¹ Siks dei bifo long pasofa, Jisas ikam long Betani, ples we Lasaros istap long hem, man we Jisas i bin mekem hem i laef bakegen long ded. ² Long ples ya, olgeta oli mekem wan kakai blong hem. Mo Mata i stap serem kakai. Be Lasaros i wan long olgeta we i stap sitdaon blong kakai wetem Jisas. ³ Nao Meri i karem haf kilo blong wan senta nad we i sas tumas, mo i kapsaedem long leg blong Jisas. Afta, i waepem leg blong Jisas wetem hea blong hem.Mo haos blong olgeta i smel bigwan long senta ya nomo. ⁴ Judas Iskariot,wan long ol disaepol blong Jisas,we hemi wantem salemaot Jisas,i talem se, ⁵ ''From wanem hem i no salem senta ya blong tri-handred denari,blong i save givim mani ya long ol puaman?'' ⁶ Hem i talem olsem,i no from we i kea long ol puaman ,be from hem i wan stilman.Hemia nao i holem pes blong mani,mo i stap karem ol samting we i stap insaed. ⁷ Afta,Jisas i talem se, ''Yu no blokem woman ya.Hem i bin holem taet samting ya from dei blong ded blong mi. ⁸ From ol puaman oli stap wetem yufala oltaem.Be bae mi nomo stap oltaem wetem yufala.'' ⁹ Nao igat wan bigfala grup pipol blong Jiu oli save se Jisas i stap ya,mo olgeta oli kam,ino blong kam luk Jisas nomo,be blong kam luk Lasaros tu,we Jisas i bin mekem hem i laef bakegen long ded. ¹⁰ Be ol jif pris oli tokbaot se hao nao bae oli save kilimded Lasaros tu; ¹¹ From plante Jiu oli lego olgeta from Jisas,mo oli biliv long Jisas. ¹² Long neks dei fulap man we oli kam long lafet blong pasova.Taem oli harem se Jisas istap kam long Jerusalem, ¹³ oli karem ol lif blong pam tri mo oli go mitim hem.Mo oli krae se, ''Hosana!Presem King blong Israel we i stap kam tru long nem blong Masta.'' ¹⁴ Taem Jisas i faenem wan yangfala dongki,i jam long hem,olsem we skripja i talem se, ¹⁵ ''Gel blong Saeon,yu no fraet!Yu luk,king blong yu istap kam,hem i istdaon long wan yangfala dongki.'' ¹⁶ Ol disaepol blong hem oli no andastanem ol samting ya fastaem;be afta we Jisas i soemaot glori blong hem,oli tingbaot ol skripja we oli tokbaot hem,mo tu ol samting ya we olgeta oli bin mekem long hem. ¹⁷ Naoia ol man oli testifae se olgeta oli bin stap wetem Jisas taem we hemi bin singaotem Lasaros aot long gref mo i mekem hem i laef bakegen long ded. ¹⁸ Mekem se,ol man oli kam mitim hem from we oli harem se hem i bin mekem merikol ya. ¹⁹ Naoia ol farasi oli stap stori tugeta se, ''Yufala i luksave we yumi no win nating?Yu luk,ful wol i stap folem hem.'' ²⁰ Mo igat sam man Grik long olgeta we oli kam antap blong wosip long lafet. ²¹ Olgeta ya oli kam luk Filip blong Betsaeda,(wan taon long Galili),mo oli askem long hem se, ''Bigman,mifala i wantem luk Jisas.'' ²² Filip igo mo talem long Andru;Andru igo wetem Filip,mo tufala igo talem long Jisas. ²³ Jisas i ansarem olgeta se, ''Naoia i taem blong oli leftemap glori blong Pikinini blong Man. ²⁴ I tru we i tru,Mi talem long yufala.Spos wan sid blong wit ino foldaon long graon mo i ded,bae i stap hem wan nomo.Be spos i ded,bae i karem fulap frut. ²⁵ Man we i lavem laef blong hem,bae i lusum.Be man we i no lavem laef blong hem long wol ya,bae hem i kipim igo long laef we ino save finis. ²⁶ Spos eni man i wok blong mi,hem i mas folem mi.Mo weaples mi stap,wokman blong mi tu bae i stap long ples ya.Spos eni man i wok blong mi,Papa blong mi bae i leftemap hem. ²⁷ Naoia Soul blong mi i harem nogud.Be bae mi talem wanem? 