1 Be enena, ta pure humbuto pauera embo ototohu , evi teho teho na dei kayae ra. 2 Na no sirika burika kewona, mo arawo embo Macedonians embo ta dei ,Achaia awo tuperi totera amina siyapaya uera.Eto no mina humbari awo humbuyo embo mei aminda dei asusumbaiye. 3 Awarate nane namei kamei iketene ungo tenau jawo jigari bitari eto ke ari ta poara, aro mo siapaya a' a, nane ere na. 4 Kiakia ao, Macedonians embo mei na puto inga na siyapiya ae iriroro kioro, sovera irae awo kito ke aro me amburoro. 5 Arawo eto etoingiona namei kamei siapaya atete ewuyo , hande ikasi jiea arawo embo.Siapaya aisoa ai awo ewamei ari awo humbasoa, mo titine batine aera. 6 Nane enena, embo amina jibe taitai kowasia amo be taitai humbasia, eto embo amina jibe hoita hoita kowasia amo be tawo tawo humbasia . Eto embo amina ewamei ari humbasi uje aisia amo ewamei ari humbasia. 7 Toyo embo nenei ungota jona ikasi uje ora awo ikare, ate ikasi ae au kito toyo . Ate jona ikitua awo Mamo na ewamei uya. 8 Eto mo de joari eto tunga jai ari ikasia, arawo eto doda perekari ma uje aisoa awo ikasia aminda be amo ari basiri jajai eoa eto tota pure eoa. 9 Teho kakuiya: inena iketei sisikitera , ayabaya irae aminda ikitia, tota jajai awo be iji nandoho iroya. 10 Embo amina jibe koveto indari humbaria ikasora, amo indari humbari nembo be eto nei tamonda be nembo be irasi iji nandoho. 11 Dei perekari ai awo Mamo hena no kebe ari eto basiri ewa kaewa eto atekari awo ikasoa, inga nane. 12 Iesu pure ai awo jibe nembo be tota pure ari embo mei aminda uje ,ta ikae eora. Awarate jibe be nembo be Mamo atekitue ikewuyo. 13 Aminda be amo Mamo da pure amo jamo jamo na jakasi poreka , timbo pejari, basiri ewakaewa na hande ari na keriso ta pure aisoa. 14 Ainge ao mo embo pari aisora ,eto Mamo na joari no dei ikasia. 15 Atekitona Mamo hena, na do aisona arawo siyapaya ana etea.