¹ Eita huravu,ungo hajavaja embo,osaga memisi ungo hena puvuha. ² Ungota donda te hajavaja te amo sari aisuja,no iri bohu amo amo handoro na tivasuja. ³ No karu ohoma te moni te amo sisivasora.Sisivasuja amina no hamo amo re evekasuja.No hajawaja amo re iji tutumo awo embo iketo miha. ⁴ Kivu,pure ari embo meni si erera amo ere ingihevete-enena pure uera amina jawotari mine,amo ungona jigito iketo miheva.Enena ta si amo BADA ta ojeta pambija. ⁵ Et umo donda ta hamo ta arumbeto miha,osa osa te miha.Umo no jo amo sapura avo aisi. ⁶ Embo jawotoho aravo sokova ije tehe ere pepehikihera.Ujae mane aguja. ⁷ jamo evujo,namei kamei,mihirovo awo BADA puroi.Kivu,embo donda ve ere uriha amo simba ere ua,donda avo hetari ta hetau awo usasi.Amo re jamo eto simba ere ua,ga kihi veaguja eto ambo beta. ⁸ Umo ga tapa,jamo eto ira.Jo ejo gaiha ai,BADA ta purari mahu ombekehija. ⁹ Mane ke nei te nei te ungo oenga aisova,nau namei kamei,ainge aisova kito ungo pehumba mane humbasova.Embo sirikari embo re pe ta heteto miha. ¹⁰ Ahikira humbuvujo,namei kamei,BADA ta pure ari embo na hotohu eto osaga memesi iketo kiae BADA ta ke ijihara. ¹¹ Kivu,embo ainge earoa amo jawotoho ari umbagora.Umo ingaroa embo pure ainge eto eaguja amita mine amo miha.BADA do itere umo kogoa,amita tunga umbari do itere amo ere kogoa. ¹² Amita i beta,nau namei kamei,ke sapura mane aisova,enda ta o uhu ta,o embere neni ta.Ainge ari haite,amo teho "awora" amo "awora" eto "mane" amo ",mane",aisoa kito awo umo ke kasari ta mane hetasoa. ¹³ Ungo ta jo ta embo amina irari gaiha ere oi?ejo pare ai.Embo amina osa ere oi?ejo haveni na BADA jakeka ai. ¹⁴ Ungo ta jo ta amina ambure ere oi?evujo tihi jigirikari kioi,au enena na awo pare are.BADA ta jawo ta jawotoho ari ikare. ¹⁵ Pare humotari na aisora amina ambure embo amo jawotoho aisuja,au BADA na embo amo jigou erasuja.Sapura ari kito amo tohota sapura hotembeto toasuja. ¹⁶ Avo eto sasapura mine ara hariketo,pare mine ara evujo,eto avo jawotoho ae.Pare embo jawotoho amita amo sau pure aisuja. ¹⁷ Elijah amo embo ungotena ainge ra.Pare gaiha na enu awo enda ta ga veae ena,jua heriso nei wahai eto hariga heriso nei wahai eto heriso nei wahai. ¹⁸ Enu awo ehako pare ena.Enu uhu hirikenu ga ehako vena.Enda ta isibasi indari umbari ehako erena. ¹⁹ Nau namei kamei,ungota jota amina ke be awo kiae ereuru,embo wahi na umbuto ehako egerembeto puvuha, ²⁰ embo amo eingeto keisuja,embo amina mana mana ta mihuru au jo haperekiha.Embo amo pehari haite awo kojiha.