¹ Boru ke eto kahekari amo dai eto puvuhoi?Amo no ujeje rete,amina eroi isoro kasoro mo erove te? ² Umo uje aroa te mane humbaroa.Embo toruhe pepehekihera avo eto hambakona ereoa.Isoro te boru ke te ereoa,hambakona ereoa wahi umo eto eto ingari mane aroa. ³ Eto ingari aroa te mane humbaroa,amita be amo umo mane eto ingari sapura aroa.No uje ta jigama aisi re oa. ⁴ Umo namei ta ae tiha ereoa ,tihaha ari embo!enda ta donda tunga ere humbuha amo BADA umo uje au!amina enda tunga humbuha amo BADA ta isoro embo ra. ⁵ Umo ke amo teho eria ainge hotembihe,AHIHI ungotena ga iroja ikari amo ujae be ereua. ⁶ MAMA ungotena ari embo amita tunga humbari amo peni wahi bera.Sarika embo amo toarua te jawotoho ari tohota amo embo jamo eto hotohu aguja amita ikaguja. ⁷ Awo eto MAMA hena haejo.Te ahihi sapura ohimbejo umo toto pambai. ⁸ MAMA ga opamb ujo awo MAMA umo ga opambu ai.Ingeni egejo umo sapura embo,eto no jo hirikejo,Hotembari wahi ue. ⁹ Sorara ejo,no ganini awo ejo osaga ai,eto osa ari awo ejo jamo ai. ¹⁰ No BADA awo hotohu ejo,uro awo umo re jigou vihoe. ¹¹ Ke au mine mane aisoa,namei kamei.Amina namei ta dei ke eria eto namei pehumba ere ua amo ke awotari awo pehumba ere ua. ¹² BABA UESU wahai amina ungotena sirikasuja eto amina jawotoho re eto sapura re amo amina aisuja,amo tohota awotari ke ra.Amina wahai nei humbuhe nei toruhe amo aisuja.Te umo amina re,umo amina no namei mo pehumba mo ere oe. ¹³ Eharo ingivujo,umo amina einge ere,"eharo o evito amo dago degi neita pambuto moni okosko hambasora eto aisora." ¹⁴ Umo evito do ijekasuja amo umo kiaera.No irari amo dei re?No irari amo jo ainge ra,eharo miha te evito umo re mane iresoa. ¹⁵ Te,umo re einge aheya,"BADA na awora aisuja kito awo ungotena mihe do ere ra amo aisora. ¹⁶ Te eharo umo ke kahia,no hotembari sapura awo ere kahia.Hotembari ere oa amo sapura awo ere oa. ¹⁷ Awo eto umo amina jawotoho ere kogoa te jawotoho awo ae ere oa,amo no sapura ra.