¹ Na James,GOD te BADA IESU KERISO te,ta pure embo na ungo embo namei kamei twelve ainge awo ere pekihena. ² Sapura ainge amo osate humbuvujo ,nau namei kamei. ³ Memesi ainge keisova amina umo sovera ikasuja,eto umo hamo gaiha aisuja. ⁴ Memesi ainge humbasoa amina no hamo gaiha aisuja,eto do tapa amo ejeha aisuja. ⁵ Umo amina kiari uje ue kito,ejo embo amina hande jenambu aguja eto ke sapura mane aguja amina GOD ta degi eto ingoi.Amo jeneambu ikasuja. ⁶ Te jo na eto ingesuja,hotembari wahi ue.Amina hotembari aema ereua amo sigina pisara na umbuto vihito veto,puvuto pambuto aguja ainge ra. ⁷ Embo amo GOD ta degi ta nei do mane humbasuja. ⁸ Embo ainge amo hotembari heriso te eto ari haite mane ra. ⁹ Tojo namei nei do irae amina tohota javo jiguru vihoi,tohota pe ta kera. ¹⁰ Te embo donda te jawo te amo donda irae jawo ambu ainge awo ai.Amo ji vuji na oeketo veto sevaheta sari eaguja ainge aisuja. ¹¹ Iji amo veverete vihaguja eto ji iki amo evekaguja.Ehei tohota vuji amo oeketo veaguja,ehei tohota sagokiari amo irae eaguja.Embere wahi ainge awo embo hajavaja te,donda te amo re ainge tututu ta aisuja. ¹² Jawotoho ari amo embo osaga memesi kiaguja amita ra.Tapa ere serikiha kito amo daroho irari ta uha kope avo umbasuja,mahu MAMA IESU na embo avo ere tunga humbuha amita ikasi arira. ¹³ Embo nei na jo indou te,o sapura avo ari haite eto kito ue GOD pehumba aojo.GOD amo embo sapura mane ara aguja eto ahihi sapura amo GOD ae sapura aera. ¹⁴ Te embo wahihi amo tohota ujeje amina ehei eaguja. ¹⁵ Ujeje avo ere umbuha amore sapura re mahu ere ua eto sapura avo pajire ere ua amo pehari avo ere hambuha. ¹⁶ Sapura na tau veavojo nau namei kamei. ¹⁷ Donda jawotoho,ari jawotoho amo uhu ta hande BADA hena eto veaguja.MAMA usasa ta avo hena eto puvuraguja,tohota tunga umbari amo aingeto iraguja. ¹⁸ Mama GOD ta ke na au ungotena amo ehako eha aisora.Au avo ungotena amo donda tapa ena amita be kihi ara ena. ¹⁹ Umo kogoa,nau namei kamei:Ejo embo tapa ke sau ingore,ke ari amo seimana,eto hinikambari amo seimana. ²⁰ Embo ta hinikambari amo MAMA GOD ta jawotoho ari amiga pure re mane aguja. ²¹ Avo eto do sasapura tapa isapa-asapa tapa tojo irae ai.Jawotoho na ke amo umbujo awo no wasiri ta be ai,amina umo kojari re umbasoa. ²² Ke avo ejo no wasiri ai,ingari pere aisoa amo umo mane hondeta aisuja. ²³ Amina ke ingari pere ere ua te wasiri irae,amo re teho embo na tohota tombu arawo mirror ta ere koguha.O teho tohota aririvo iji na vihito ikehi kiagora ainge avo ere ua. ²⁴ Kito irae eto ahi ue amo do itere mahu jeneambo aisuja. ²⁵ Te embo amina eto kogote ke awotari avo koguha eto ere ua,amo tohota ari umbari eto irari amo BADA ga pere iresuja. ²⁶ Amina tapororo arua te tohota pe jigama ari dombae ue ivivi tehengkaguja amo sokova aguja,tapororo amo teho sokova avo aguja. ²⁷ Tapororo be ungotenau MAMA eto BADA amore evira:meni aja mama irae avo hondeta aisoa eto evuhu ivu pehari osaga te memesi te miha avo hondeta aisoa,ue avo umo re jawotoho enda eita re iresoa.