¹ Nau namei kamei,BADA IESU tunga humbuhe kito namei nei amo tunga umbujo. ² No horukari ta embo hajavaja te amo puvuhuru embo be ambu amiga puvurou ³ Umo embo hajavaja te ami dei,"umo ita arumbe," eto embo be ambu amita dei,"umo aita hete o hu aita arumbe," ⁴ umo kahekari umbuto puvuhe?Siro hotembari amo ahihi sapùra ta ra. ⁵ Ingivujo nau tunga umbari namei kamei,MAMA GOD na embo beambu enda ta amo humotari na hotari uhu ta humbaja ena.Amina awo tunga umbuhora amita ikasi mahu ena. ⁶ Te umo embo be ambu awo hotohu ae!Embo re hajavaja te donda te amina umore sapura eaguja. ⁷ Amina no javo jawotoho amo re hatikaguja. ⁸ Eto evnanelia otohu ta einge arira.No namei tunga humbujo,umo oenga tunga humbuha aingeto. ⁹ Te umo embo umo kogoha avo pere tunga humbuha,amo sapura ereoa,eto umo amo ke avotari amina eria amo sapura ereoa. ¹⁰ Amina ke hotohu o agetari awo tapa ambo ue,ehako embere nei ta isapa be avo ae ua amo agetari tapa aravo poekiha. ¹¹ Embo wahai amina,"mane embo nei ta ae herasoa,"amina ehako einge ena,"mane embo nei tao pehasuja.Te,umo namei ta ae herae tiha ae rate embo nei tehe ere pehiha amo ke agetari aravo poekiha. ¹² Avo eto ke kaheto eto ahekira ejo avo enana ke kasira jawotoho ta horasora amiga. ¹³ Eto ke kasari amo mane jojogate te puvuraguja,jojoga irae embo ta dei puvuraguja. ¹⁴ jawotoho mo dei re?Nau namei kamei,amina na humotari miha aisuja te ahikira irae.Embo amo kojari embo manera. ¹⁵ Eto namei o du ombari sapura eto indari iji amite ujeje aisuja. ¹⁶ Eto umo amina tohota dei aisoa,"peka ta pambujo,vevereta irijo eto ure pe vihoi."Eto hamota ujeje amo ikae ereoa,jawotoho mo dei re? ¹⁷ Embere ainge humota ari amo pehari ra. ¹⁸ Eto embo wahai na aisuja,"umo humotari miha eto na amo pure avo miha."No humotari wasiri ambu avo e kione,ao avo na nau humotari ahivo ga avo ano kioe. ¹⁹ Umo BADA wahai aenge humota ereoa amo jawotoho ereoa,amo ahihi sapura amiga tapa amo humota eaguja eto oju eaguja. ²⁰ Eto umo be keisi uje oete,embo siro ambu,humotari ahikira ambu sokova ra. ²¹ Eto ABRAHAM ungotenau mama jawote,amo tohota ahikira te humotari amite na tohota meni Isaac avo gaga ta iketo ahihi peniha ena. ²² Kogove tohota humota ari na ahivo amo ena,enu tohota humotari amo pajimahija. ²³ Eto ke hotohu enu be uija eto einge arira,"ABRAHAM mama be humota ena,enu awo amo jawotoho kiari ra,"eto amo MAMA ta namei kiari ra.Umo kogoe,amo ahivo na eto jawo pajire amo umbuna,humotari wahi manera. ²⁵ Ainge dombo amo RAHAB tiha paiha ari evuhu amo ahivo na eto BADA ta pure embo meni kane to umbuto ehako embere nei ta ikenu pambuhara. ²⁶ Eto hamo ahihi ambu pehari ra,ainge dombo,humotari wasiri ambu amo pehari ra.