1 Paulo via Timoti Iesu Keriso hiva'a dubu ne'ewari ,Iesu Keriso mabu kitateai oubi'i Pilipo o'opoi nouwa, oubi dabi oubi via diakonoi'o. 2 Mea moari rioido via amea imo Abea Iehova via mere Iesu au'e. 3 Moro mo Ieoha'i auwoiha kemabiti'ri rio moro iraromotiwa , 4 auwoha ta'u ,mo kiroudome ito rio ri,kiroudomea ainododiai ge'ito, 5 Mabu romu vihia dubu nave'i noudo kowahoro udo oboita doihabu'o. 6 Mo noi modobori nana'nu nei hapuoito,nauaibo kowa'ati mea nu nouro gorowa botiro owaholo nou airowa'ati da'i kowa'ati nu opoioi Iesu Keriso karaiwai hivio'i nou ito. 7 Nou aibo moido nou gamo'ori moro rio hapuoito naiba kelemahebidio'i mabu rio nou mo giopu goro nu nou wari. Rio auoha nou mo vihia mereri mea moari wa via mo dibura wa,mo koto wa via paimea naiha'naiha kowai'i nouwa . v 8 Naihai'hari Iehova nou mo idomai mereri,momu ko'a pupuo'i via kemararomo via naihanaiha airoiti dai Iesu Keriso goro wa. 9 Nou mo kiroudomea ri,nou aibo ro niro'i odabu'ai hirio via hirio oiti imini wa via auoha umo'i nou wa. 10 Nou aibo roro airoibumai da'i tounai naihaiha'i via mea ;tou nai naihaiha ,keretato emidio'i oboita Keriso hivio oveai. 11 Ara'huai gamo'oiha nua iopui nu noito Iesu Keriso toto nou rorowa'dodaimo kerememiri via kemabiti Aba'e. 12 Doiha habuo mo nirori rio umo oiti, vihia dubu nana'i nei'o orododiai umo moido, nei'o naihaiha no wabai umo hohoito paimea ede'ai. 13 Nou mabu'i mo ivi'i Keriso mu aio'uro pidaito auoha paipai dabi kiwai bati'i via bati o'oruo ami'ida ito. 14 Auoha vihia dubu nei pupuo i'i auwo ramuri Keriso goro wa mo ivi i'i nou mabu wa, via nemu airoa tore kotateai pupuo'i via wade karo pupuo'i. 15 Aruina wade oubio Keriso paeaha aiowahuo umo ge'i tato goro udo niro tato goro udo via mea niro nou goro udo. 16 Niro goro udo pae ito kododiai titi udu i'i, mo umori mo paimea kowatue dubu ri. 17 Opu ito hiwa'a oubi'i neio Keriso aiowa hu oumo hoho ito momu temeteme mo nou mo ivi i'i nou wari. 18 Tou nari ina? nohimiahai auoha nave'i nouwa -riohimia ido'i imini goho ro niro'ra kiromohuo imini'i o'o naihaiha'i-Keriso kowahuo i'i paeaha via nou mabu iha'i moro ainemabiti dai . I'o moro ainemabiti dai. 9 Ina mo umori mo ainowa umiaro uba'i noudo mea ito ro kemabiti'i noito via Iesu Keriso ro kema'ai urio'i nou kowabai'i nou ramu. 20 Nou mo auoha ta'uta'u koro'idio'i nouri via mo imini wa ko'a niro'ri mo ata nave'ito hipo oitirahe,na'una moro ainopoi'o dai paeaha,dohabuo via auoha ta'u, ki'iroito o'o oihiaiwa. 21 Moido ki'iro nou Kerisori ina kohiai ro godo'i airaraho'o da'i. 22 Mo ki'iroito kemidio'i nou wa, kowa'ati nu nou wa kiwohau iopu i'i. Boti owaho'i'odidioi ? Mo umo biahai. 23 Nou aibo mo ni'imo ito ne'ewatoi o'o komo taumai i'i .Mo niro'i mo o'uiri keriso ido, tou wa'i nou auo wa ko'a na'i nouri, 24 doihabuo eremeheai haropa ito naihaihari ro mabu'i nou wa . 25 Doiha buo koa umo wade'i nou wa,mo umori na'uaibo mo taiba nere meheai da'i via rio mu kowa'ati taiba nowa'ati dai hoho ito o'ui ge'i naiha-naiha owai , 26 mo goro wa ro airodabu dai via ro orovi'oi Iesu Keriso goro wa mo roido nouno'uro ta'u'i nouwa . 27 Nou kemidio mauri'i rio'mu,na kododiai nave'i via niro kema'ai kara mea'i Keriso paimea'i nou wa, koboro'o via komo waho'io .Mo niro'ri o'ui rio iviai o'o mo emidi'oira, moro emere vidi'oi rio ido, nou aibo rio urio nau wa airotoi dumo via imini nou ito auoha ko'u paimea naiha-naihamabu wa . 28 Atana tore umoa o'oatana ito ro heavo kema'ai oubi'i imododiai .Nou ne'i koburuti nave'i nouri,via nou Iehova au'eri . 29 Koko tato tau ema'ai riodo Keriso mabu'i nei'ri via nou gorowa naihai'ha kowai 'i nohimi'aha biahai nau aibo nana imato'ai nou mabu'i nou wa , 30 au'ohaito eremahe bidi'oi uba corowa'ubere .