1 Namei kamei aro ungo kiwuyo , Mamo joari Macedonia torukari /mande ta ikitia. 2 Bouka tiuka ,doda irae embo mei eto embo irari jaibe iriua amo iji aminda awo tunga jaiari humbara . Eto doda nembo be saro aisora. 3 Nane enene isaga ua, ungo ta hotembari eto basiri toho ai ikewuyo eto be hondate eto ikasoa. 4 Eto nagona ikawa ke ai iraera ate ingota tipapa na ikasowa. 5 Ungo na ari sago ae arawo etera, awarate ungo kiti Iesu hena ikewuyo,ainge eto awo ingana hena ikasoa,Mamo da ujeta. 6 Titus ta dei etoingari uera, joari awo mandu tuture ari,arawo eto jo ai au irae asia. 7 Awarate doda perekari awo kebe arina ,eto siro kiari na, inganau jota tunga humbari na eto joari ta basiri awo no dei iroi. 8 Na evi ungona awa aera,awarate kebe ari embo mei aminda ungota embo nenei hondate aisi uye ora embo mei aminda dei ijikitona eto no uje doda do arawo embo nenei da dei ikeyo. 9 Ungotena Iesu keriso ta joari awo kewoa ,ungotena embo eto teta aya baya irae ainge uiya,hotembitiya ayabaya irae ainge eto iji ambota ayabaya aisi uiya. 10 Eto nau hotambari re evire tuperi nei kunda ai aigo embo nenei toto ungo mani tawo tawo ari pure awo tuture aisowa . 11 Awarate oroho etene irae etiya, arawo eto basiri aminda sirikaburika aisora,arawo embo no basiri awo be ao irae aisia. 12 Sirikaburika aisoa, amina hande awo awarari ikasia, na sirika do etea ai. 13 Ewi embo ta dei tehora bouka tiuka awo au eje aisia embo perekari arawo embo. 14 Iji oroho eminde ,no tunga humbari uje nembo tawo awo embo perekari ta. 15 Kaeto jiya ,embo amina ayabaya nembo irisia amo ayabaya nembo be irisia eto eako jiya embo amina agabaya isapu te irisia amo agabaya isapu te irisae. 16 Awate Mamo atekaisora , embo amina Titus ta jawo ta jona simba uia. 17 Mo awara ari do etera ai ikaera , awate simba be etea, no dei pambia tota uje be ai. 18 Nango mo de namei iketere pauna, jasika ue Mamo da pinga otohu humbuto sosi perekari ta hande aisoa. 19 Eto tawo arawo aera,awarate embo amina mi sosi ta jawo ta joari na pambau nango pure ikasora Iesu usasa purisia iji aminda hotembari. 20 Ewi serikewuyo,embo amina ungotena peumba mani aisia tunga humbari titijigari ekasia ai. 21 Iesu ta tita doda do arawo kebe na ikasora, awarate kebe na embo nenei da tombu ta ikewuyo. 22 Nango nangota namei iketere paua, bawari embere isapae ta ikasi uje uera, awarate be bawari ikasi uje uera aminda be amo koropa ari embo tawo inga arawo embo. 23 Jems amone nau otawora eto no pure ari embo ungotenau namei kamei awo sapo ue keriso ta sosi ta pure aiya ikitera. 24 Arawote eto tumonda ue kebe na tunga humbari sosi hena aisoa.