' ⁶⁵ Nao hae pris ya i terem klos blong hem i talem se, ''Hemi tok nogud ya! From wanem yumi nidim witness? Yufala i luk naoia yufala i harem we oli tok nogud long nem blong God. ⁶⁶ Wanem tingting blong yufala?'' Oli talem se, ''Hemi mas ded.'' ⁶⁷ Nao oli spet long fes blong hem, oli faetem hem long fes blong hem mo sam oli slavem hem, ⁶⁸ mo oli talem se, ''Sapos yu Kraes, yu talem long mifala se, hu i kilim yu?'' ⁶⁹ Nao Pita i sidaon aotsaed long yad blong kot haos, i gat wan haos girl i kam long hem i talem se, ''Yu wan we yu stap folem Jisas ya blong Galili.'' ⁷⁰ Be long fes blong olgeta, Pita i talem se, ''Mi no save wanem we yu stap talem.'' ⁷¹ Taem Pita i aot long get, long narafala yad, mo i gat wan narafala haos girl i luk hem mo gel ya i talem long ol man we oli stap stanap long ples ya se, ''Mi luk man ya i stap bihaen long Jisas man Nazareth.'' ⁷² Be Pita i talem wan strong toktok, i talem se, ''Mi no save man Nazareth ya!'' ⁷³ Nao i no long taem, ol man we oli stap stanap long ples ya oli kam long Pita oli talem se, ''Yu yu wan long olgeta, from fasin blong toktok blong yu i soemaot se yu wan long olgeta.'' ⁷⁴ Be Pita i tok strong i talem se, ''Mi no save man ya. Sipos mi kiaman, God bambae panisim mi from.'' Nao stret long taem ya faol i singaot. ⁷⁵ Nao Pita i tingbaot tok ya we Jisas i talem long hem se, ''Bifo taem faol i no singaot yet, bae yu talem tri taem se yu no save mi.'' Nao hemi go aotsaed mo hemi krae strong.''