¹ Heape emire ke hahari kithita avo keta hambaru jo ai mihoi enda embota suku ai jakekare eaora. ² Jakeka ari ansa maha sirikarira, pikane kithi ta avo i-i hoimo tara eto akathe eni, eto ifo hea ta ambetembari ansa otofu. ³ Pikane ethotho po ami karari avo tho enira, avo era avo otofu, otofupe. ⁴ Koro anguthu ta akathe avo i-i ipoi undukari tara suku pikane tapa aire haharita mauva avo mi hauja, amita thamo avire koro tava ami andu karira, amita jo aire ithare ai minderi veauja avo findetore mihauja. Aaron ta ethu usiri ari amika, eto ke pepemi kakajeketo amara ari amika. ⁵ Ke pepemi mihauja amita thamo ai usasa te Anera ofofote, eto ke thoro kakase ke to finderi amita opa amika, eto ke iji hea atora amikao. ⁶ Ambo ai tuta evi siriketo mihae eto suku pikane ofata ari humbari mihae ore. ⁷ Embo pepemi amipere suku pikane kuta aire jua tapa amita jo aire iji tapape ami thoreaora, o ta sasaha humbae teto thoraera, samuna tofota vujekurue, embo ufota sasamuna ati pereto ae amika. ⁸ Ahihi otofu mi reki re kuthuna hansa otofu amitare rate pe ufa ae amita pere pari hansa pemi avo pikitha ai oketo mihinu. ⁹ Evire iji hea emita hajirera, overe isisate overe ainga hijora avo aro akari atheko mane avo thumotepain uja amita siroai. ¹⁰ Enana avo tefo minderite, umo minderite amita haneina-puneina avo ora, ingere theki ekarita ke peikarita ai ando pere ufa au mihima, iji hea ta ke pirisa vuretuja. ¹¹ Rate Jesu vuvuna embo pemi eto tota akakari vuvuna avo eto, eto thorena tho pe ai, athithi ta, moha pe ari jakeka arita hansa enda embo ta ingere ami ae, tapa enda emita ari ererembari mane. ¹² Ami hansa otofu pe otofu ta jo musu pe ai thorena iji tapa eto natofota, o goat ta sasaha mane eto o cow menita sasaha mane, rate tofota sasaha pe ami aje keto humbuna, natofo kosari ta areki. ¹³ Eto o goat te o bull te ta sasaha eto o cow menita avisa avo embo akari ae amera ai jifaro akari aro siriketo toaro Mama mi kuthau ando visi akari atuja, ¹⁴ eto theka nasiko ami Jesu ta sasaha mi avo natofo ta ahihi tofonuha mo hijou tokopa ambu Mama tai, nio ambure ta othembari amo mo toto Mama natofo amo mo jakeka ao? ¹⁵ Avoeto, Jesu re ke hea ivaja ari embora, avoeto avo jake mo arire natofo meri ta ke kajari avo humbarae, etomo avo tithi mo humbuto ambure ta hansa ai pambuai, ke pirisa pemi avo sasamuna jaru sekseto toto. ¹⁶ Jei amara ija avire embota ambure re ai kuthuja. ¹⁷ Amara ija, avire tefo engekari ai, maha amburiri ai amita pe-re hea engekari mihaera, ari embo avo hea miroure, ¹⁸ Avo etore ke pepemi hijeri arumbari avire o-ota sasa ambu. ¹⁹ Moses mi embo tae ke pirisami jajaketo ija, keta thane ai oketo, o meni ta eto o goat ta sasaha humbuto umo te sansova honse ari amite, i-i ando amite peiketo ke kakasekari amite embo petapa amikao, i kiki ami uvaha ue jiferi ena. ²⁰ Eto ena, sasahare emara Mama ke pepemi hijouve nigotae jajaketo ena. ²¹ Eto hajire reki tapa ai sasaha ami hijevekena, akathe te jakeka ari hahari pepemi finderi mauva amikao. ²² Ke ta hambaru ai imbufambu petapa sasaha mi eketo, sasaha endai varikatuja aro ae atona avire othembeto toari re mihaera. ²³ Avoeto akari re hahari eni ufo unag ai amija amika eto emika petapa overe hijeri amika. ²⁴ Jesu avo hansa otofu pe enda embo ta ingere ami ari ai thoraera, tefotota pe amita keikara. Rate pe-ere unga jo ai thorena, eto hea emi Mama ta tithi ai nango avo embo ukiuja. ²⁵ Jesu tofo avo eto nuha hijeti thoraera, embo pepemi jua tapa tapa amita joai hansa otofu ai sasahaenika. ²⁶ Avo aure meme kaiketo thambae eija, enda emita ithikari ai, rate heare tofo nuha ijekuruaja tapa pe iji tutmo eto natofota samuna avototo Jesu tofo nuha hijoaja. ²⁷ Iji hijeri ai embo ambu porora tapape, akopa aire iji katharira. ²⁸ Eto eniavo Jesu nuha hijina petapa amita sasamuna avoeto, etore thoro vuvuretuja, avo tofo kuma athe athe ora ai, samuna ivaja ari mane, rate kosari natofota avo eto.