v 1 Paulo renu Timoty, Iesu Keriso besube koitatuheya, Rohi Bauge koitatuheya yai bouge, Pilipi ogova seni,yai biaguhe renu Diakono ve ruga. v 2 Mage renu mai yai ada ni Rohi Bauge renu Ni Rohite Iesu Keriso oti yai. v 3 Di Rohi Baugeve daki mage gahima, da vani aubouge a anavare uhurahe, v 4 Yai bouge yai dainehe daki ya anageima, hegiri ruta v 5 yai vasi mageve hari mage uhura vani urugoi ei ate negu. v 6 Di uhurera magera me o dainehe, unuhuna me mage o kinu ai uhurehe , me vara ti riga goigovara ate Iesu Keriso vanive orogarei. v 7 Ora dodihegera di uhu ananave yai bouge yai badivara yaka yai bouge di soruke hegera. Yai bougera di sokuhe yabara mage uhura, di vadibu iaga uvehe renu hari mage riaga gahigava. v 8 Rohi Baugeraki da riaga gahanu, da yai bouge yai gahara vare Iesu Keriso vagahuve uhurahe. ⁹ Eige, ora di imimi vera: Yai mageve mati uhuvaka varamu rahogoisa ¹⁰ eige iama dibana otadona magenu, ge iama maguri mage mati ia negu bebe sine kima ti ni Keriso vani vehe, ¹¹ iama yai uhure toboke gahigeisa idi tahaka mage nagate, au ororo vera Iesu Keriso mageve mati au mage gahiga ge orogima. ¹² Di ogonanuhea, di gahara vera iaka dibana goisa, otado na di gasina varai vanu ra hari mage dainehe. ¹³ Eige, di seini Keriso uhurahe ra abaga mage morogonu palasi gadi mati koita bouge iau gasina. ¹⁴ Di ogonanuhea dadaga ra au gabidadama ni Rohite maemanu di seini dainehe, eige auka sigo veite Hari Mage rorova. ¹⁵ Eduge koita be iabera uhu daure mati ho ruta Keriso gare roma, a koita be iabera Hari Mage uhu mage ruta roma. ¹⁶ Di bamode be iabera iau soruke ruta Hari Mage roma, iauka dibanara daka Hari Mage o dainehe vadibu yagahu uma. ¹⁷ Eduge koita be iabera Keriso Hari Mage ve uhu daure ruta roma. Iau anana da o seini va ge iauka di uhure daure gahiga vara. ¹⁸ Bina otado? Guma bouge ge - au uhuanana avanage se uhuanana riaga goiare - Keriso Hari Mage roro va, daka hegiri vivi vara. Riaga daka hegiri vivi vara, ¹⁹ badivara daka dibanara guma oi ge dana mage misa iai imimi ve Rohi Bauge gasina mati Iesu Keriso Horu Aena uhudauve uhurahe. ²⁰ Da gahara ia ganiva vara, daka beta variva vara eduge di hero ve ruta negu oti behibehi, Keriso ra di ahatane uhurahe auna usa, maguri va se hoge va. ²¹ Da maguri vara Keriso a di hoge vera iaga magevara. ²² Eduge da di ahatana va maguri viare, era vata ada o huhuvara. Da ore misa? Daka dibana veitera. ²³ Badivara daka Keriso meve mati vata ada o me vagahe ge daki uhuanana vima. Da gahara viare ra daka vaina Keriso ruta goisa, ²⁴ eduge vata ada maguri vara ai dainehe. ²⁵ O dainehe, daka u mati me kiki vara iau bouge ruta, iai gabidadama ve mati uhuanana mageve dainehe, ²⁶ edainanehe iai da eragare negahe iama hegiri visa Keriso Iesu uhurahe. ²⁷ Iama Keriso Hari Mage ve uhurahe usa, ge da ia ruta se iai gasina veite, daka dibanara iaka hero kima sua kobabe, uhuanana kobabe gabidadama vima Hari Mage dainehe. ²⁸ Iai negu matau e dainehe ia inara gahigevare koitavaia sigageima. Ora au daure mimi nega vara, a iaka mage mimi vara - Rohi Bauge gasina. ²⁹ Mage ora Keriso dainehe ge iauki ia mohigevenu, beta iai gabidadama ve au gasina guge eduge au meve uhurahe huhu tage mimi vara, ³⁰ huhu e ia dai eraganu, negu tage iaukamu ihima.