¹ Nou wa ina nou wa ata aroa imini goho Keriso ina nou wa ata naro aremahebidio ina niai-niai ramu nou wa horiomo'o aroa urio gorowa ina nou wa nou ata'na niai'niai ri . ² Au'o niaini ina tadodi'ai mo ge'i imini wa tahidi'o ge'i tada buaimo urio ito na'u aibo . ³ Nau'oha noiti via burudai'mo imini kododi'ai mo'a nou goro udo ge'i na'uha. Mea ha taira'romo ami'ina oubi rio mu nau aibori . ⁴ Niro'i via ami'ida niro i'i badi . ⁵ Iesu Keriso mu nou o'a imini nu umoa riomu badi . ⁶ Boti'ri kiraromo'i tutuiha Iehova mu ina owai biaha nou aibo Iehova mu ata ohidi'oi . ⁷ Nouro nou aieremahibai hiwa'a dubu aibo, via nou merei ha ito oroto . ⁸ Nou mea kiraromo'i nou ramu o'uro koihiai imini noito o'o koihiai'i satauro wa . ⁹ Nou'ro kema'i painai,au'o paina'ri nou ramu . ¹⁰ nou kododi ai nouri gamo'ori boti goro wa'i auoha,paina noudo Iesu imo popu naiba ketebeai. ¹¹ Via gamo'o imo moto tobe ne'i korobodo'i bati,Iesu Kereso kiau'ri Abea'ri kerede'a auoha kerede'a nou Iehova au'o Abea'ri . ¹² Gamo'o, mabu ,mo niai niai nau'aibori ro auoha ta'u tamo dodi'dio nou nou'biahai mo doihabuo ina mo biaha wa tawa'ati ro himia kirou'domea via tore kemahebidi'o umo'a . ¹³ Nou Iehova'ri rieti goro wa rowa'ati.Nou mea'i nou mabu wa . ¹⁴ Roro woko nu tadodi'ai korowa'obere tato via kerema'o tato , ¹⁵ ina ro ematio rahe via gamo'oiha, Iehova mere kekeri,imatio rahe,he'e via niro idodi'ai oubi'i nei goro udo, ne'i goro wa ro pida'i ai'rereme miro da'i hopu nu nou'a. ¹⁶ Tahidio ki'iro wade nu oboita Keriso hivio'i nou ito mo ainoro'bodoi dai via mo odau biahai teme-teme tore via iwa'a;auo biahai teme-teme wa . ¹⁷ Kemidio tau 'i nou'a ki'iro tau ema'ai,nou mea'i nou goro wa ,mo auo ge'iri roido . ¹⁸ Na'u kiraromo'i noua imeiti ge'i tarema'hebidio dai . ¹⁹ Mo karomo'i Iesu Keriso goro wa rio ido Timoti nimeti'odoi, nou aibo mo umo aino wai dai dumo ro kidodiai nana'i . ²⁰ Mo mu nau aibo mere biahai,boti'ri ro imini ramu ri . ²¹ Nei'o nehi mia niro nou kiwa'atiro ri Iesu Keriso niro'i nou biahai . ²² Ro umori nou kimatidi'ai nana'i,Mere mu Abea, nou mu nowa'ati udo paimea goro wa . ²³ Nou mabu'i nou otiodoi ri hagohago ha moro e'auri wa nana taiba roro wa ati da'i dumo . ²⁴ Ina mo modobori urio Abea goro wa via mohimia ro aino'u dairo rio iviai . ²⁵ Ina moro kararomo'i nou meaha ri Epaphroditus otiodoi araiwairio ido . ²⁶ Nou naihaiha temeteme ri ,ina nou nirori rio iviai ,mabu rio'o aiemere wau mo nou kaupi wade'i . ²⁷ Mabu'i naihaihari nou kaupiri tariwai bata oihiai .Na'u aibo Aba Iehova niainiai ri noumu, ina nohimiaha biahai mo badi, nau aibo momu airoa niainiai via niainiai . ²⁸ Nou naihaiha pupuori moro nou notiodoi, roro ovea wa ro ge'i airododiaida'i ,via momu ko'a niainiai'i airoruodai . ²⁹ Tama uomo Epaphroditus rioido Urio Abea goro wa ge'i ramu .Naiba oubi'i taimododio mo . ³⁰ Nou Iesu Keriso kowa'ati'i mabu iha'i kohiai tau emari'iairo .Nou ki'iro'i mibo goro wa tau owu'uro ro via mo mea iwai via idodiai nanai mo mea'i nouri .