'Papa,sevem mi from taem ya'?Be hemia stamba samting we mi bin kam long taem ya from. ²⁸ Papa,leftemap glori blong nem blong yu.''Nao wan vois i kamaot long Heven i talem se, ''Mi leftemap finis,mo bae mi leftemap bakegen.'' ²⁹ Nao ol man we oli stap stanap mo harem,oli talem se, ''Tanda ya,'' Sam narawan oli talem se, ''Wan enjel i toktok long hem.'' ³⁰ Jisas i ansa se, ''Vois ya ino kam from mi,be from yufala. ³¹ Naoia jajmen i kam long wol.Mo naoia bae God i sakemaot rula blong wol ya. ³² Taem we bae oli leftemap mi long wol ya,bae mi pulum olgeta man oli kam long mi.'' ³³ Hem i talem olsem blong soemaot fasin we bae hem i ded. ³⁴ Ol man oli ansarem hem se, ''Mifala i bin harem long loa se, '' Mesaea bae istap foreva.Olsem wanem nao yu talem se, 'Oli mas leftemap Pikinini blong Man'?Huia nao hemi Pikinini blong Man?'' ³⁵ Nao Jisas i talem long olgeta se, ''Smoltaem yet,laet i stap wetem yufala.Wokbaot naoia taem yufala i gat laet,blong tudak i no save kasem yufala.From man we i wokbaot long tudak ,ino save se hem i stap go weaples. ³⁶ Taem yufala igat laet,yufala i mas biliv long laet ya.Blong yufala i save kam pikinini blong laet. ''Jisas i talem ol samting ya finis,ale,hem i aot,mo i haed long olgeta. ³⁷ Nomata hemi mekem fulap merikol olsem long foret blong olgeta,be yet oli no bilivim hem. ³⁸ Blong mekem toktok blong profet Asaea i save kamtru se, ''Masta,huia i bilivim ripot blong mifala?Mo Hae God i singaot paoa blong hem long huia?'' ³⁹ Nao oli no save biliv from we Asaea i bin toktok bakegen se, ⁴⁰ ''Hem i blaenem ae blong olgeta mo i mekem oli gat hat we i strong tumas;blong oli no save luk wetem ae,mo andastanem wetem hat;blong oli no save kam long mi,blong mi no save hilim olgeta.'' ⁴¹ Asaea i talem ol samting ya mo i tokbaot Jisas,taem i bin luk glori blong hem. ⁴² Be yet,fulap rula oli biliv long hem,be oli no talemaot from maet ol farasi bae oli aotem olgeta long sinagog. ⁴³ From we oli lavem glori blong man imo long glori we ikam long God. ⁴⁴ Jisas i singaot se, ''Man we i biliv long mi,hem i no biliv long mi nomo,be hem i biliv long man ya we i sendem mi tu, ⁴⁵ mo long hem we i luk mi i luk Man ya we i sendem mi. ⁴⁶ Mi mi kam olsem laet blong wol ya,blong mekem se eni man we i biliv long mi bae i no stap long tudak. ⁴⁷ Spos eni man i harem vois blong mi beh i no kipim olgeta,bae mi no jajem hem;from mi mi no kam blong jajem wol,be blong kam sevem wol. ⁴⁸ Man we i ronemaot mi,mo i no wantem risivim tok blong mi,i gat wan we i stap jajem hem.Toktok we mi bin talem,bae i jajem hem long lasdei. ⁴⁹ From we mi no bin toktok mi wan nomo,be Papa God we i bin sendem mi ,hem i givim wan komanmen long mi,wanem blong talem mo wanem blong tokbaot. ⁵⁰ Mo mi save se komanmen blong hem i laef we i no save finis.Mekem se,mi talem wanem we Papa God i talem long mi.''