¹ Ihaboulaina helaga taudia daidiai, lau ese Galatia dubu dia na tore henidia hegeregerena umui danu unu ba kara toma. ² Pura dina ginigunana ai, ta ta ese ohaboumu gaudia haida na bahaboudia, bena lau baina vasi, neganai ihaboulaina gaukara na basio karaia. ³ Lau basina vasi neganai, umui ese padamui amo oabidia hidi taudia na mai revareva dia ida baina siaidia bena emui harihari gaudia na balaohai Ierusalema. ⁴ Bema una na maoro lau egu ai neganai ida danu lau ida baiala hebou. ⁵ Makedonia ai baina hanai murinai dekemui do baina vasi. Badina lau na Makedonia, amo baina hanai. ⁶ Readia umui idia danu baina noho, ina keru negana ai, bena umui ese do ba durugu egu laolao ai. ⁷ Egu ura na basina itamui ina egu raka hanai ai, a nama ura nega taina umui ida tama noho, bema Lohiabada ena ura hegeregerena. ⁸ A lau na Efeso ai baina noho ela bona Pentecose, ⁹ badina be iduara ta na eme hekeho lau egu bona inaigu danu hutuma. ¹⁰ Bema Timoteo, bainema neganai baitaia umui na basine gari henimui, badina be ia na Lohiabada ena gaukara e karaiamu, bona lau danu. ¹¹ Una dainai ta ese basine dadaraia. Ena dala amo ba durua maino ai, bena ina lau dekegu bainema, badina be lau ese ia bona mai bamona ida na naridiamu. ¹² Ita bamoda Apolo dainai na ura dikamu ia mai bamona ida na umui dekemui bae vasi. Badina una na dia ia ena ura ia baine mai haraga ia na bainema ena ura hegeregerenai. ¹³ Bagima, abidadama ai ba gini auka, eregabe taudia hegeregeredia ba goada. ¹⁴ Emui gaukara iboudia ai na lalokau ai ba kara. ¹⁵ A umui na mai dibamui, varavaragu e Sefani ena ruma taudia ida be Achaia ena roboa anidia bona sibodia helaga taudia isiaidia ilao henidiai na goadamuimu. ¹⁶ Umui na idia isiaidia ilao henidia ba tamona bae hekwarahi ina gaukara lalonai. ¹⁷ Lau na Sefani ena mai na moale laiamu, bona Fortunetus, bona Achaicus danu, badina idia ese emui duu gaudia iboudiai ehavara henimui. ¹⁸ Badina be idia ese lau laumagu eme akerua, bona umui danu una dainai taunimanima ini bamodia na bavabidia dae. ¹⁹ Asia ekalesia oreana na edia hahenamo e siaia emui. Aquila bona Priscilla danu edia hahenamo ehenimuimu Lohiabada lalonai, edia ekalesia oreana edia hanua. ²⁰ Tadikaka veridia ese edia hahenamo henimui. Haherahu amo ta ta bahanamolaidia. ²¹ Ina hahenamo na lau sibogu imagu amo na tore henimuimu-Paulo. ²² Bema taunimanima ta ese Lohiabada se lalokau heniamu, neganai, ia na bema gwau tubu henia eda Lohiabada na e maimu! ²³ Eda Lohiabada ena harihari bada ai baine mia. ²⁴ Egu lalokau na iboumui ai baine mia Iesu Keriso lalonai baine mia. Amen.